📽️

اللي يحب السينما لازم يقدّر نولان لأنه من القلائل اللي يحترمون عقل المشاهد و اليوم هو اهم اسم في الساحة و تخيلوا اننا وصلنا لمرحلة ماعاد نقول هل الفيلم بيعجبنا ؟ صار السؤال وين بيكون ترتيب The Odyssey بين افلام نولان ؟ تبدأ القصة بعد نهاية حرب طروادة الطويلة و يقرر الملك اوديسيوس العودة الى وطنه و زوجته و ابنه لكن رحلته تتحول الى صراع من اجل النجاة و بصراحة من افضل الرحلات اللي شفتها كتابةً من هذا النوع من القصص رحلة مليئة بالتشويق و كل محطة يوقف فيها الملك و رجاله تحمل معها اشياء غريبة و مريبة و مثيرة قصة الاسطورة فيها تفرعات واسعة ومع ذلك ما حسيت اني محتاج أقرأ عنها او اعرف تفاصيلها قبل ادخل الفيلم نولان قدم لنا لمحة من هذي الاسطورة بشكل مفهوم ومشروح وقدر يخلي المشاهد يفهم عالمها بدون ما يحس انه ناقصه شيء اصعب المحن ما تبدأ دائمًا داخل ساحات القتال ممكن تبدأ بعد انتهاء الحرب وهناك اخطاء و ذنوب ترتكبها في لحظة و تظل تطاردك بقية حياتك و احيانًا مو العدو اللي يرفع بوجهك السيف ، هو الماضي اللي صنعته بيدك و النتائج اللي ما تقدر تهرب منها مهما ابتعدت و اذا صار الانسان يشوف الاخر عدو او عبء المجتمع كله يبدأ ينهار من الداخل لأن اول شيء يضيع هو الثقة و بعدها تختفي الرحمة و كل علاقة بين البشر تصير مبنية على الخوف و الشك بدال الاحترام وقتها ماعاد فيه منتصر حقيقي و أي انتصار يتحقق بهذي العقلية راح يكون مؤقت و يمكن تكسب معركة او تحقق هدفك لكن الثمن ما يختفي يرجع لك بصورة ثانية و اللي يسويه الانسان بغيره يدور عليه مع الوقت و كأن نولان يقول ان اكبر خطر هو يوم نوصل لليوم اللي يفقد فيه الانسان انسانيته و يصير يشوف كل غريب تهديد و كل شخص مختلف عدو لازم يتخلص منه رحلة اوديسيوس كانت رحلة العودة للانسان اللي كان عليه قبل الحرب وكل شيء يمر فيه كان اختبار لشخصيته و اجبار له ان يواجه قراراته و اخطائه قبل ما يواجه الطريق وادركت ان اصعب طريق مو اللي يوصلك لبيتك الاصعب هو اللي يوصلك لنفسك من جديد وبنظري نولان قدم مشاهد فيها طابع رعب و توتر بعض المخرجين المتخصصين بهذا المجال يعجزون عن صناعة مشاهد نفس القوة و التأثير اللي حسيت فيها هنا مات ديمون من زمان وانا مؤمن بامكانياته و جاء الدور اللي اكد هذا الايمان قدم اداء عظيم و قدر يحمل شخصية اوديسيوس بكل مافيها من ثقل و تعقيد و انسانية آن هاثاواي قدمت شخصية مختلفة و حضورها على الشاشة طاغي و مؤثر ومن كثر اعجابي فيها تمنيت دقايقها على الشاشة اكثر توم هولاند جسد الابن الضائع و التائه اللي يحاول حماية والدته و في نفس الوقت يبحث عن والده بكل ما يملك من امل و قدم المطلوب منه و كانت مساحة الدور صدمة بالنسبة لي لكن تأثيرها كان كبير و كل مشاهده محورية في القصة و اللقاء مع والده من المشاهد اللي مستحيل انساها مشهد ثقيل دراميًا ، توم يملك امكانيات عالية و اخيرًا جا المخرج اللي يؤمن فيه و يعرف كيف يطلع افضل ما عنده روبرت باتينسون مغناطيس الشاشة بس يطلع مشهد له يصير من الصعب تناظر أي شخص غيره حضوره طاغي و متلبس الشخصية بصورة مذهلة و يملك قدرة على رفع مستوى أي مشهد يشارك فيه وتعرف قيمة الممثل الحقيقية لما ما تتجاوز مدة ظهوره خمس دقايق و مع ذلك يترك اثر لا ينسى هذا اللي سوته زيندايا دورها جميل بشكل لا يوصف و كل مشهد تطلع فيه يعطيني شعور مختلف و طلعت من الفيلم و مشاهدها اكثر شيء عالقه في عقلي محد راح يفهم اللي اقوله الا اللي شاف الفيلم بقية الممثلين الكل طلع بافضل صورة و عطو اللي عليهم و اللي مكتوب لهم و هذا الكاست اللي تعرض لانتقادات كثيرة قبل عرض الفيلم يساهمون في تقديم واحد من افضل افلام نولان اكثر ما ابهرني هو اتزان القصة ساعتين و خمسين دقيقة مرت بدون ما احس ان الفيلم اطول من اللازم او هناك مشهد ماله داعي كل شيء كان محسوب بدقة و كل عنصر بمكانه و لو كان الفيلم بيد مخرج ثاني تحولت القصة الى ثلاثية طويلة متفاوتة المستوى لكن نولان عرف كيف يرويها كاملة في فيلم واحد بدون ان يفقدها شيء احنا الحين بشهر 7 من هذي السنة و الوضع محسوم على افضل فيلم في 2026 انا متأكد كل اللي جاي مارح يكون مثل The Odyssey The Odyssey 9.5/10