د.عز

لا سامح الله من أربكوا فينا النبض حتى ظننا أننا لن نستفيق من خمره الشعور ومضوا في حياتهم وكأن لا شي حدث وكأنهم لم يفعلو شيئاً ولم يكسروا قلباً

@lara19ry محد كامل لا أنتِ ولا غيرك من النساء ولا كل الرجال إذا عندك عقد نفسية لا تتزوجين الموضوع جدًا بسيط ولا يحتاج تسوين دراما بايخه وإذا جاك الشخص المناسب لك وتشوفينه كويس لك وافقي عليه لا تفكرين في شيء ولا صار من شيء أساسًا ما يحتاج نفكر معك لأن هذي حياتك الخاصه مو حياة الناس

من الخاص: انا عمري 44 وارمله من سنه وعيالي كبار صراحه مدري شقول واتمنى تفهموني انا عاطفيه احب الحياه والحب وودي اتزوج مره ثانيه حتى شكلي الحمد لله مقبول بالنسبه لعمري ونشيطه ماشاء الله لا قوة الا بالله اذا نصورت انا وبنتي مافي فرق اللهم لك الحمد بس مدري محتاره اخاف اندم والي ابي اتزوجه يكون خلاص مايبي عيال ولا طبخ ونفخ يبي وحده لنفسه ويدلعون بعض اكيد فهمتوا علي بس اسمع المشاكل ان بعض الرجال عندهم علاقات سواء مع بنات او رجال او مخدرات فأخاف واتحطم بس قلبي يبي الحب والرجل اتمنى محد يسب او يغلط ابيكم تفكرون معي ويارب فهمتوا علي اتمنى لكم ولي راحة البال

@lara19ry لا قرار غير صحيح وكل شخص له قناعاته اللي تشوفينه صحيح غيرك يشوفه العكس وكل واحد حر في رأيه مالك علاقة في نظرة المجتمع تبين رأي الناس وكل واحد يقول رأيه بناءً على نظرته ولا أنتِ ملزومه تأخذين بكلام أحد ولكن هل الزواج من أجنبي عادل للبنت السعوديه أكيد لا والمتضرر عيالها مستقبلاً

من الخاص: ابغا رايكم الصادق واحتاج تقنعوني لو انا غلطانه هل تشوفون الزواج من غير السعودي قرار صحيح علما انه من مواليد السعوديه وعايشين هنا ومتأثرين بالبيئة وشخصياتنا جدا متوافقه بس انا شايله هم نظره المجتمع لان المعتاد عندنا الولد عادي يتزوج اللي يبغا بس البنت لا وعيب تتزوج غير السعودي انا ما اسامح او احلل اي احد يقول كلمه علي انا فعلا احتاج اعرف الي اسويه بيكون صح او لا حسبي اللّٰه على اي شخص بيدخل بنيتي ويغلط علي.

ماهو إلا يومًا آخر نكافح فيه وندفع عجلة التنمية

@prop_solu الموضوع ما يحتاج نصيحة لك النصيحه المفروض تكون لأهلك إذا هو يشكون في في نظراتهم هذا دليل العيب فيهم لأنهم ما عرفو يربون وهذا غير صحيح أساسًا هذي المواضيع خلك واضحه فيها معهم غير هالشيء راح تستمر المعاناة إلى الأبد

السلام عليكم أنا بنت متميزة وحالياً مستغلة وقتي بعد التخرج في حفظ القرآن والدورات عشان أبني نفسي ومااحس بشعور العطالة أنا ما أطلع إلا لهالأماكن وأهلي هم اللي يودوني ويجيبوني المشكلة إن أهلي يوافقون أروح، بس يذبحوني بنظراتهم وأسئلتهم اللي تحسسني إني قاعدة أسوي شي غلط! هالشي دمر نفسيتي وخلاني قبل كل دورة أتوتر وأشيل همهم واخاف اصارحهم مع إني والله نظيفه بس ضغطهم وشكهم يحسسني بقلة الثقة اندم ويجيني شعور ان ماودي انجز شي او ماودي اخذ شهادة دورة من كثر الشعور السيء. تعبت وأنا أشوف اللي حولي يلقون دعم من أهاليهم وأنا أقابل بنظرة شك تكدر خاطري من طفولتي كذا ع ابسط شي يحسسوني بالشك وكبرت وانا مهما سويت احس مااقدر ارضيهم واحسهم يشوفوني بنظره سيئه بالرغم من اني ينضرب فيني المثل لديني واخلاقي وتفوقي بكل شي افيدوني بنصائحكم وكلامكم

@FdFdHME كاتب سيرة ذاتيه عنك ليه محد طلبها منك ترى الحين وش تبي بالضبط ؟ اخوك يقولك تزوج وأنت ما تبي تتزوج طيب والمطلوب ؟ ما تقول إنك رجال صح طالما إنك رجال القرار تأخذه أنت ولا أحد يفرضه عليك سواليفك مثل سواليف الأطفال إذا صرت رجال تعال وقتها سولف علينا

#فضفضه أنا الحمدالله موظف في الرياض ماعندي التزامات غير السكن الان مستأجر ومتواصل مع اكثر من بنك افكر اشتري شقه واريح راسي من الايجار وانا كثير السفر مع الدوام والحمدلله مالي بالخرابيط أبدا الله يثبتني ويعافي كل مبتلي من رمضان افكر جدياً بالزواج ولكن عندي مشاكل بسيطه السكن ودي اتزوج والسكن مالكه مو اجار والمشكله الأخرى عندي اخوي اكبر مني ماتزوج ودايم يقول لي تزوج وانا ارفض والحين ماابي اتزوج وهو باقي ابي اكون سبب ضغط عليه بس خوفي يتاخر ويطول وخوفي اتزوج ويشيل فكرة الزواج من راسه وهذا أنا ماابيه واهلي دايم يلمحون لي بوحده من الجماعه يبونها لي ويقولون الحق عليها وانا اعرفهم زين وودي بهم ولكن متردد لاسباب أمها تعرفنا وإنسانه محافظه وماعندها إلا البنت هذي الباقي شباب افكر بالمستقبل إذا سافرت ان البنت تبقى عند أمها وعيالي عندهم وانا مرتاح اتمنى فهمتو وش المقصد ومتردد ان اخوانه اجتماعيين وراعين فعاليات وانا دايم احاول اني ابعد عنهم موب عشان شي بس أنا شخص انطوائي من الدوام للبيت والبيت للدوام واحب اطلع لحالي.

@Askmuhami ما في حلول علشان ترتاح من الحين

من الخاص📩 السلام عليكم انا راتبي 19 الف وعندي قرض عقاري ب قسط 7700 وبعد تقاعدي راتبي صار 10100 ولسى يخصمون القسط على الراتب قبل التقاعد ورحت لهم البنك والي فهمته من الموظف اننا بنسوي لك اعادة جدولة ولكن بترجع السنوات من جديد او حاجه زي كذا والان خلصت تقريبا 19 سنة باقي 6 سنوات واقفله ايش الحلول الموجوده ؟ صافي الراتب ما عاد يسوي شي ابد

@Askmuhami كلمة السناب لا تعد تحرش أساسًا والاعتداء راح يحاسب عليه أخوك اخوك أخطأ في الاعتداء عليه المفروض كان يبلغ الشرطه في وقتها فقط ولا يأخذ دور الدوله وبعدين اخوك طالما رجل ليه يخلي زوجته تنزل وهو في السياره أول مره أشوف زوجه أرجل من زوجها

من الخاص📩 السلام عليكم اخوي نزل زوجته بقاله وانتظرها مع طفلهم بالسيارة وشاف شاب يلاحقها من محل إلى محل وبعدها ركبت معه ترجف وسالها وش يبغي قالت يقول هاتي سنابك .. ونزل واعطاها الطفل وسحب الشاب برا البقاله واعطاه كفوف على وجة والشاب خاف ولا دافع عن نفسه وركب اخوي سيارته ومشي … مع العلم اخوي رجل عاقل ومتزن لكن معه سكر .. هل لو اشتكى الشاب بيلحق اخوي شي .. طبعا للان ماوصل لأخوي اي شكوى .. لكن في حال وش الإجراء والعواقب

@Askmuhami الأفضل توثقين السلف له في منصة ناجز ما يسدد حقوق الناس تبينه يسدد لك ولهذا لا تعطينه شيء الموضوع واضح ولا يحتاج في مشوره وعقلك في رأسك وتعرفين الصح من الخطأ بعض الناس حتى التفكير ما يبي يفكر ؟ عجيب والله بعض كيف تفكر وكيف بعض المواضيع الواضحه تسأل فيها ؟

من الخاص📩 السلام عليكم زوجي موظف ينزل له راتب ٤٠٠٠ طلب مني اخذ له قرض ٥٠ ألف عشان يسدد ديونه و يشتر سيارة. انا موظفة و عندي قرض شخصي سابق ، محتارة! هو شخص مراوغ و مايسدد حقوق الناس، يعني تسلف مني مبالغ بسيطة و يقول بردها و لا يردها لي فا ماعنده امانه.. لكن قال انه بيصور مقطع فيديو له انه اخذ مني المبلغ و بيوقع ع أوراق رسمية كا دين و بيشهد اشخاص من اهلي و اهله انه اخذ مني مبلغ فلاني و بيرده لي اقساط.. و بيكفلونه اثنين من اخوانه في حال هو ما عطاني فلوسي هم يكونون بالوجه. شورو علي ارجوكم🙏🏻 هل احتاج محامي؟ و كيف اضمن اني ما بتورط معه!

@Askmuhami الشخص اللي ما يبيك لا تنتظر منه يرجع لك ولا تتمسك فيه هي ما تبيك احفظ كرامه لنفسك لو عندك كرامه وموضوع الرجوع شيء راجع لك ويعني تبي تظلم الثانيه وش ذنب الثانيه الحين في قصتك بصراحة كل شيء تسويه غلط ولك تقبل الشروط ولك حق ترفض وكلامها هذا لا يعد تخبيب أساسًا أنت تبي وجع الراس لك

من الخاص📩 السلام عليكم انا كنت متزوج 11 سنه ورفعت الزوجه بعد ان توظفت فسخ نكاح وانا من ساعدها بدراستها من بدات الي ان توظفت لمدة لا تقل عن 8 سنوات وحاولت كثير اقنعها بالعدول عنه وحكم لصالحي ورجع المهر لعدم وحود اثبات وتم الفسخ وبعد شهور عقدت علي امراءه اخرى رجعت الاولي ترسل وتتصل وتطلب اني اطلقها وارجع لها واخبرتها انه انتي من طلب الفسخ وانا عقدت الان وانها ماتوقعت اتزوج بالسرعه ذي وتبي ارجعها بشروطها الاولى وشروط اخرى كبيره ايضا واطلق من عقدت عليها قبل ان ترحع لي هي هل استطيع رفع دعوى تخبيب عليها ولدي الرسائل والمكالمات حيث انها ضرتني كثيرا ولم تقدر السنوات الي بينا والان تريد افساد زواجي لم اعرف ماتريد

@Askmuhami أهل العقول براحة أنت شخص مريض ولازم تتعالج الناس تدور الشكوى في مؤخرة نمله ناس فاضيه والله

من الخاص📩 السلام عليكم عرفت ان شخص قام بتصوير حالة واتس اب الخاص بي والحالة هذه انا كتبتها بيدي يعني حق خاص لي .. فهل استطيع ان اشتكيه

@Askmuhami محد يعرف وش ممكن يقرر بس الحضانه غالبًا بتكون مع الأم لأنها الاولى في موضوع الحضانه من الأب والمكان ما يسقط حق الحضانه من الأم

من الخاص📩 السلام عليكم الحضانة عند الأب ، الأب في مدينة والأم في مدينة أخرى ، عمر الولد ١٣ سنة ، اختلفوا على مكان ومدة الزيارة ، طلب القاضي تحويلهم للخبير ، بماذا سيحكم الخبير ؟ أين ستكون الزيارة ؟

@Askmuhami تأكد من الموضوع وبلغ إدارة المدرسه تتعامل مع الموضوع وحتى لو منت متأكد لازم تبلغ إدارة المدرسه وهي تتصرف بالطريقة اللي تشوفها مناسبه

من الخاص📩 السلام عليكم أنا طالب في مدرسة اهلية لاحظت سلوك غريب يعني عند احد الطلاب وسمعت ان اخويها يروجون للمخدرات ما اعرف كيف اتصرف او كيف اسوي بلاغ اي نصائح مو متاكد من الموضوع

@Askmuhami هذا ابتزاز وهذا تقول عنه صديق وطالما خارج السعوديه مالك سلطه نظاميه عليه

من الخاص📩 السلام عليكم انا عندي صديق لي محتفظ بفديو لي وطلب مني مبلغ ٣ الاف ويمسح الفديو واعطيته والحين رجع يبي ١٠٠٠ وش المطلوب مني وكيف اسوي علماً هو اجنبي خارج السعوديه ومهددني بنشر الفديو

@Askmuhami ما في حل طالما أخليت بالشروط راح يتم فسخ عقد النكاح والحب ماله قيمة طالما أنت أخليت بالشروط الموضوع واضح ولا يحتاج فيه استشاره ولا سألنا إذا أنت عندك خير أو لا ولا أدري وش دخلها في موضوعك يا أبو شبق جنسي هنا مو مكان تتميلح فيه

من الخاص📩 السلام عليكم أنا الحمدلله عندي خيروغير موظف ومتزوج امراءة واحدة لي اكثر من عشر سنوات وعمري الان قارب الخمسين سنه وعمرها 41 سنه وعندي منها خمسه اطفال وعندي مرض الشبق الجنسي ولدي تقرير طبي من مستشفى حكومي بذالك ورفعت علي فسخ نكاح وهذا السبب علماً انها سبق ان خطبت لي مطلقه عمرها ٢٨ سنه وتزوجتها ولم تصبر على الزواج اكثر من ثلاثه شهور معي وطلبت الطلاق وطلقتها ولم يحدث حمل الان زوجتي الاولى تبغى الفسخ وانا مااقدر بصراحة على فراقها وش الحل علماً بأننا جلسنا جلسة صلح واشترطت شروط معينه ووافقت ورجعت لي ولكن لم التزم أنا بالشروط لأنني مريض والان طالبه الفسخ من جديد ماهو الحل قانونين زوجتي احبها ولا ابغى غيرها علماً أنني عرضت عليها أموال كثيرررة ولم توافق

@SALIFATI9 هذا نظام الجاهليه أساسًا وهي مظلومه وماهي ظالمه وبعدين من حقها ترفض وبخصوص الكلام ما راح يضر شيء من كلامها الحياة ما توقف عليها ولا عليك ولا نقصك شيء يوم قالت كذا كبر عقلك وشوف حياتك مع إنسانه غيرها ولا تصير حساس وخلك رجال والموضوع مكرر يا ورع

#سالفتي لما وانا صغير ابوي حاجز لي بنت عمتي وهي اكبر مني بثلاث سنوات ويجونها كثير ناس يخطبونها وهي ترفض ولما كبرت بالعمر وصار عمري 27 وهي 30 جيت وكلمت اخوها اني بخطبها واكيد الخطبه تكون امي تروح لهم وتخطبها رسميا لكن تفاجأت ان البنت ترسل لاختي تقول لايجي يخطبني ويتفشل وامي ماراحت ولا خطبناها وطلعت عني اشاعه اني خطبتها ورفضت ف للامانه ماني عارف هل هي تستاهل او الله أبعدني عنها

@SALIFATI9 ما عندكم شوفه شرعيه هذا مو ذنب الرجل هذا ذنب أهلك المفروض تشوفينه ويشوفك للطرفين وموضوع المرض والانطواء اللي فيه والبخل وموضوع تصرفاته وضح لك كل شيء الكلام ماله قيمه لازم تأخذين قرار ولا تجاملين فيه على حساب نفسك ولا يعيش مع شخص قذر وبخيل إلا واحد مثله ولا أعتقد أنتِ مثله

#سالفتي انا احس اني انخدعت خطبني ضابط وتلقائيا عبالي ضابط= طويل ولا عندنا شوفه شرعيه ف لمن تزوجته طلع طوله ١٦٥ وانا طولي ١٦٠ واحس انهم خدعوني وحتى احس اني اطول منه مرات يعني قصير ب شكل مبالغ فيه! قلت مو مشكله خلقت ربي وبتحمله ولكن طلع عيبه مو بس بشكله وبطوله حتى اخلاقه احس انه مليان عقد نتيجة طفوله سيئه وطلع ماعنده اصحاب ولا استراحه واهتماماته طفوليه جدا وفيه حرص زايد ولبسه وعطوره جدا رخيصه بالنسبه لواحد راتبه عالي وهو مايقصر معي بس اول مايدفع ل شي ابيه علطول يدخل حسابه الراجحي ويقعد يحسب ويقعد متضايق طول الوقت كرهته مره ولا عاد ابيه وقعدت معه شهرين بدون اكلمه وطول الوقت نتهاوش على اتفه الاسباب نتيجه ل عدم تقبل وشي طبيعي جدا اللي مو طبيعي صدمته لمن طلبت الطلاق ورفض يطلق يقول ليش من اول ما حسيتي انك مو متقبلتني طلبتي الطلاق ليش تقعدين عندي وتخليني اصرف عليك برضو من اسبابي ل الطلاق لقيته فاتح حساب تيكتوك وكاتب فضفضه انه متزوج وحده وبس يصرف عليها وكاتب ايش يحصل بيننا واشياء جداً خاصه ويحط لايكات للممح*** اللي بالتعليقات ولمن واجهته قال مو انا بس الغريب ان الحساب علطول انحذف يعني واضحه وصريحه

@SALIFATI9 ليه توافقين عليه من الأساس ظلمتي الرجل وظلمتي نفسك معه هو يستحق بنت أفضل منك بكل تأكيد ويستحق بنت راضيه ومقتنعه فيه ترى هذا زواج مو لعبة ببجي تجربين فيه والمشكله باقي متردده تكنسلين الخطوبه أو لا ؟ هذا الزواج المفروض ما يصير لا هو مناسب لك ولا أنتِ مناسبه له وهو يستحق الأفضل

#سالفتي عندي سؤال انا مخطوبه لشخص صار لي مدة والشخص هذا مره كويس وطيب وعنده خير واهله مره كويسين وراقيين مره وانا من البدايه ماكنت مقتنعه بالشخص هذا بس اهلي حاولو يقنعوني ويقولون لي ان مافيه شخص بيجيك افضل منه من الناحيه الماديه والرجال مره محترم الصدق بس انا من يوم شوفتي الشرعيه واحس مافيه مشاعر لا حب ولا نفور احس فيه قبول بس احسه زي اخوي مره لدرجة خلصت الشوفه ولا دريت ان هو مره يبيني الا من اهلي وانا حسيت انو بس ضيعت وقتي معه بس بالحقيقه انا ماودي اكمل بس للأسف كملت وانخطبت له والحين احس كل ماافكر فيه يجيني غثيان حتى لما اكل ويجي ببالي والله العظيم تنسد نفسي واتغصب اكل وزواجي منه بعد ثلاث شهور هل اذا كنسلت خطبتي اكون ظلمته معي ولا اذا كملت معه بظلمه وهل ربي بيعاقبني ؟ اني كملت معه بدون تفكير ولا استخارة اتمنى جواب سريع

@SALIFATI9 لا المحتوى صار مكرر ومواضيع منحطه

واضح التفاعل هالأيام هادي 🤔 تتوقعون السبب من المحتوى ولا الوقت؟

@SALIFATI9 خلاص إذا عرفتي علمينا وقتها علشان نعطيك الرأي السديد ولا راح تعرفين هو الشخص أو لا الا بعد الزواج ولا هو راح يعرف إنك الانسانه المناسبه له إلا بعد الزواج ولا تتكلمين عن نفسك كأنك ملاك منزل من السماء

#سالفتي عندي مشكله ان تقدم لي واحد وماعرف إذا أنا مستعده ولا لا وهل هو الرجل الصح ولا لا مرات يكون ودي يكون عندي زوج وحياه زوجيه ومرات اقول ماودي استعجل عمري ٢٤ مع العلم دراستي طويله ف لو بستنى اخلص دراستي مارح اخلص ومرات اقول أنا وحده جميله جدا لو اصبر بنفس الوقت مابي انغر بنفسي وبنفس الوقت اخاف أتزوجه ومايكون الشخص الصح والمشكله الثانيه انه يبي منقبه وانا مو منقبه بس ماعندي مشكله أتنقب بنفس الوقت اخاف انه مايستاهل التضحيه (زواج تقليدي) ماعرف عنه إلا شغله استخرت ✅

@SALIFATI9 فيك رهاب الحل بالعلاج النفسي الموضوع بسيط ولا يحتاج كل هذا الكلام تقولينه وقدامك العافية والواحد قبل ما يفكر يأخذ خطوه يفكر في العلاج أخطيتي بموضوع الخطوبه ولا فكرتي في موضوع العلاج

#سالفتي انا عمري 24 وعندي 4 اخوات يبنات انا الوحيده فيهم فيني رهااب من الرجال مررره يعني مستحيل اطلع مكان لوحدي لازم امي معي حتى لو سوبر ماركت اخاف ادخل مكان عام بدون امي مااقدر اكلم اي رجال حتى لو صيدلاني او شى ضروري مره مستحيل فيني خووف مو طبيعي واستحي مرره لدرجه يمكن ابكي وهذا بسبب موقف صار لي وانا صغيره فاخلاص كبرت وكبر الخوف معي الحين يبنات ملكتي بعد شهرين والله العظيم ماني شايله هم الا كيف بسلم عليه! كيف بمد له يدي ؟ كيف بجلس جنبه مستحيييل وربي وربي احس مجرد افكر في هذا الشى قلبي بيطلع من مكانه والله م ابالغ هل هو طبيعي الخوف هذا اني اجلس بجنب واحد غريب لسى ماتعودت عليه؟