ٍ

لا غبت عنكم وفي ترابي توفيت استروا عيوبي و ادعوا لي بالثبات تذكروا الصحبة لو اني قد اخطيت وانسوا خطاي واذكروا حلو الصفات

الصباح اللي يجدد — شوقي المتمادي والله انه من صباحات العذاب الكبرى

الذكريات اللي يلاعبني هواها كل حين على مرارة قسوة الدنيا ماهيب محلّيه احس باحساس مْتقلّب لا سعيد ولا حزين واعيش .. وظروف الحياة معلّيه ومدلّيه تمرني لحظات آردد: " تالي الدنيا تزين " وتمرّني لحظات اقول : ان الامور مولّيه — عبدالله السراهيد

"مانسيتك لو تغيب عني سنين والليالي عنك ماردت خبر والله اني كل ما يقسى الحنين رحت افتش بالرسايل والصور "

من كثر مانيب أحنّك من جروح العتاب ما أقابلك غير بـ الضحكه ، و طيب النبا - تركي بن جويعد

من فراستها لا غنيت لي بيتٍ جديد تعرف الكلمة من البيت قبل أقولها

تعال إن مرّتك نسمة حنين و جاك هدّة حيل

«حتّى لو أن الصّبر قطعة من عذاب أسعى ورا يمكن و حقّق ربّما من يزرع الإحباط فالماء و التّراب لا ينتظر شيءٍ يجيه من السّما ودّك تشوف الظّامي يطارد سراب و لا تشوفه ينتظر موته ظما»

يا فداك الصَّحاري والمدن والمرافي ونجمةٍ كلّما طلّت يبشّر سعدها إتركيني ورا ضحكتك .. أعنّ القوافي ضحكةٍ وش علي إن ضاع عمري بعدها؟ - محمد السلطان

لك القلب يضحك كل ما مرته ذكراك وأنا لا ذكرتك قلت ليت العمر ثاني شعوري على لهفة شعور على إرباك هو اللي يضحكني على كل شي بكاني ماني خايف ان الوقت ياخذك لهناك أنا خايف ان الوقت فيك يتحداني أحبك وأعرف اني أحبك بدون إدراك أنا قلبك الأول وأنا قلبك الثاني

تغنّى الشعراء بـ (الجديل) وقالوا فيه/ الجديل اللي تروّعه النسايم ما ركد حتى على عنقك تلوّى - ناصر مناحي الجديل اللي تلمّه لمّني مرّه مكانه الوله فتّاك والوحدة شقاء والكبْتْ عِلّه - سعود مهدي كن برّاق الغيوم المرزمات كفوف زينه تفهق خصال الجديل اللي ستر لبّة نحرها - شفيع القصر

ودي أغيب وابعد فالفجوج الخليه وانقطع مع طريق الانقطاع المفاجي فاقد الضحك والهاجوس والمعنويه كبر فقد العواجي في عوال العواجي — مبارك بن رادعه

ورى الصدر ضجة هوشةٍ مالها فرّاع من اسبابها صخاف السراجيف مشتكيه اجامل و انا كنّي من المجتمع مرتاع ولا عاد اداني ضولة الناس والتكيه ما غير اتلذذ بالسعه لذة الملتاع إلى عيّن اللي قده شفقٍ على حكيه معي ضيقةٍ قبل الغروب تْحشر الاضلاع لو انّي ما اسج الرجل ؟ دنيتها بكيه

الشعر والحزن والتفكير والإنتظار أربع مواسم ، تمرّ الصدر يوميًا

«تبسّمت لحديثك بسمة إللي ممتلين إعجاب مع إن نص الكلام إللي ذكرته — مْا يناسبني» - مي اللافي، من باب فن الإنصات

بانت مواري حبّك في مشربي

روحتك وحداني ودوسك للاخطار اخير وأبرك من مخاوى حداهم سج القدم واركض بها يمين ويسار "واشتر وناسة خاطرك بالدراهم" —لافي الغيداني

يوم اسولف معك وآجاذب أطراف الحوار والله ان صدري ، مخبّي لك الشي الكثير ماابي أسمع صوت كاظم ومقطوعة نزار سمّعيني صوتك .. " اللي يبشّرني بخير " - عبدالله السراهيد

أحيانًا كثرة الغياب تعيفك الشخص اللي غاب عنك، عبدالله ال لزيوح قال / حاشمك من رجعةٍ ماضيك أجمل منها من متى والغالي اللي راح يرجع غالي ؟

تعوضت فيك بـ خبرةً ماهم بـ شرواك مع ان ماحدٍ منهم على الطيب يسبقني ضهدني زماني وانت معطيني مقفاك تسولف لي من الظل والشمس تحرقني المفترض من أسلوب الحياة اختيار العلاقات يكون مبني على شدة الظروف لأن الانسان مايحتاج الشخص الضعيف اللي مايسعف نفسه والحياة تسوقه، هذا أول شخص يترك يدك

سقى الله وقتنا الماضي معك يا غالي الأحباب قبل لا نغترب عن دار حبّك لي ونبقى أغراب