لاسولفت بعيونها اللي دونها مت وحييت
أكذب لسان البشر ... وآخذ كلام عيونها
أعذب من لسان الشعر ومعلقاته بيت بيت
وأطهر من اللي فالسماء دايم تهل مزونها
لو أبتدي في وصفها عز الله اني ما أنتهيت
فيها مزايا كاملة ماينتهي مضمونها
من حقك .اليا خذيتي كل ..ما تطلبين
انتي .جمعتي كبر حاكم ..وغيرة طفل
على طريقك ..ليا منّك نويتي.. تجيين
الارض ..تفرش لك خزاما .وورد ونفل
وجهك ليا من صحيتي كثر ماهوب زين
من شافه يقول هذي طالعه من حفل
اللي لمح من جمالك طول مفرع وعين
يقضي.. بقية حياته .كلها ..ما غفل :)
يا حبيبي لا تشكك في غلاك وقدرك
انت غير الناس هذي لا بغيت الزبده
اعتبر صمتي محبه يالحنون المدرك
وجهك الطاهر عيون التايهين تعبده
علّق الشطر الاخير قلادةً في صدرك
من فقد مثلك فقد له قطعةً من كبده
حبيبي ترا بيني وبينك عتاب أحباب
ولولا غلا حضرتك والله ما أعاتبها
من الشوق والغيرة عليك أفقد الأعصاب
تراني دخيلك حالتي لا تعذبها
لو أقول أبزعل جد وأفارقك كذاب !
أول مرة أضحي بروحي وأكذّبها
__عبدالله بن شايق
كل لحظه كانت بقربك عظيمه
عيّا يكررها الزمن بعد ممّشاك
ماعاد لتاريخ معنى و قيمه
عدّى على قلبٍ عجز ما تعدّاك
مشاعري بين انتصار و هزيمه
من ليلةٍ فيها عرفتك لفرقاك
و أبك أنا من غيبتك ما باقيٍ بي طاقة
ما بقى من مغريات الوقت شيٍء يغري
جيت يمك تابعٍ قلبي مانيب مستاقة
وشايلٍ صدرٍ على حبة جبينك مفري
تطري مع الليل و مع البرد و مع الناقة
حتى لا قربت سجادة صلاتي تطري!
امسيت فـ محادثتك ارقب مراسيلك
و أعد مثل الطفل من واحد لعشره
و اسمع قديم الرسايل يوم اناديلك
سوالف بيننا مااااهي بـ منتشره
سويت لك كل شي وش عاد اسويلك
قدرت احبك و لكن ماقدرت اشره
انكر غـلاي و معاريفي و حبي لك
لكن انا طـالبك لا تنكر العشره
وش تبي أمر ولبيـك يالوجه الضحوك
أنت ما تستاهل تحس بإحساس العنا
لك بقلبي عرش الأسياد واحكام الملوك
شيـل من ودّك تشيله عسـاهم للفنـا
ما ينافسني بمحبتك بعد أمك وأبـوك
غيـر أنـا وأعوذ بالله من كلمة " أنـا "