شاعر غزل

✍🏻 ٰ يوم شفته بين سطر وسطر شفت اعضاء لا منها مشت ماهره اشهد ان صدرها المليان حاله خطر واشهد ان باطنه محتاج من ظاهره (خصرها اضوق مساحه من مساحة قطر) (وردفها ،، اكبر من ،، الفيوم والقاهره) راح ،، قلبي ،، عليها ،، روحه المنفطر لانها ، هي ، رغم انف ، الزمن ظاهره..!

✍🏻 ٰ ماني بـ ناسي جميلك يا فريد الجمال مدام لك فـ المحاني طلة باهيه اشوف فـ عيونك الثنتين ساحة قتال لاصارت اسمن معاذير الغلا واهيه طيوفك احلا مايمكن ينوجد فـ الخيال  و عيونك الامره فـ القلب و الناهيه وشلون اشوفك و أعامل لهفتي بـ آعتدال والداهيه لو يشوفك راح في داهيه ..!

✍🏻 ٰ يشبهك صبح النسايم و يكسيه الضباب مثل ما تكسي ضلوعي نسانيس الغلا و تشبهك صدفة ملاقى على مسلك غياب لا أمتلتْ منك المشاريه و الشوق أمتلى و صار هذا الحب قوّة و نوع مِن الرهاب و أصبح التعبير يصعب على قولة هلا " يا هلا يا نار فردوس يا جنّة عذاب إن خلت منك المودة عساني ما خلا "

✍🏻 ٰ ما ودّي أجرح عنقها الوضّاح والقدّ الرهيف وأنا وعد ضحكة ثناياها ، وأنا موعودها غيدًا يباريها النسيم العذب ويدفّ القنيف كنّ الهوا الغربي هواها والسحاب حدودها عيّت تخلي للحيا طاري وللنسمة مصيف إلا ، على جرّة مواطيها وحُمر خدودها ..!

✍🏻 ٰ زفّك النور في صبحٍ نسيمه خزامى غرّتك من يصبّحها؟ لقى ما تمنّى عودك مْن الترف يا ما تثنّى وياما أهيف ٍما أستقام إلاّ عشان يتثنّى جابك الله مثل غيث ٍمزونه تهاما ترتوي من هماليله عروق المعنّى جيتني كنك الماء لا تساقط على ماء ديمتك ممطرة منّا ومنّا ومنّا ..!

✍🏻 ُ من العنق لـ الشفه ؟ ليا جيت خليني أمارس طقوساتي واجددلك البيعه ..!

✍🏻 ٰ انثنى خصرك من النود لا هبهب شمال ما لشرهات القـصايد من" اللوم شـعره" يبتدي حـرف المشـاعر عـلى لـبّه وشـال لين معـسول الـشفـايا و جـمره وانـحره من يقول الـحرف ما هو من الخمر الزلال ما عـرف حكي الـشفايا وخـمره واسـكـره بين نـظرات التغـطرس وشي مـن الخيال والـجديل اللي غطى فـوق ردفه واظـهره ما شكى ساقه من الحمل لو شال الـثقال عاد خـطوة ساقه اتغـيث" قاعه وادهـره ..!

✍🏻 ٰ أحبك و تباً للتقاليد و الاعراف ابي اضيع بين ايديك والضيعه الضيعه انا شعب وبصدري قبايل و جمع أطياف يحبونك السنّة … و يغلونك الشيعة وصلتك بما فيني من ارهاق ، و استنزاف أقدم لك الطاعة و أجدد لك البيعة .

✍🏻 ٰ كيف أقبّل عاتقك يا أم العناق الراهي قبل ما اقطف تينك الشوكي وقبل ألّلتهمه وكيف أختّم لك على اللبّه بختم شفاهي طبعة الشفّه على صدرك تْقّوي فهمه امنعيني من هدبك المخملي بلّااهي ما نبت في صدري المتقوّس الا سهمه حربتين الصدر لوّ توجع ما احب الّا هي ذا وجود اللي تمنّى البيضتين الدهمه ..!

✍🏻 ٰ كِل كلمة من لسان الشمْت ما هزّت مقامك دامك اللي بين ضلعيني على عرشك مقيمه أحسب إنّ الخيزرانه في يدْي و اثره قوامك لا تثنّى قلت يمكنْه انخلق من بطن غيمه آتلذذ في حرُوبك حُب ، و ارغب في سلامك والصحيح إن السلامه خير ، و وصالك غنيمه الحيا في وجهك البدري ، و موتي من كلامك يوم قلتي لي نوايانا من الباطل سليمه كل ما مالت ضلوعك من غَيا ، عيّا حزامك لا تمايلتي ، تمايل كل نفسٍ مستقيمه ما عشقت إلا عيونك كثر ما تَرسل سهامك في فواد اللي مشرّع لك من اللهفه صميمه ولا غبَطت مْن النسيج إلا خيوطٍ في لِثامك ليه تاقف بيني وبينك و انا نفسي محيمه ؟ اسلبيني ما معي سلطه على فرض احترامك اخذي اللي تستحقينه عطا ، ماهو ظليمه « مستعد اقطف لك النجمه و اخليها زمامك شاعرك حتى الفضاء من نشوته يقدر يهيمه »

✍🏻 ٰ بنت، في حسنك تفاصيلٍ تهاب حتى القمر لا شاف نورك تحيّر عينك سوالف ليل، وأسرار وعتاب ومن رمشةٍ فيها الشعور تكسّر ما هو غزل عابر ولا حلم كذّاب هذا خفوقٍ في هواك تأثّر في ضحكتك صبحٍ على الكون ينساب وفي صوتك الهادي أمانٍ وتبصّر يا زينك اللي بين كل الزين غلّاب خذتي الجمال وكل وصفٍ وتفخّر لو كان قلبي يملك أصدق جواب قال: أنتِ غير الناس … وأنتِ الأجمل ..!

✍🏻 ٰ تدلعي بالزين يا عيون الغزال منتي بحاجة مدح ولا معلقه أنتي وصوفك غير ولا من خيال تغرين قافي كل ما جيت أطرقه أنتي ملاك الزين يا تاج الجمال أنتي مثل شمس الصباح المشرقه لبى الحلا لبى الدلع لبى الدلال يا زين حرف أسمك ومحلا منطقه ..!

✍🏻 ٰ يا أجمل بشر من بعد يوسف عليه السلام سلام والناس ترفق في محبينها لو شافوا الخلق ماشفته علي الملام ان كان ماتقطع يديها سكاكينها الفتنه اشد من قتلي وعيب وحرام وانتي مفاتنك تفضح لو تخبينها عود لاقام يتثنى قلت ماله عظام لوكان فيها عظم ماكان ذا لينها ..!

✍🏻 ٰ هنوفٍ لها في اطرف الخد حبّة خال فديت العيون اللي ذبحّتني محاجرها لها بالهدب صوره ووسط الحشا مدهال احشم غلاها واحترمها و اقدّرها ولها طلة القمرا وممشى الظِبي لا اختال ولها نظرة تذبح عيون تخازرها تهزّع ما كن بالسوق حرمه ولا رجال تباهي بزين كن محد يجاكرها ..!

✍🏻 ٰ يعني على شان الحلا فيك مسكوب والله عطاك من الحسن والذرابه ولا على شانك مدلع ورعبوب ومجمع فيك السحر والمهابه يعني على شانك حلو تجرح قلوب ارحم عسى الله يرحمك من عذابه ياصاحبي جيتك وانا كلي ذنوب من خضرك اللي مثل قوس الربابه شكيتك من أول وبشكيلك النوب خصرك سبا عقلي وقلبي غدابه ..!

✍🏻 ٰ في خدك الأيمن قصيد ودواوين وفي خدك الأيسر نجوم ومجره حبيبتي لا تزعلين الزعل شين أنتِ خلقتِ للرضى والمسره عيونك الثنتين ما هي بثنتين تمرني فالبال مليون مره ..!

✍🏻 ٰ رابطٍ حلم العمر "بالرفاه وبالبنين" وطامع في قرب زوله قبل، قرب نسبه سيرته ذاعر معتق ونفحت ياسمين وطيفه يصافح نجوم الوقار بـ منكبه بينا اكبر من رسايل وكلمة مغرمين واكبر من سلوب معجب و"نظرة معجبه" قبل حبه كنت واحد من المتذوقين وبعد حبه ما اكتب من القصيد الا اعذبه ..!