من أول لك عندي معزه ومقدار
واليوم قلبي فيك خيبت ظنه
صارت مودتنا مسبه ومعيار
وكلن على غاليه رمحه يسنه
ما اعطيتنا فرصه ولا سابق انذار
حربك علينا كل يوم تشنه
لا تعتذر ما عاد تنفعك الاعذار
من باع قدري ما على القلب منه
زعلك ما هو ذنب ندخل به النار
ورضاك ما يفتح لنا باب الجنه
صرفت النظر عن كل حاجة تجيب أقصاي
أبي راحتي .. حتى لو أخسر أمانيّي
تجاوزت تأثير أصدقائي وقول أعداي
ودقّيت مسمار النعش في هقاويّي
لو أقدر أكون انسانه ثانيه مانيب إياي
من سنين يمديني وصلت لمشاهيّي
مع ان المبادي مالها شي في مخباي
أنا ! كل يوم ادفع ضريبة مباديّي
عز ممشاك عن أرض ما تحوفك
ومن يشتري خاطرك أشتريه بعمرك
والجمايل لا عجزت تردها قدرها
واللي ما يثمر فيه خيرك ذوقه مُرك
ومن يستكثر عليك الوضُوح أتركه
مصير الليالي السود يظهر قمرها