مايلوق عليك الظلام ياوطن النهار
مهما توزّعت بارضك بقايا شظيّه
عندك يفضى الورق وتجف الأقلام
وتضيع في حضرتك كل القضيّة
ياكم دولةٍ خانت على مر الأعوام
وتبقين على مر الأعوام وفيّـه🇰🇼❣️🇸🇦
وبعد يا محبُوب قلبُي/
تراك بعيني
أغلى من على الدنيا يعيش
وتراك اللي خذا روحي قبل لا اقول جاته
« أحبّك
وأشهد إن قلبي عليك وثيق
حبّك وطن!
وأنا على حدوده حارسٍ أمين »
❣️❣️❣️❣️❣️❣️❣️❣️
وبعد يا وليييّفي /
جيييت عمري
وأزهر الدرب الطويل بـ خطوتينك
كان قبلك ما يطاق و صار بعدك عمر ثاني
" ياسمّاي ومساء عمري
ووجه أقداري الضحوك "
❣️❣️❣️❣️❣️❣️
قودني يا منوّة القلب لو ماني ضرير
وودّني لدروبك اللي تبيها ودّني
خذ يديني في يدينك مثل طفلٍ غرير
وحطّني في وسط صدرك وعقبه هِدّني
في غلاتي لا تشارك كبير ولا صغير
وعن جميع الناس بالكون كله بَدّني
ماخذٍ عقلي وتبغى من الهرج الكثير
كان تبغى الهرج كله! لـ عقلي ردّني
❣️❣️
