سعد

@kashkof اخوي الله يسعدك ارسلت لك السيرة الذاتية خذيتها أنا عاطل عن العمل لي سنتين وأكثر لا تنساني

للتذكير والتشديد على الموضوع عشان ماينحرف عن مساره المبادرة لتوظيف العاطلين عن العمل ليس للاشخاص الي يدورون فرصة افضل

@irb7t @ABDULMAJEEDFUL @Qassim_republic أنا متاكد ان عبدالمجيد كفو وماهو مقصر بس والله العظيم اني تقريبا يمكن سنة كاملة أرسلهم وأكلمهم ، ولا احد ساعدني القى فرصة ، لا وظيفة ولا حتى ترشيح ، والله اني ماخليت عليهم شيء ، حتى امس انتظر في المساحة وانا عادتي انام وسهرت عشان انتظر ولا صعدوني صوت ، ماعاد ندري ويش نسوي

موظف في جهة شبه حكومية بسبب عبد المجيد هو الي قالي ركز على هذي المهارات وحاول تطورها ركزت عليها و جاتني مقابلات كثير عليها ، وكان سبب بعد الله اني اتطور والله اني مريت سنه كامله كل الترشيحات الي تجيني مالها علاقة بتخصصي الا ان وجهني هذا الشخص يشهد علي الله اني ما دفعت له ريال ولا قالي خذ الدوره الفلانيه ولا سوي سيفي عند فلان مجرد قالي ركز على هذي المهارة لنها مطلوبة في السوق و تخصصك ممتاز لهذي المهارة طبقت نصيحته و انتظرت ٩ شهور هل رحت هاجمته او قلت له عبد المجيد وظفني طرق ، قالو لي روح الرياض عندك مقابلة رحت ورشحوني على راتب ٩٠٠٠ وانا فرش !!!!! وانت جاي تدلس على العلن و تقول كلام مغلوط وكذب وهرج فاضي عشان كم متابع الله لا يحللك ولا يبيحك وانا اول شخص بوقف في وجهك يوم الحساب وبكون خصمك عشانك ما تدلس على الناس و تقول كلام مغلوط عنه

بما ان فيصل المطيري اشعل فتيل الواقع لازم نلتفت للحسابات هذي للمدعين بـ عبدالمجيد ، مزون الي يسونه لشباب وللجيل الحالي هو كارثة فكرية وعقلية وانتهاك لكرامتهم وابسط حقوقهم . يروجون لافكار وجود وظايف ( كثيرة ) برواتب مجزية ولو التفت للواقع كل الوظايف الي يطرحونها اقصى راتب 6500-7000 ومتطلبيات ماجستير و8 سنوات خبرة واتقان 4 لغات . ولكن سبحان الله كل الي يجونهم خاص رواتبهم فرش وحديث تخرج فوق 17 و 20 الف وجتهم فرص ب 40 و 50 الف !! لكن يوووه متحيرين ولازم يسالون مزون وعبدالمجيد عن وجهه نظرهم ورأيهم 😂😂 !! اذا كذبتهم يحاولون يدلسون في الكلام انك مغيب وان الغلط فيك ما تعرف تبحث ولا الوظايف والمناصب موجودة لكن اخخخخ مشكلتك بس ما زبطت الينكد ان وما اخذت 86 شهادة مهنية ، بس هذي مشكلتك وراح تتوظف على طول براتب 60 الف . ويمشون ينشرون افكار برسايل مبطنة ان السوق متطلب ومليان وظايف لكن انت يالقارئ والباحث عن العمل كسول وما تعرف كيف تدور عن وظيفة وراضي ان القطار يتعداك لانك مهمل ! والله ثم والله ندري من 50 سنة ان فيه رواتب عالية ولا هو سر او حالة استنفار تحصلنا اذا عرفنا . لكن كفاية ترجون ان اوووه هذا الطبيعي لكن انت المغفل الي ما حصلت الا 4000 او 5000 . الوظايف الي رواتبها هي السقف ما تتعدا 1-2% من السوق في كل تخصص وتروجون ان هذا الطبيعي ؟ ليه ؟ وش مغزاكم ؟ ليه تحطمون همة وطموح وامل الجيل الحالي عشان تقنعونهم ان الغلط فيهم والتقصير منهم ماهو في سوق العمل ؟ سوق العمل عندنا كارثي ومتجهه لهاوية شنيعة ومهما انضغط الشباب للجيل الحالي مرده بتجي لحظة وبينفجرون ف انتم وشاكلتكم قاعدين تشحنونهم اكثر وتجهزون قنبلة موقوتة محد عارف متى بتنفجر . والمصيبة الاعظم و المرجح اكثر ان هالحسابات وراها مسؤولين كبار يحاولون يغطون على سوء قراراتهم بنشر السم بعقول الشباب ولومهم على عدم تقدمهم وقلة حيلتهم من الاساس ! لان الافكار الي يروجون لها مستحيل تجي من شخص منفرد ومستقل في قرارة . وفوق هذا كله فيه برامج حكومية زي : تمهير حافز طاقات جدارات وصول هدف وفوق هذا كله مطلوب منك لينكد ان مافي اي دولة العالم كله عندها هذا الكم من البرامج للتوظيف الا في السعودية وهذا اكبر دليل على خلل المنظومة عندنا ، يغرقونك بكثرة المتطلبات والاجراءات عشان بس تمارس حقك في دولتك وهو بس انك تتوظف وظيفة تعيشك كريم انت وأسرتك . اخذت تمهير ولا توظفت بعدها ؟ اوو معليش اهم شي استفادوا منك الشركات ببلاش وخلاص الحين لازم تسجل في طاقات وتجرب اووه لك سنة ما توظفت ؟ وشرايك طيب هالمرة تجرب جدارات ، اووووه عديت سنتين هنا وما توظفت !!! ياااخي انت حمار المفروض تسوي لينكد ان من اول وتضبط حسابك وترتبة عشان تتوظف ! اوووه لك ٤ سنوات ما توظفت ؟؟ اكيد لانك الحمار وما عندك القدرة المالية انك تسافر بريطانيا تاخذ ماجستير ولا اخذت شهادات مهنية ( تدريب بفلوس واختبار بفلوس ) مهو من الاول ي قليل العقل لو عندهم المادة ما قعدوا يدورون وظايف من الاساس !! هذا بخلاف طريقة عرض الوظايف والطلب من الشباب انهم يسلعون انفسهم في التعليقات بارسال سيراتهم الذاتية !! من عينك انت انك تطلع على بيانات الناس ؟ وليه عندك الحق انك تطلب من الناس يحطون معلوماتهم السرية زي الاسم ورقم الجوال والايميل على العام ؟ وكل من هب ودب بيعرف بياناتهم وكثير منهم ( بنات ) وش عرفك بناويا اي قارئ بيمر على المنشور ؟ وكيف ممكن يستغل هالمعلومات !!!؟؟ ولو انك صادق تقدر تسوي شيت قوقل درايف والناس يدخلون يبعبون بياناتهم وترسل هالشيت او النطاق التخصيي لشركات طالبين توظيف في هالتخصص وهم يختارون ويقابلون وتنتهي الازمة وتقدر تحدث عليه باستمرار . ولكن ابيت انت والصخله الثانية تبون تورونا انكم قاعدين تشتغلون ولكن النتيجة الفعلية 0 . اهم شي اظهر بمظهر المنقذ للبطالة . الي يحصل لشباب هالجيل قلة حياء ومساس لكرامتهم واستصغار وانتهاك لعقولهم وسلب لابسط حقوقهم

@kashkof دخلت عليك في الخاص ابي ارسلك السيرة الذاتية لكن مالقيت أيقونة الالبوم عشان ارسل الصورة كيف الطريقة ياخوي الله يسعدك في الدنيا والاخرة

بحكم ان النت ضعيف ب البيت طلعت بس عشان ارسل السيفيات 😂

@kashkof ياخوي انا الله يسعدكم ياناس كيف اقدم وينها فيه هذي

وكذا نقول اول اثنين تم توظيفهم من المبادرة وفي كثير بس باقي ماوصلت للموارد السيفيات لسبب واحد ابي ارفق كل السير الذاتيه عشان الموضوع يكون احترافي اكثر

@S2_JOB2 قدمنا ياسعيد من زمان ، رشحنا الله يسعدك ياسعيد

@ABDULMAJEEDFUL @DrMDMQ ماقصر عبدالمجيد ولكن الامل في الله ثم فيه يرد علينا ، صارلنا سنة نكلمه مايرد علينا ، نراسله الليل والنهار محتاجين فرصة ، سنين نقدم يدوي ونقدم إلكتروني مالقينا شيء تعبنا

بمناسبة اختياري من ضمن قائمة أفضل 20 صانع محتوى في العالم بمجال #الموارد_البشرية حسب تقرير موقع Favikon الفرنسي لعام 2025م ماذا قدم لك عبدالمجيد؟ وماذا تنتظر من عبدالمجبد؟

@Renad_0CS0 دخلوني يا اخت ريناد الله انه يسعدك في حاجة أنا لي ثلاث سنوات اقدم اكتروني ويدوي ومازلت ،، ولا وجدت الفرصة باقي

#كفاءتنا_أولاً حريصين جدًا إن كل شخص معنا سعودي 🇸🇦 نتواصل معهم شخصيًا قبل دخولهم المجتمع الرابط مو عام، يُرسل مرة وحدة فقط عشان تتطمنون 🔒 (وحتى المشرفين حساباتهم تقيّدت من كثر الإرسال❌) بمنشن في التغريدة الجاية المشرفين وحابين نسمع اقتراحاتكم لتطوير مجتمع الفرص السعودية 🤍🇸🇦

@Renad_0CS0 يا اخت ريناد أنا في حاجة للفرصة الله يسعدك دخلوني صارلي ثلاث سنوات اقدم على وظايف ما لقيت فرصة

اكتفينا حاليًا بالعدد الموجود ✨ عشان نركز على الجودة وننظم الفرص بشكل أفضل القروب فيه كفاءات سعودية 100% 🇸🇦 شباب وبنات جاهزين وطموحين ويستحقون الفرصة 🤝🔥 لأصحاب التوظيف: عندكم مجتمع سعودي جاهز… أولى بالفرص وأحق فيها همّتكم معنا في توظيف شبابنا 🇸🇦🇸🇦

@Renad_0CS0 القروب فين ؟ كيف ندخل عليه

#كفاءتنا_أولاً كل الشكر للمبادرين 🤍 اللي قاعدين يصنعون فرق حقيقي 🇸🇦🔥 تخيل لو كل مسؤول وظّف أو دعم شخص واحد بس! إحنا كسعوديين 🇸🇦 عندنا القدرة نقضي على البطالة بأنفسنا مجتمع واعي + مسؤولين مبادرين = فرص أكثر للسعوديين 🇸🇦🤍🤍

@S2_JOB2 ياسعيد بالله شف الخاص رشحني الله يسعدك

إذا جاك احباط من كثر ما تقدم على الوظائف لازم تعرف أنه في أشياء - خارج سيطرتك مثل عدد الوظائف، المنافسة، قرارات الشركات، العلاقات وفي أشياء - داخل سيطرتك جودة تقديمك، استعدادك للمقابلات غلط تحمل نفسك مسؤولية كل رفض والمطلوب هو التمييز بينهم مو جلد الذات ولا الاستسلام

@S2_JOB2 أنا مطابق ياسعيد. اخصائي عمليات موارد بشرية تخصصي ادارة عامة تكفى ياسعيد

اللي مطابق لاحد من الشواغر ذي يكلمني في الخاص بقول للاخوان في المسار الاخضر يتواصلون معاه المسميات مدير وحدة أعمال إدارة طبية كاتب محتوى طبي أخصائي جودة صحية أخصائي مشاريع مثقف صحي محاسب تمهير (أخصائي عمليات موارد بشرية) ⸻ اسم الشركة: المسار الأخضر ⸻ مكان العمل: الرياض الدمام مكة جدة القصيم (ملاحظة: وظيفة مثقف صحي متاحة في جميع المدن المذكورة) ⸻ تفاصيل الوظيفة: نوع العقد: محدد نوع الدوام: دوام كامل ساعات العمل اليومية: 8 ساعات فترة العمل: من 9 صباحًا إلى 5 مساءً الإجازة السنوية: 21 يوم ⸻ المؤهلات والخبرات المطلوبة: مؤهل علمي في تخصص ذي صلة إجادة اللغة الإنجليزية ⸻ الشروط العامة: الالتزام بالأنظمة والتعليمات حسن السيرة والسلوك مهارات تواصل عالية القدرة على العمل ضمن فريق ⸻ طريقة التقديم: يرجى إرسال السيرة الذاتية إلى البريد الإلكتروني التالي: Shouqalanzigp@gmail.com

@S2_JOB2 ياسعيد رشحني الله يسعدك ويجزاك خير

شوفوا بنك الراجحي عنده شواغر بدون خبرة التقديم من موقعهم الرسمي careers.alrajhibank.com.sa/ar/saudi-arabi…

@ABDULMAJEEDFUL مساء الخير اخوي عبدالمجيد الوظايف الجديدة اللي نزلتها ، الله يسعدك ياخي رشحني في وحدة منها معلوماتي موجودة عندك كلها في الخاص من زمان اراسلك واتواصل معاك

حنا ماذخرنا علاقاتنا للي حولنا، سخرناها للناس وهذا الفرق.

@S2_JOB2 رشحني ياسعيد تكفى الله يجزاك مليون خير

اليوم عندي شواغر برشحكم عليها ونقفلها مع بعض في (الرياض والدمام و مكه وجده و القصيم) - أخصائي مشاريع - الإدارة الطبية - كاتب محتوى طبي - أخصائي جودة صحية - مدير وحدة أعمال - محاسب - مثقف صحي - أخصائي عمليات موارد بشرية تمهير

@ABDULMAJEEDFUL @missdior456 رشحني ياعبدالمجيد الله يسعدك

80 وظيفة في مشروع شبه حكومي في جدة الرواتب 6500 ☝🏽

@ABDULMAJEEDFUL كل معلوماتي موجودة عندك في الخاص

@ABDULMAJEEDFUL عبدالمجيد رشحني ياخوك الله يسعدك انا

15 وظيفة في الرياض الرواتب 7500 +

@ABDULMAJEEDFUL اخوي عبدالمجيد مع كامل الاحترام ، فاتحين مساحة تضحكون الله يزيدكم وناسه ، بس حنا عاطلين نحتاج فرصة تحت نتكلم نبي نعيش عطونا فرصة ولا قولوا المساحة فاتحها استراحة لاخوياي عشان نطلع وننام ، حنا سهرانين وتعبانين نبي اي فرصة ياعبدالمجيد الله يرضى عنك

لو وفرتي دعائك لشي ينفعك احسن لك

@ABDULMAJEEDFUL عبدالمجيد بالله طلعني قست

@ABDULMAJEEDFUL ياناس الله يجزاكم خير اللي يشوف تعليقاتي يوصلها لاخونا عبدالمجيد

@ABDULMAJEEDFUL مساء النور ياعبدالمجيد الله يسعدك ، رديت علي في الخاص وارسلت لك كل شيء يخصني من معلومات ، أنا جاهز ياخوك لأي فرصة الله يسعدك، والله اني في حاجة

مساء الخير