عبدالرحمن أبو صقر

@Askmuhami لا مايضرك بس كل الأشهر إلي راحت وهي ما نفذت بتطالبك فيها ترى بالتنفيذ فخلها على جمب ولا تصرفها 👍🏻

من الخاص📩 السلام عليكم طلقت زوجتي وعندي منها طفلين وكنت احول لها النفقة شهرياً على حسابها لمدة 4 شهور بدون اي تواصل بيني وبينها فجاءة رفعت علي قضية بالمحكمة تطلب نفقة و رفضت الصلح في النفقة تقول مابي شي ودي منك وتحولت للقاضي وحكم باقل من المبلغ اللي احوله وبعد صدور الحكم وقفت التحويل لها ( لان عندها صك حكم خلاص المفروض هي ترفع للتنفيذ وتستقطعها لانها ماتبيها ودياً ) ولنا الان 3 شهور ما قدمت على التنفيذ وانا ماعاد حولت لها هل ممكن يضرني هذا الشي وش موقفي القانوني ؟

@AskCFO الهدف من الاستثمار إنك توصل لحرية مالية عشان بعد ما تكبر في السن وتكون عاجز عن العمل يكون يجيك عوائد من استثمارك تعيشك حياة كريمة متوافقة مع غلاء المعيشة في ذاك الزمن.

— من الخاص 🎙️ عندي سؤال واتمنى جواب مفيد كل ما كسبت شيء قالوا استثمر استثمر لين متى ؟ #استمتع_بالرحلة

@saadu123456789 @cn6c6 @Aa__aA_7 🤣🤣🤣🤣🤣🤣🤣🤣🤣🤣🤣 رهيييب

@cn6c6 @Aa__aA_7 قمة الانحطاط

سؤال : ما هي أعلى قمة وصلت إليها بحياتك ..؟

@aboazooooz2040 يارب .. لكن ما أعتقد

،، 🚨 🚨 🚨 اتوقع خلال الـ 72 ساعه القآدمة ايران 🇮🇷 تستسلم! ،،

@cn6c6 أغمض رجل في العالم أمشي 33 شخصية حسب الأشخاص والأجناس🤣🤣🤣

سؤال : كم تبلغ نسبة الغموض في شخصيتك؟

@Askmuhami هذا عرض صلح مبلغ مقابل التنازل عن الحق الخاص لا تقلق ما بيلحقك شيء ولا يعتبر ابتزاز بس على فكرة واضح إن إلي كتب لك الرسالة الذكاء الاصطناعي 🤣

من الخاص📩 السلام عليكم تعرضت لسب والقذف من شخص بالواتساب وصورت المحادثات وشكيته وجوني اهله يطلبوني اتنازل ورفضت وقالو ندفع لك الي تبيه مقابل تتنازل عن حقكك الخاص قلت لهم اني تعرضت من ولدكم لسب والقذف من غير وجه حق وقالي كلام مايقوله من يخاف الله اسبوعين كاملين يرسلون ناس ويدقون ويزعجون فعشان ارتاح واريحهم ارسلت لهم بشروطي مقابل التنازل وكان نص الرساله كالتالي (السلام عليكم ورحمة الله وبركاته وبعد مابدر من اخوكم ......... شي مايرضي الله ولايرضي رسوله تعدى علي ومس شرفي وشوه سمعتي وضرني ضرر مايعلم فيه الا الله ولكن رحمة بأمه وبكم بتنازل ولكن بشروط ٥٠٠ الف ريال تنزل بحسابي بدون ماينقصها ريال تطهير وتعويض لي على مابدر من ولدكم في حق عرضي وشرفي وكرامتي وسمعتي ثاني شرط يكتب ويتعهد انه ماتعرض لي ولا لابنائي ولأي فرد من اهلي لا بلقاء ولابقول ولافعل ولا اتصال ولا رسائل او اي وسيله تكون هذي شروطي ومابتراجع عنها نهائيا ) هذا كان نص ماكتبته لهم ويشهد الله اني ماني بحاجة الفلوس بس ابي يتركوني ويفهمون اني مابي اتنازل لو دفعو كنوز الدنيا اليوم كانت الجلسه والمحاميه سألتني عن المبلغ هل طلبت مبلغ ٥٠٠ الف قلت نعم لانهم ازعجوني وانا ما ابي اتنازل وهذا حقي الخاص وحقهم يقبلون فيه او يرفضونه . سمعت المدعي العام طلب من الكاتب انه يكتب اني اقريت واعترفت بطلب مبلغ ٥٠٠ الف مقابل التنازل عن حقي الخاص سؤالي هل يعتبر طلبي لمثل هذا المبلغ ابتزاز لان المحاميه قالت اني ابتزيتهم بطلب مثل هذا المبلغ

@kalthoybi @Askmuhami كلامك صحيح إلا في نقطة إثبات الخيانة لو ثبت إنها تقيم علاقة خارج إطار الزوجية وتم الدفع بهذا أمام ناظر قضية الحضانة فمن صلاحيات القاضي أن يحكم للأب بالحضانة عملاً بالفقرة 2 من المادة 127 من نظام الأحوال الشخصية ولا ينظر إلى الترتيب الوارد بالفقرة 1 من ذات المادة

@Askmuhami حتى لو اثبت هذا الشي وش راح تستفيد؟ اذا كنت متأكد من الخيانة ورغبت في الطلاق تقدر تطلقها بدون اي شوشرة وفضايح تضر بمصلحة اطفالك لأنك في الأخير ماراح تستفيد شي حتى الحضانة مستقبلاً فهي للأم حتى لو ثبتت الخيانة.

من الخاص📩 السلام عليكم اكتشفت ان زوجتي للاسف في علاقة مع زميل العمل وللعلم انا اعمل خارج المنطقه التي اعيش فيها مسافه 240 كيلو تقريبا اجلس يومين احياناً واحيان اداوم يوميا وللاسف يبدو ان العلاقة قديمة وقوية بينهم في الاونه الاخيره انتبهو اني اكتشفت الموضوع وصارو يخططون عليه بحيث انني ما اكتشف وضعهم وانا الى الان ماطلقت لاني ابغى اثبت هذا الشي مو قادر بس اللي يسال كيف عرفت انا اقوله ان انا حسيت بهذا الشي ( ودعيت ان الله يكشف سترها ليه والحمد لله ربي استجاب للدعاء ) وقلت اسوي كذا اختبار بحيث اقول لزميل العمل هذا الشي وما اقوله لاحد غيره وبعد كم يوم حصلت اللي قلته عند زوجتي وواجهتها وانكرت سؤالي هل اقدر قانونيا ان اثبت هذا الشي وكيف الطريقه اقسم بالله شي يحرق القلب الله يحرق قلبهم عندي منها 4 ابناء اسال الله رب العرش العظيم ان يصيبهم بمرض السرطان اللي يفتك بهم والله العظيم انها لدعوة مظلوم تكفون بصروني بماذا افعل ؟

@1SMi_ نقطة التجمع بالمطار

🇪🇸 اسبانيا 🇺🇾 الاورغواي 🇨🇻 الراس الاخضر بدون مجاملة كم نقطة بنحققها بالمجموعة؟

@lara19ry لا تعطينه ريال وربي بيرزقه ويعينه لو صدق النية في سداد الدين فهذا واحد من الثلاث الذين حق على الله أن يعينهم

من الخاص: السلام عليكم جاني ورث بعد ٨ سنين من وفاة الوالد اللّٰه يرحمه وزوجي ناشب لي في حلقي يي اسدد ديونه وش رايكم تشوفونه قرار صائب مع العلم دينه بياخذ ٧٠٪ من ورثي؟!

@d7oomy_999 كذبة إبريل ؟

اليوم كان آخر يوم لي مع عائلتي باور، وسيبقى هذا الفريق بكل من فيه من إدارة وصناع محتوى، جزءًا من عائلتي إلى آخر يوم في حياتي. حان وقت الرحيل إلى وجهة جديدة وهدف جديد.. دعواتكم 🙏

@remas_828 حسب قيمة الشخص عندي وحسب مقدار المبلغ

تسامح شخص مات ومديون لك بمبلغ ؟؟ - نعم - لا

@AskCFO حتى قرض بقالة ما تقدر تطلع

— من الخاص 🎙️ انا راتبي ينزل على الاهلي 9267 قرض عقاري 5782 الدعم 1300 النايفات 596 هل اقدر اخذ قرض شخصي مع اني ما علي شخصي ؟ #استمتع_بالرحلة

@_Seconds1 مافي حدود لطموحي .. وصلت لرواتب ما كنت أحلم فيها قبل 3 و 4 سنوات ولله الحمد وعرفت أن قيمة الراتب ليس لها معنى إن لم تُبنى فيها حرية مالية حقيقية.. يبقى الراتب راتب مهما كان قدره

كم الراتب اللي تقول عنه خلاص هذا راتب احلامي ؟

@mnl2030 @Askmuhami شكرا لك.. قلتي رأي أفضل من رأي بعض الرجال في الكومنتات

@Askmuhami جوع كلبك يتبعك > انت ليه تعطيها كل ذي المصاريف حدد لها ٥٠٠ مثلا لها مصروف والباقي التزامات للبيت ، انت اصرف واكلف على بيتك وعيالك بفلوسك هذي مادية و لعابة وماعندها حس مسؤولية و مو اهل انك تسلمها زيادة عن مصروفها ، بعدها بتصير تلهث عندك وتحترمك وتحترم اهلك علشان تصرف عليها .

من الخاص📩 السلام عليكم سالفتي اني انفصلت من زوجة بسبب عدم احترام لي وبعد سنة رجعنا ومن رجعنا مشاكل ماتخلص مادية بحت برغم أنا متنازل عن حساب مواطن لها و ضمان كذالك لكن متطلباتها كثيره وانا راتبي 4500 واعطيها بعد مبلغ 2500 وإلا اسلوبها معاي جدا صايره غير مقبول تتلفظ على اني ماني رجال واني وماسوي وافعل وتسب اهلي وش حل ي اخوان بدون تجريح نفسيتي تعبانه حرفيا

@A_lhilal_fcm @abo8h6 كلها راحت رشاوي حكام ؟

@abo8h6 600الف 💔💔

بدون كذب وبكل صراحه : كم عليك ديون ؟!.

@remaKSA2030 @Askmuhami قلي خيراً أو سدي حلقك

اهديتها الفله كان بغرض ( استمرار الحياة الزوجيه ) بمعنى ( رضوه ) في عرفنا انت مزعلها او ضاربها او ماكل حلالها او متزوج عليها او زاني او متعاطي المهم مسوي مصيبه ومراضيها بالفله حلوين ! حلوين قامت هي تصرفت في هذي الهديه باعتها اجرتها احرقتها انت مالك شغل بعدها خلعتك اكيد مكرر الفعله المخزيه اللي اول مره انت راضيتها بالفله الحين ماعندك شي تراضيها فيه قامت خلعتك ليش الحين زعلان !!؟ لو انك رجال تعرف تحفظ بيتك وتخلي عنك الخنبقه ماكان تركتك

من الخاص📩 السلام عليكم وهبت زوجتي فلة لاستمرار الحياة الزوجية وافرغت الصك باسمها هبة. وبعد الافراغ باعت زوجتي ملكيةالفلة لقريبها بمبلغ 20الف ريال. ورفعت علي فسخ نكاح وحكم لها. رفعت قضية استرجاع هبة وحكم ضدي بسبب نقلها الملكية. السؤال/ الفلة مؤجرة بمبلغ 60الف وهي تحول في حساب زوجتي حتى بعد بيعها لقريبها مما يدل على أنها المالك الحقيقي وأن نقل الملكية تحايل. أيضا البيع بمبلغ 20الف ليست ايجار شقة فما بالك بقيمة فلة. طبعا يحق لي ارفع قضية استرجاع قيمة العقار لكن انا ابي العقار بالذات لأن نقلها له تحايل. هل ارفع قضية للنيابة تحايل أو ارفع قضية على من بيده العقار

@ohammedzayed @3izez_ 😂😂😂😂😂😂 ترى في ناس يصدقون مثل هالمشاريع 🤣🤣🤣

@3izez_ ثلاث شهور وعليك أيقاف خدمات وخمس فواتير في التفيذ القضائي واحدة من هالفواتير للمخبز الي يورد لك الصامولي

كيف تصير مليونير في ثلاث شهرر ؟ سهل جداً افتح بوفية متخصصة في بيع الشكشوكة تستأجر المحل بـ 16 الف بالسنة المصاريف الشهرية 7600 ريال الصامولية بـ 3 ريال تبيع باليوم 5 الاف ساندويش شكشوكة بالشهر 450 الف الصافي لك ثلاث شهور معك حوالي مليون ونص بالسنة معك فوق 5 مليون 💰

@Askmuhami تطبيق (أبيان المالية) صراحة جميل ومرخص ولكني ما تعمقت فيه كثير الملاحظة الوحيدة إلي عندي إنه يتأخر في الإيداع والسحب يعني من يومين عمل إلى اسبوع يمكن

من الخاص📩 السلام عليكم انا إمرأه عندي مليون ريال ماشاء الله وحابه أستثمرها بشيء مافي مخاطره او خساره ولا يحتاج متابعه مني وبيع وشراء مثل الاسهم لأني لا أملك الوقت ولا الخبره واخاف من النصب شوروا علي مشكورين🙏

@3izez_ بيت العمر هو وهم وفخ وقع فيه كثير من الناس. خذوها قاعدة تعيش في إيجار ولكنك تقدر تدخر وتستثمر جزء من راتبك أبرك لك بألف مرة من إن نص راتبك وزيادة لمدة 20 سنة يروح قسط لبيت وتوهم نفسك إنه هو الملاذ الآمن لك ولذريتك في المستقبل.

لو راتبك 10،000 ريال ويستقطعون 6000 ريال كيف بتعيش أنت وأسرتك بـ 4000 ريال ؟ فواتير كهرباء وماء وجوالات ؟ مصاريف يومية ؟ معيشة ؟ وغيرها ……. أجزم إنك من ثاني أو ثالث شهر بتجيك غلقه وضيقة صدر وبتعيش أنت وأسرتك في ضنك من العيش لسنوات طويلة وتكدر على نفسك وعليهم الحياة ابسط وأجمل وتقدر تديرها بطريقة أذكى : لاتاخذ قرض ! استثمر جزء من راتبك ادخر جزء من راتبك ابحث عن مصادر دخل اضافي

@gorgeous4ew استهبال قسم بالله نسأل الله السلامة أعتقد الموضوع له علاقة بالقمار

المستشار رضوان الجلواح: شخصان أخذا معي استشارات، أحدهما راتبه 85 ألف والثاني راتبه 120 ألف ريال، وفي نهاية الشهر كلاهما يستلف. عندهم فشل في الإدارة المالية! 😳