فارس التركي

سر الأرقام المتداولة عند السوريين : بعض الأرقام في اللهجةالسورية لها استخدامات مختلفة جداً.. وهي 60 و100 و 10 و 1000 و7 و 2.. على سبيل المثال: -الرقم (60): يستخدم فقط وحصرياً في الشتائم والتوبيخ دوماً عن باقي الأرقام. مثلاً: (ابن ال60 صرماية).. (ابن 60 كلب).. . حصراً 60 كلب فقط لا غير. ويستخدم الرقم (60) أيضا لوصف أسوأ مكان أو وجهة. مثلاً: (انقلع حدّك 60 جهنم).. أو (يروح ب 60 داهية).. -أما الرقم (100) فيستخدم للاستقبالات. مثلاً: (يا 100 أهلا وسهلا).. (100 السلامة).. (100 وردة بهالطلة).. وأحياناً يستخدم رقم (100) للمبالغة: (100 مرة قلنالك ما تعمل هيك).. هوي بكون قايل مرة أو مرتين فقط (100 مرة ناديتك ).. هي بتكون 3 مرات .. -وأما الرقم (10) فيستخدم لوصف جودة الأشياء أو الأفعال. (الشغل 10 على 10).. تأتي بمعنى top.. أو (فتح عيونك 10 على 10) يعني انتبه.. -الرقم (1000) يستخدم تحديداً في التهنئة. (1000 مبروك).. .. (1000) الحمدلله عالسلامة.. يعني ٩٩٩ مبروك قليل أما الرقم (7) في الوصف فهو ظاهرة غريبة جداً.. ويفيد الحيرة الشديدة أو البحث المتواصل والمتعب عن شيء أو شخص ما. مثلاً: (دخت ال7 دوخات لحد ما لقيت فلان أو هاالغرض الخ...). كما يستخدم الرقم (7) للتعبير عن النوم العميق.. (ما رح يرد عليك.. شكلو (بسابع نومة).. ويستخدم في المبالغة أحيانا ما بيموت مثل القطط (بسبع رواح) أخيراً الرقم (٢): وهو يعبر عن أطول مدة زمنية في الكون.. وهي (الساعتين). (صرلو ساعتين بنفس القصة) هي بتكون ٥ دقايق.. بس الله بيطرح فيهن البركة.. (صرلي ساعتين ناطرك).. (صرلي ساعتين عم فهمك هاالشغلة).. 🤣🤣🤣😀😀😀😀

هنا تُشرق الحفاوة بضيوف الرحمن، وتُستحضَر عظمةُ المكان، وتتحوّل المسؤولية إلى شرفٍ وعنايةٍ وإحسان، مُستنيرين برؤية القيادة الرشيدة -حفظها الله- في خدمة الحرمين الشريفين وقاصديهما.