.

﴿ واتّقوا يوماً ترجَعون فيِه إلى الله ﴾ اللهم إني اسألك حسن الخاتمة والجنة🤍.

ما زلت أحبك والسنين شهود والناس ما تدري عن الخافي كني معك مالي وطن وحدود أنت الوطن وحدود مشرافي إليا ذكرت ان الوصال عهود تذكّر انك المنهل الصافي عذر الهوى في بابك الموصود وعذري مساري قلبي الوافي يفدا هواك الجد والمجهود إليا غفيت بحضنك الدافي

أحضن رضاك وأستعذب معاذيرك كل موعد لعينك ما تأخرته أبرق الدمع من سقيا تباشيرك كن عيني لجل لقياك ذاخرته مالي من الدروب الا مشاويرك أنت مكتوب وأقداري مسخرته من عرفتك وقلبي زاهد بغيرك مثل من يزهد بدنياه لآخرته

وش أقول بوجهك المتصابي المتفرّد وبإستمالة خصرك اللي لإغتيالي وآلم وزولك الميّاس ولاّ ردفك المتجرّد والله إنّك عالم لحالك بداخل عالم كنّ مفرق نهدك المزموم والمتمرّد مفرق أحلام الحياه الحاسمه للحالم

اقبلت عودها ريان والريح عاتي واللقا عقب طول الوصل لابدّ عنه صوّبتـني بـ رمشً صار سبة وفاتي وصرت في عالم الاموات والموت سنه وجيت جداني الي جارهم ما يحاتي متعبين المهآر .. متـعّبات الاعنه قالو: الي بصدرك ضرب سيف الزناتي؟ قلت : لااااااااا والله إلا رمشٍ احد منـه

كيف اوصّف ياحبيبي نظرة العين الشنيعه والرموش اللي ترد المهتدي صوب الظلاله تاه فكري في جمال عيونك الحور الوسيعه وش يقول الشاعر اللي عينك اوسع من خياله

تمردي…بالتغنج ..وألعبي …بالطروق اللي بها الغطرسه والعنفوان .اخلطا     انتي من .اللي عليه قلوب.الامه تتوق منتي …من اللي ليا روّح ..مراح القطا الصبح ..يتنفسك والليل عقبك ..يروق وتخضع لك احلامك الصعبه بدون وسطا تخوى.عليك الهبايب والمطر .والبروق  حتى.. السحايب عشانك ودها.بالوطا

لك القلب يضحك كل ما مرته ذكراك وأنا لا ذكرتك قلت ليت العمر ثاني شعوري على لهفة شعور على إرباك هو اللي يضحكني على كل شي بكاني ماني خايف ان الوقت ياخذك لهناك أنا خايف ان الوقت فيك يتحداني أحبك وأعرف اني أحبك بدون إدراك أنا قلبك الأول وأنا قلبك الثاني

كم لي على صوتك وشوفك مولع وتردني عنك الشيم و التقاليد عقلي يركدني وقلبي مشلع وانا اعرفه مايردعه نازح البيد لا تاق من بين المحاني وجلع توق اشقرٍ متصرمٍ له على صيد :)

فاقد اللي .جعلها الله لـ قلبي .علاج لو تجيني ..جميع جروح ..قلبي برت اسمها صار له من بين الأسماء رواج وهي صغيره اجل و شلون يوم كبرت من حلاها تسبب لـ العقول ارتجاج تأخذ عقول خلق الله وهي ما درت فاتنٍ ..كل ماطبت بـ حفلة ..زواج ارفعت ضغط ربات الجمال وسرت

من ذاق خمرك قضى عمره وهو طينه يـ الي بتاج الحسن والذوق توجتي مايضفي اللبس لو انش توطينه مكشوووفه الستر وانتي ماتبرجتي فيك الدلع طبع والكشخه بلّا زينه وفيك التغنج لو انك ماتغنجتي امانةً معك كان الصوت توحينه حبي جبين العجوز وقولي انتجتي :)

غلاك أكبر من الواقع من الشرح ومن التعبير ليا شفت المشاعر ما توصف قدرك أعذرها على طاري غلاك الله يمسي طلّتك بالخير يا حلو الليلة اللي في ملامح وجهك أسهرها أحبك والمحبة ما لها غير الوصل تبرير تمعن كلمة أحبك على أذنك يوم أكررها

يا طبيب الهوى حنا لقينا الهوايل نظرةٍ تعجب الناظر لها جاذبيه ما تميّز من الخدة شقار الجدايل أشتعال البروق بمزنةٍ عقربيه خده أشقر عليه أشقر ليا الردف مايل فيه نورٍ وبه نارٍ تطارد سويه مثل عنق الغزال اللي بوسط الخمايل يوم فز وتشمحط موحيٍ له اوحيـه __محمد الخـس

جادل من يوم شفته وانا رايح وطي لا سقى الله يا سعد شوفته عقب البطا يوم مر وشافني قام يقصر في الخطي ويتهزع في مسيره ويدرا ما وطا يحسب إنه يرحم الناس بالمشي البطي ما درى إن موت العشاشيق قصار الخطا :)

ترا الصداقه والمحبه والإعجاب ماهي ب توخذ غصب للي يبيها إن كنت مقبول ومعك طيب وأداب تاخذ قلوب أهل آلوفا من يديها

يهمّني همّك وأحاتي محاتاك أنا معك في كل فرحك وهمّك لا خان وقتك وأقرب الناس خلّاك تلقاني أقرب من وريدك لدمّك

ماني بـ ناسي جميلك يا فريد الجمال مدام لك فـ المحاني طلة باهيه اشوف فـ عيونك الثنتين ساحة قتال لاصارت اسمن معاذير الغلا واهيه طيوفك احلا مايمكن ينوجد فـ الخيال  و عيونك الامره فـ القلب و الناهيه وشلون اشوفك و أعامل لهفتي بـ آعتدال والداهيه لو يشوفك راح في داهيه ..!

رسمها القصيد و خصرها يلوي الرسام لاجيت رقبتها وقّف الوصف وأرهقته هنوفً شعرها داعب الريح والأنسام يغار الشجر لاشمّت الورد ونشقته ترا من ستر ربي علينا عليه لثام عسى الله يعين اللي معه قلب وسرقته عطاها الله الأخلاق والذوق والهندام و شايب يحرق المال بالقدر ومرقته :)

عن ضجيج الناس والمجتمع جاني جفال كن ما ذولا بـ ناسي ولا ذي بـ بلدي ㅤ الهروب أحيان نوع من أنواع النضال لا وطت رجلك طريق الضياع السرمدي ㅤ جيت محتاجك وفيني كلامٍ ما يقال أتعزز وأرفع الصوت وأمشي وأعدي ㅤ حطني في وجه حضنك من صدوف الليال تايهٍ لا أخطيت من ضمتك وين أغدي

النعمة اللي مزينتك مابيها تزول خل الرشاقات والشعار وامثالها ولو كل شاعر تغزل في هيام الذلول نعم القصايد وصح لسان من قالها لكن ماهو بشرط إني بنفس الميول أنا لحالي وباقي العالم لحالها

جادلِ فرّق هدبها جيوش عن جيوش مدهشه في كل شي والمفاتن مدهشه كل خدٍّ مستظلٍّ هدب سود الرموش ردفها ثقل ووقارٍ وفي الخصر خْرِشه ناقز الوركين خطرٍ يشوش الثوب شوش كم تمزّق فوقهن من جديد الأقمشه في النحر عرشين ماهن مثل باق العروش كلّ نهْدٍ فوق عرشه تطربش طربشه :)