دحاام

عليك السلام الوافر اللي بدون قياس يا عنقٍ عليه . . معلّق باقي امالي

بين حي الهفوف وبين حي الوزيه أحْتَشى خاطري والليل يرخي عباته أتوادع معَّ يومٍ طوته العشية وأتوجد على حلمٍ تلاشت رفاته الضمير النقي لا شم ريح الخطية شبت النار في ذاته على شان ذاته ليت لجروحنا المستعصية مرجعية كل جرحً يطيب نْرجعه لـ مْهاته تاق قلبي على ذيك الرسوم الخليّه كنّ قلبي يْطمني على ذكرياته لعنبوا لايمي في حب نجد العذية موّلد الشاعر المجروح و أغلى بناته من عشق من ديار العزوة الفيصلية ما يْلد النظر للغرب ومخلفاته هايف القد: لو خانت يْديها يديّه حبها فالحنايا ما تزعزع ثباته طيفها كل ما مر العيون الشقية أخلف الموّمن اللي خاشعٍ في صلاته بعد ماشفت فيها الشِعر و الشاعرية صار عندي على بدع القصيد استماتة خيّرة العاديات الصفر ساس وهوية ما ربت عند مَن يرفع عليها عصاته تشرب التَّيْه قدام الوجيه القوية كحلة عيونها تكحل عْيون الشماتة واحدٍ ما كسب من ودها لو تحية لو ينوش السماء بيديه وش منجزاته كنت في ضفها مثل الخوي مع خويه يْحفظ قيمته ويعرف يقرأ سكاته لين شفت الرموش العكف صارت ندية مثل حدّ الرهيف اللي تقاّطر شباته قلت: ما دايم إلا وجه رب البرية الوصال انتهى عمره وحانت وفاته الخطا مستحيل يكون منها عليّه غير هذا خطا قلبي وهذي جزاته جعل يسقى علي عاد الحياة الشليه قبل عوج الرقاب تْعاود الإلتفاته يا عواذل ترى مانيب احفظ الوصية من يبيني على ظنه يوفر وصاته قلتوا الحب قلت: الحب أمان وحميّة قلتوا الكره قلت: الكره يوّقض سباته أذكروا قيس وش صابه من العامرية وافزعوا لي قبل والله لاسوّي سواته

ياغرام الشاعر اللي هام فيك وغيّب فيك يا مكبر تحاسيفه وكثر ذنوبه ِ شافك الطف من شخاتير القراح الصّيب وغيرك من الناس مثل السلعه المضروبه عبدالله بن خشمان

على شوفك أعد الليالي صحى ..ونعاس مشاوير عُمري .. كل أبوها مشاوريك - عبدالعزيز العبلان

@Rahe_02 «مع إن الناس من حولك كثير ولاعليك خلاف يراودني شعور !.. إنك حبيبي : يا حبيب الكل » - عبدالله السراهيد. من افضل البيوت اللي سمعتهااا.

عفّة وشيمة الرجل البدوي عن وصف محبوبته بـ ابياته من كمال الرجوله الشاعر محسن بن مترك جسد هذه العفه والشيمه بـ أبيات: « يكفيني اني حافظك عن هل التخمين ولا اسولف بـ عرضك معى كل متكلّم عيت شيمتي لااواكب العالم التالين وعيت غيرتي لا اشرح ولا انشر ولا اعلّم »

هذي ما هي ملامح وجه، هذي سعادة هذا ما هو خصر، هذا يدوبه يدوبه هذي ما هي عيون إنسان، هذي عيادة من أحدث حلقات #ذا_قال.

كن قلبي عليه تّجر حدب الشباري كل ما أشوف حبة خالها في ولدها - محسن بن مترك

أشتراها اليوم الأمير / خالد بن فيصل بن تركي من منصور بن جفيران حقه عونيه على بعير أبن هلال السلات

"اللهم صلِّ على محمدٍ وعلى آل محمد، كما صلّيت على إبراهيم وعلى آل إبراهيم 🌹 #نادي_الإبل #يوم_الجمعة

جعل السنين المقبله ( خير وتباشير وغناه ) لو السنين الماضيه. ( طيش وعناد وعجرفه ) انا الغريب الي معيّن في حيا وجهك حياه من يعرفك والله لا يلغي كل .. سابق معرفه وانا السقيم الي بعد ما ذاق ف اشفاتك ، شفاه رخص مقام الصيدلي … واعلاجه الي يصرفه شفتك وحلّق قلبي الملهوف تحليق القطاه مع انه اشرس .. من هداد الحر للي يعرفه ان قلت لي وش لون قلبك حلّق ف عالي سماه ؟ " نبت على قلبي جناحين وغدا له رفرفه " من كثر ماني ب شفق لصوتك تعلقّت ب صداه ما كنّي اسمع صوت عادي ، كنّي اسمع غطرفه يا ام العيون الي تسلهم بين غفله وانتباه مدري وش الي يمنع تروفين وانتي مترفه ؟ يا نور وجهي من كثر ما اشوفك بـ كل اتجاه ! غديت بس اشوفك وعن غيرك الشوف اصرفه . الحب مثل السيل والعاشق موقفّ في نحاه والي يوقفّ في نحاه اما .. اجرفه ولا اجرفه نزلت قلبك منزل العجمان في وادي المياه خذوه بالشلف وحموه من اطرفه لين اطرفه ما هملّك لو الامام يهمّل فروض الصلاه ولا اضحّي بمثلك لو الفارس يضحي بـ اشرفه

@almhawrat ما باقي الا واحد نعرفه في عبر الزمان الله يزيدك فالعمر و الله يرفعنا قدر الاوله عرفتها والثانيه عز وشان موروثنا معنا مع طول اليالي والعمر طاروق"

لغز محاوره 🔥🔥🔥 بيتين للرد والنتيجه غدا عشر ليلا والفائز له نشر حساب صارو هواة الشعر مربوطين بهلال رمضان بس الوعد في شوفهم في مبتدى عيد الفطر ياويش عشر وعشر مردوفات معهن في ثمان الاولى بحسابها مدلول في خير البشر علي بن خشمان

@Naaaser_411 عزالله قصيده ينطح انسام الهبوب بصدره ويفتح أزراره شاعر يكتب غزل ولا عتب ولا نصيحه 👏🏻

@almhawrat : يادار وين البدو شدو ومدو عهدي بهم يادار يوم المطر طاح على طواري الوسم عنا تعدو تتبع خطاهم نابض البرق لالاح

من يعرف القصيده اللي تركب مع الصوره ؟؟ للأذكياء فقط ؟

يا شين حظ الغشيم اللي سراب الوقت عنّاه ولا سمع بيت ابن جدلان يوم الوقت لاعه

الغزل في غير حسنك و زينك ؟ ما يفيد لو بداه إبن زويبن و ثنّاه إبن عون :) _ مطرب بن دحيم.

يحذف قلوب المحبين محذاف السنين قبل تكبر مع ولعها ويكبر سنها @sha3r_alhajri

امحق قصيد بـ تالي الايام مــدري وش بلاه من عقب مات الاكلبي مات الشعر كله معه الراهي؛) و الله يرحم سعد بن جدلان ويغفر له ادعو له ب الرحمه؛)

@almhawrat صحيح مايستريح الا الضفعه

مايستريح اللي عزمله رياجيل شطر بيت اصبح مثل عند البدو ونسمعه دايم يتكرر فالمجالس عطوني اسم الشاعر مايستريح اللي عزمله رياجيل لزم عليهم بالعشا واستجابو يستاهلون الحيل ذباحة الحيل كم حايل من غالي السوق جابو

شاعر مبدع واسمه والله ماعرفه