fَ

ياوقت ماني طامع في عطاياك لا دامت الدنيا ولا نيب دايم .

وجودي وجودن ما توّجد به التالين ابا لا يصوغ الشعْر من دافع الشهره على اللي ليا منّي نويت اقفل البيتين هدرت الدموع وجات الآبيات مدّهره تصاهل هواجيسي من افراقها لا الحين صهيل الحصان اللي تعاطي له المهره فقيد الشهيّه والوزن والمنام الزين تهاون بعين الخشف لين اقصمت ظهره

واللي رفع يوسف و لد اخوانه إني خذيت من الحياه دروس اليا حكيت اصير فاري جيبي وليا سكت اصير بالع مـوس

إلا واهني اللي دلّه مافقد له شي ماهو مثل حال اللي فقد شي ومهاوي ⠀ سبايبك ياللي مالقينا لوصفك زي صدفني وانا من قبل شوفتك متشاوي ⠀ عرض لي ماني له مثل يوم اني ماهو لي وحيل الله اقوى معه حيلي ماهو قاوي لا سلهم بعينه كـنها تقول مت ياحي تقول ان ضربه فالحشا ضرب هنداوي

اشهد ان الحّب للخفاق صايب والبلاء ان الحب ماينقص يزيد. جرح يالليّ كل ماقلت انه طايبّ نقضه سهمن من الفرقاّ جديد .

ألا ياوجودي وجد من قل توفيقه غدا له ذهيبٍ جرته ما يعتقها على جاهلٍ كن الكواكب عشاريقه تهاوى القمر والشمس من فوق عاتقها

البعد حماي الغلا بعض الاوقـات لاصار كـثر الـقرب مابه مسره نحبكم . . ميـر اتعبتنـا المدارات وطـويق هم ٍ من ورانا نجره

دوادي العجز لا ودت ولا جابت إلى متاها تسود وجه قايلها الحكي هابط وانا مثل الجبل ثابت آطا على الروس ماوالله احايلها أهل الحسد في قفانا كبودهم ذابت مستشعره والضرر محرج قبايلها جهودهم حثلت وظنونهم خابت ضغينةً ماتبهذل غير شايلها

واهنيّ اللي دموعه على خدّه رْجود توّ موقه ما بعد جفّ في طول الغرام ما يبرّكني على الزور من فرقاه كود دمعةً ما تروي الطير وتْحتّ العظام ..

ما عاد لي سدً منيع من قال وش فيك أعترف العين ما تبغى الجميع حتيش لو كلً عرف البين خلاني صديع سوات ذيبً يهترف طوال عمري في ربيع ما يوم فارقت الترف ويوم ابتدا فطم الرضيع عقلي من أقصاه أنغرف  حبي مهو حب القطيع قد جاوز حْدود السرف ..

حداني على الفرقا وانا كارهً فرقاه عليه الله اكبر كيف كسّر مجاديفي

التجارب علمتنا على طول الليالي كبدً نبردها وكبدً نزيد الهييها

واهني اللي يبرد ضماه الماي يبرد ضماه الماء ليا صار ضمياني وانا اشرب قراح الماء ولاينقطع ضماي ولا قاطع ضماي كود اللي اضماني تبلغ ضماي وساق مع مشيتي واعضاي على اللي مشط شقر الجدايل بريحاني ثلاث وثلاث سنين لين انبحث خفاي تحت سقم حبه لا ذبحني ولا احياني

جعل الرجاء فيك ما تنّصك بيبانه يلي لك الروح سلّمنا لـ اوامرها.

ياقو عزمي يوم قفى وانا أراعيه اجامل وانا لدموع عيني تسيباقي خذا الروح كله مابقالـه شريكٍ فيـه وجعله فداً له مامضى منه والباقي

ونتي كان ما جيته ولا جاني ونّة قريص أسودٍ مافاد قرّايه خمه نهار الربوع وطاح وجعاني شلال دمه تقل شلال روّايه

الدنيا مثل دابٍ يهاوز فريس الداب ولها غارةٍ رووس النشامى قلايعها

بان مضراب السهر في عيوني للصديق كل ما ينشد متى قمت قلت له اولا من ظروف الوقت ولا من العشق الرقيق عبرة الرجال لا شك ماهي من خلا راحت الدنيا بعيني كبر فص العقيق وان بغيت اصافح الحظ يعطيني جلا لا تقول ان ذاك ابن عم ولا ذا صديق فزعة ٍ ماهي من الله ما تدفع بلا

يا مل قلبٍ من غرابيل الليالي ما استراح تلزه الأيام وأبطى من عناه يلزها ٰ الحظ يبرك ويحبي والناس أكافحها كفاح على مواريد الحياة تدزني وادزها ٰ أحيان أحس إني جبل متصديٍ وجه الرياح وأحيان أحس إني غصون كل ريح تهزها ٰ أبتعلى بالهوى وأرفّ فالجو الجناح وإن كان ماعزيت نفسي ماحدٍ بيعزها

تولعت فاللي من ورى هقوة الهقّاي هنوفٍ جذبني في هواها تواضعها عليها عروق الكبد منها السهر ضمّاي بساتين قلبي يابساتٍ مزارعها تتل الضماير تل دلوٍ لها لقّـاي ليا هزها مياحها جاك شالعها ذكرت العيون اللي ليا سلهمت بغباي تزّرق رماحٍ في ضميري مواقعها

حالفً ان اموت وأوسّد يميني لادَله قلبي ولا سجيت منه