مَ

#جمعة_مباركة اللهم صل على محمد

يارب تعرفني … وتعرف نواياي وتعرف جميع ظروفي المستبده أحيان أصيب الرأي و أضيع الرأي و أحياناً أفتح باب وأحيان أسده أحاول أمشي بإتجاهك يا مولاي وتسرقني الأيام في خضم شده عاملني بلُطفك وعطفك و رجواي ليا إنحرف قلبي عن الحق … رده

لا منها ضاقت عليك الواسعات غامر وربك يقسم اللي يقسمه الكفو ما تصعب عليه الطايلات يرسم طريقه في ثبات و يحسمه ويقال في ماضي الليالي الأولات من لا يغبر شاربه مادسمــــه

عز ممشاك عن أرض ما تحوفك ومن يشتري خاطرك أشتريه بعمرك و الجمايل لا عجزت تردها قدرها واللي ما يثمر فيه خيرك ذوقه مُرك ومن يستكثر عليك الوضوُح اتركه مصير الليالي السود يظهر قمرها

واللي خلق هالأرض في ستة أيام ومعه السموات وسبع الأجبالي إني أحبك في الدقيقة مية عام وإنك في وسط القلب ودايم ببالي يا أجمل محاصيل الليالي و الأعوام معك الهوى عشته بأحلى الليالي لك في عيوني حب و شعور وهيام يامكسبي في دنيتي وراس مالي

يا المال لاتعشق صناديق الانذال ليتك تعيف اللاش وتعف منه خلك مع الابطال ذربين الافعال يصير لك هيبه و شنه و رنه فالغرب لك ممسى وفي الشرق لك مقيال على كفوف مقطعين الآعنه والله لو الدنيا تحمل و تنشال ان قد جلبناها على ظهر دنه قم يا ردي الحظ خل التملمال سلط على مال الكرم لا تحنه

ياما بذرنا الطيب في راعي الطيب وفي جاحد المعروف ياما بذرنا ولا عندنا للي جحدنا مطاليب قد جاه من جوداتنا ما عذرنا ياما غدينا له قصور ومعازيب وبظلالنا ياما عليه انكسرنا نشب ضارين على الطيب ونشيب متجملين ولا الجميل يعسرنا والي وردنا صافيات المشاريب في جمة الماء ما رمينا حجرنا

انا مَثل ماني مِثل واخذ الكلام اخذ الكلام اللي من اول حابسه وجهي طليق وكل وجه له مقام يفداك يا وجهي الوجيه العابسه اليا رضيت اجيك غيث من غمام واليااا زعلت اجعلك قاع يابسه

الكريم يذاع صيته و البخيل يهمل و المواقف مرة فرض و مرة سنه من تجمل ساعة فيها الكلام يكمل مايرد المدح لا جات المدايح منه ومن تردى فالرجال و فعل ابيه يجمل جعل وجهه فالتراب و جعل ابيه الجنه

@icr11r امين

تعيش ياراسي وتفداك الانذال ومن لاحسبك لاتحسب حسابه كم واحد نحسبه محزم و رجال ويوم احتمى الميقاف ماينغزى به حنا نحشم رجال من حشمة رجال و الصبر ينفذ والزلابه زلابه يعني على ماقيل من ضمن الامثال الم تكن ذيب كلتك الذيابه

ظالم ولكن في القلب لسى هواه كم قلت بكره يحن القاه يزيد في جفاه ينسـى الهـوا ينسـاه قولـوله ليه ينساه يعني عشان بهواه يعمل كذا فيه

وامر بيتك من بعيد ولا اجيه وانا لو انه في يدي ما تعداه حتى تواير موتري تلتفت فيه تبغي تلف ويستحي العقل و الجاه وصلك يخيط الصدر والبعد يفريه ويابري حالي كان صديت برياه

لا جيت انا بسامحك تبكي الجراح ما ودها مشتاق ودي اصافحك وعيت يدي لا امدها اه يالجراح راح الي راح وراحتي من يا ترى يردها

القدر ياحبيبي هدام الاحلام واخفى معالم حلمنا وانتهينا توادعنا قبل اسابيع وشهور وايام وياكثر الصدف الي فيها التقينا ياكثر مافقدت وقلت العوض قدام تقدمنا والعوض ماوده يجينا لاحظ قايم ولا محققه احلام جعلها كلها بقلعة وادرينا

بقى ذنب واحد من ذنوبي عجزت أنساه بعد ما هداك الله ياقلبي على التوبه لك الشوق ياذنب تركته لوجه الله عسى سيئات الشوق ماهيب مسحوبه

نطوي سنه مرت بها هموم و افراح ونبدا السنه هذي عساها سعيده جعـل الهمـوم من العـام تنـزاح ونقلى السعاده في سنتنا الجديده

ياقلب مامليت تقليب الاوجاع ماعاد فيني للطعون استطاعه حاولت احد الصبر يمي ولا طاع لا الصبر طايعني ولا الجرح طاعه ياليتها في ساع وتروح في ساع لكنها متجدده كل ساعه الجرح طامع وايضاً الوقت طماع ياطمعاً ماعاد فيني طماعه كم ضيقة كنيتها بين الاضلاع اكنها واضحك لاشفت الجماعه

السلام عليكم من وحشة الفرقى ورحمة الله من الحنين وطواريه بكتب من القصيد والعين غرقى أما بعد : المشتحن لا تسأل شفيه طرالي ذيك الليالي جعل تسقى شتا وجفا وحنين بعيني اخبيه لا الهوى ذنب لكنها للقلب تشقى ولا الرحيل اجرٍ ولا التوبه حقيقيه

يوم جمعه والعرب تطلب الخير والعبد ماله غير … ربه ودينه يارب ترزقني بجنتك لا غير وانت الكريم الي ما تبخل يدينه