هّادي

اتثيقل وهي تقدر تسوي سواتي بس تبغي تهز الثقل كله برنه تدري ان رنه الجوال من مغرياتي كني الطرقي اللي سمع لـ النجر دنه اقبلت عودها ميال وريح عاتي واللقى عقب طول الوصل لابد عنه خدها فيه مرباع ومصيفّ ومشاتي ولون تفاح ولا مادري ويش كنه ؟ ادري ان قلبي اخضر بس شكله نباتي يعشق النبت فاكهته وهيله وبنه مستعد اخذ التفاح وأخسر حياتي جدي ادم خذ التفاحه وخسر جنه اتفرا على الموت ابغي الموت ياتي وموت موته شجاعٍ ضيعه كبر ظنه صوبتني . . برمشٍ صار سبه وفاتي وصرت في عالم الأموات والموت سنه وجيت جداني اللي جارهم ما يحاتي متعبين الامهار متعبات الأعنه قالو : اللي بصدرك ضرب سيف الزناتي قلت لا والله إلا رمشٍ احد منه 🩵

ارتاح .. لا يهمك ولا يصونك ولا اتحرى ولا تفكر ولا تعاني انا ادري انك ما طعت اللي يعذلونك وانك تحديت خلق الله على شاني وانا بعد ما حكوا بك جعل يفدونك ياويش علي من كلام فلان وفلاني ؟ وان شفتهم في سوالفهم يجيبونك داركني السعد والأنس ما مداني كن فز فلبي الى قاموا يطرونك فزه شجاعٍ يقول ان العمر فاني 🩵

الف بسم الله عليش من أتفه اوجاعش جعل التعب لامن نواش انحنى لي 🩵

اللهم اجعلنا ممّن عفوتَ عنهم ورضيتَ عنهم وغفرتَ لهم و أستجبتَ لهم وتقبّلتَ منهم

معطيش قلبي .. قبل تهدينّي هداياش واغلى الهدايا في حياتي وجودش 🩵

كل عام وانت العيد ومشاهدك عيّد واقرب واحب من العرب كلبيها 🩵

جابش الله حلمً يكمل ويكتمل فيّ كنش اسف .. عن احزان الليال المريره عقبش .. يمرّني غيرش وكنه ولا شي مابه انسان عنده طموحه ويشوف غيره 🩵

يا وجهٍ في مشاويره يعاف الشاعر المعوّاد عسى يفدا عيونش ماكتبته فـ الشعر كله 🩵

تبختري حسّن ميلي غنج تيهي دلال انا غرامي من الاغصان .. ميّاسها فديت جيد ٍ من الشامات فيه اختيال والشفّة اللي عرفت الخمر من كاسها وجديلش اللي تفلّينه والمّه ليال وعيونش اللي تسهرّني من نعاسها مانام طرف ٍ نصيبه من جمالش خيال "كم نفس لحظة مرورك تحبس انفاسها"

أنتي أسمى من هوى النزوه و أعزّ من الحمايا في عيون الفارس اللي سلّ سيفه من جفيرة و إن ظفرت بـ بقبلةٍ من ثغر معسول الشفايا ليه لا ؟ و أنا الكبير اللي طموحاته كبيره بين عذبات الوصوف وبين ترفات الصبايا شفت في وجهك ملامح سكرة الموت الأخيره

عين وشفاه وعاتقٍ منتوق وجسمٍ تغطينه ولا حتلتي والليل عن وجه القمر مفهوق والعود ما الومش الى ملتي غصنٍ على ساقي وفيه عذوق ويش الغريبه لو تمايلتي ؟

ياصدري عداك اللوم ولا غشاك اللوم تضايق .. ولا تلحق مشاريهك اقصاها الى باعو الرفقه على الشك بـ اول سوم فرقنا على اللي سامها .. واشتريناها

شلون امّل المكابر فـ الامور الكبار والكبرياء جزء من نفسي وتكوينها عجزت لا اناظر الدنيا بعين الانكسار ادعس على غارب الايام واهينها ما يعتّذر بالظروف الا عديم القرار ومايبكي من الحياه الا مساكينها

دايم اللي يحسم المعركه في وقوفه عن دروبٍ تنقص قيمته .. فيه عفه توجع الرجل نظرات العباد العطوفه يوم ياقف من الحيره على جال طفه ودك الرجل مايرضى يخلي شفوفه كل مامّره من اليأس طاري .. يكفه راهي العزم نفسه لـ المعالي شغوفه لو ظروفه وقلبه ماتوقف بصفه

من تولّاه الحنين وذاق طعم الفرقى لو تشوف الناس من حوله تراه لحاله

والله ماني جبان ولاني بخيل ولا اطوّل لساني الا طول باعي حتى لو ان جداني هل الخيل ماقد تذريت بالاسم الرباعي ماخذت حقي بفزعات الرياجيل بذراعي عسى الله يخلي لي ذراعي

جعل صبحٍ مايجيبش ولا يثبت غلاش ما اتعايش مع نسيمه ولا ارقب جيّته

هزمني المتّرف اللي يمكن يسيح لو اني اقول له .. مع السلامه ضميره اقسى من ظهور التماسيح مع انه أرق من ريش النعامه

كنت الاطيب قلب .. والاكثر مداراه و رحابه كيف حاصرك البرود وصرت متبلد وقاسي :(

غديت ضيفً حشاد في ضيافه بخيل كلامه يقول أسر وعيونه تقول أسر