पूर्वमा झापाको भद्रपुरदेखि पश्चिममा कञ्चनपुरको चाँदनी दोधारासम्म फैलिएको करिब १,८५७ किमि लामो हुलाकी राजमार्ग तराई-मधेशका २० जिल्लाको आर्थिक, सामाजिक र कृषिको 'लाइफलाइन' हो। तर, यो राष्ट्रिय गौरवको आयोजनामाथि फेरि एकपटक बजेटको डन्डा चलाइएको छ।
जहाँ आव २०७८/७९ मा ६ अर्ब ३९ करोड र २०७९/८० मा ६ अर्ब ७ करोड बजेट विनियोजन हुन्थ्यो, त्यहाँ वर्तमान सरकारले जम्मा ४ अर्ब ६५ करोड मात्र छुट्याएर मधेशको विकासलाई कछुवा गतिमा धकेल्ने काम गरेको छ। आर्थिक सर्वेक्षण अनुसार २५० पुलमध्ये अझै १०८ वटा पुल निर्माण हुन बाँकी छ। कमला पुलकै लागि करोडौँको बजेट आवश्यक छ, तर सरकार भने रमिते बनेको छ।
जुन हौसला र परिवर्तनको आशासहित मधेशका जनताले राष्ट्रिय स्वतन्त्र पार्टी (रास्वपा)लाई मतदान गरेका थिए, त्यसको बदलामा आज मधेशले धोका र उपेक्षा मात्र पाएको छ। कमला पुलकै एजेन्डा बेचेर चुनाव जितेका सप्तरी,सिरहा र धनुषाका माननीयज्यूहरू, यो सरकारको प्राथमिकतामा हुलाकी राजमार्ग र कमला पुल किन परेन? सिंहदरबारको सत्ता साझेदार बन्दा मधेशको आवाज कहाँ हरायो? जवाफ चाहियो!
NE
