Rabi Lamichhane

कुकर्मले तिमीले कमाएका तिम्रा मित्रहरु भन्दा सत्कर्मले मैले कमाएका मेरा दुश्मनहरु मलाई प्यारा छन्।

नेकपा (एमाले)का अध्यक्ष केपी शर्मा ओलीका पुजनिय पिताश्री मोहनप्रसाद ओलीज्यूको निधनले दुःखी तुल्याएको छ । यस दुःखद घडीमा दिवंगतप्रति हार्दिक श्रद्धाञ्जली अर्पण गर्दै शोकसन्तप्त परिवारजनमा धैर्य धारण गर्ने शक्ति प्राप्त होस् भन्ने कामना गर्दछु ।

I appreciate your warm wishes, Honorable Prime Minister @CMShehbaz. Nepal and Pakistan share a deep-rooted history of friendship. I look forward to working with your government to strengthen our bilateral cooperation and further our historic bonds.

Thank you for your warm wishes, Honorable @tsheringtobgay. Alongside our friendship, I look forward to working together to further strengthen the deep-rooted ties between Nepal and Bhutan.

Thank you, Prime Minister @narendramodi, for your warm wishes and for recognizing the democratic mandate of the Nepali people. RSP and our government will remain dedicated to fostering a relationship built on mutual respect and shared prosperity where RSP will prioritize on ‘development diplomacy’. We look forward to a partnership with India that scales new heights through cooperation in connectivity, cultural tourism, energy, and trade, ensuring a prosperous future for the people of both countries.

लोकतन्त्र बचाउने आधार नै निर्वाचन हो। लोकतन्त्रका रक्षक भनेकै जनता हुन्। पार्टी र नेताले जनभावनाको कदर र राष्ट्रिय आवश्यकताका आधारमा निर्णय गर्ने हो। निर्णय गर्दा राष्ट्रलाई केन्द्रमा राख्न सके लोकतन्त्र परिणाममुखी पनि हुन्छ। निर्वाचन सफलतापूर्वक सम्पन्न भएकोमा सम्माननीय प्रधानमन्त्री ज्यू,मन्त्रिमण्डलका सम्पूर्ण मन्त्रीज्यूहरू,निर्वाचन आयोग,सम्पूर्ण सुरक्षा निकाय, कर्मचारी साथीहरु,सहयोगी विभिन्न राष्ट्रिय अन्तर्राष्ट्रिय निकाय लगायत सम्बद्ध सबैलाई धेरै धेरै धन्यवाद। सहिदहरू अमर रहुन् ,लोकतन्त्र अमर रहोस्।

मध्यपूर्व क्षेत्रमा विकसित भइरहेका पछिल्ला घटनाक्रमले विश्व समुदायलाई गम्भीर चिन्तामा पारेकाे छ। अन्तर्राष्ट्रिय सम्बन्ध र भू-राजनीतिक सन्तुलनका दृष्टिले यो परिस्थिति अत्यन्तै संवेदनशील छ। हामी सबै पक्षलाई अधिकतम संयमता अपनाउन र समस्याको समाधान संवाद एवं कुटनीतिक माध्यमबाट खोज्न अपिल गर्दछौं। त्यस क्षेत्रमा विकसित घटनाक्रमले विशेषगरी युएई, कतार, बहराइनलगायत खाडी मुलुकहरूमा सुरक्षा अवस्था थप संवेदनशील बन्ने जोखिम देखिएको छ। ती देशहरूमा लाखौं नेपाली कार्यरत रहेकाले उनीहरूको जीवन, रोजगारी र सुरक्षालाई लिएर गम्भीर चासो उत्पन्न भएको छ। सम्बन्धित देशस्थित नेपाली दूतावासहरूलाई उच्च सतर्कतामा राख्दै आवश्यक परे तत्काल उद्धार तथा सुरक्षित आवागमनको तयारी गर्न, आपतकालीन सम्पर्क संयन्त्र प्रभावकारी बनाउन र नेपालीको अवस्थाबारे नियमित तथ्यगत जानकारी सार्वजनिक गर्न सरकारसँग आग्रह गर्दछौं। नेपाली नागरिकको सुरक्षा सर्वोपरि दायित्व भएकाले कूटनीतिक पहल, समन्वय र पूर्वतयारीमार्फत कुनै पनि आकस्मिक अवस्थासँग जुध्न सरकार पूर्ण रूपमा तयार रहोस् भन्नेमा ध्यानाकर्षण गराउँदै इन्धनको आपूर्ति प्रणालीमा आउन सक्ने अवरोधले जनजीवन र अर्थतन्त्रमा पार्ने प्रभावबारे समेत बेलैमा सचेत रहन आग्रह गर्दछाैं।

पोखराबाट काठमाडौं आउँदै गरेको बस धादिङमा दुर्घटना हुँदा भएको ठूलो मानवीय क्षतिप्रति गहिरो दुःख व्यक्त गर्दछु। यस दुःखद घडीमा ज्यान गुमाउनेप्रति श्रद्धाञ्जली, घाइतेहरूको शीघ्र स्वास्थ्यलाभ र शोकसन्तप्त परिवारजनमा हार्दिक समवेदना व्यक्त गर्दछु। सडक यात्रा सुरक्षित बनाउनु राज्यको दायित्व हो। तर,  यसतर्फ गम्भीर चासाे र चिन्ता विगतमा लिइएन। दुर्घटनाको निष्पक्ष र गम्भीर छानबिन गरी कारण पहिचान, दोषीमाथि कारबाही र भविष्यमा दोहोरिन नदिन ठोस सुधारात्मक कदम चालिनुपर्थ्यो,हुन सकेन। सुरक्षित सडक, जिम्मेवार चालक, कडाइका साथ कार्यान्वयन हुने नियम र प्रभावकारी अनुगमन नै यस्ता त्रासदी रोक्ने आधार हुन्। हामी गम्भीर  र जिम्मेवार हुनेछौ ।

पोखराबाट काठमाडौं आउँदै गरेको बस धादिङमा दुर्घटना हुँदा भएको ठूलो मानवीय क्षतिप्रति गहिरो दुःख व्यक्त गर्दछु। यस दुःखद घडीमा ज्यान गुमाउनेप्रति श्रद्धाञ्जली, घाइतेहरूको शीघ्र स्वास्थ्यलाभ र शोकसन्तप्त परिवारजनमा हार्दिक समवेदना व्यक्त गर्दछु। सडक यात्रा सुरक्षित बनाउनु राज्यको दायित्व हो। तर,  यसतर्फ गम्भीर चासाे र चिन्ता विगतमा लिइएन। दुर्घटनाको निष्पक्ष र गम्भीर छानबिन गरी कारण पहिचान, दोषीमाथि कारबाही र भविष्यमा दोहोरिन नदिन ठोस सुधारात्मक कदम चालिनुपर्थ्यो,हुन सकेन। सुरक्षित सडक, जिम्मेवार चालक, कडाइका साथ कार्यान्वयन हुने नियम र प्रभावकारी अनुगमन नै यस्ता त्रासदी रोक्ने आधार हुन्। हामी गम्भीर  र जिम्मेवार हुनेछौ ।

प्रजातन्त्रको मर्मलाई आत्मसात गर्दै भ्रष्टाचार, अन्याय र विभेदविरुद्ध एकजुट भई सुशासन र समृद्धिको यात्रामा अघि बढौं, प्रजातन्त्र दिवसकाे शुभकामना। साथै, हिजाेबाट सुरु भएकाे पवित्र रमजान महिनाकाे समस्त मुस्लिम समुदायलाई मुवारक! यस महिनाले शान्ति, सहिष्णुता, सद्भाव र एकताको भावना अझ सुदृढ बनाउन प्रेरित गराेस्।

शिवरात्रिकाे शुभकामनासहित ... चुनावमा बाचा त धेरैले धेरैपटक गरे। तर, पूरा नगरेकाे परिणाम उनीहरूले हाेइन, जनताले नै भाेग्नु पर्‍याे निरन्तर। हामी पूरा नहुने बाचा हाेइन जनतासँग प्रतिज्ञाकाे करार गर्दै छाैं। विस्तृत फागुन ७ गते कर्णालीबाट।

Happy Valentine's Day ❤️

पर्दामा 'खलनायक' जीवनमा 'नायक' भएर नेपाली चलचित्रकाे एउटा युग अन्त्य भयाे। सुनील थापालाई 'पात्र'ले सदा अमर राख्ने छ। अल विदा सुनील दाइ!!

फागुन २१ कुनै सामान्य मिति होइन। मुलुकको भाग्य र भविष्य बदल्न सकिने कोशे ढुङ्गो हो। भाषण,घोषणा, वाचा भन्दामाथि उठेर हामी यसपटक नागरिकसँग करार गर्न चाहन्छौं,जहाँ गरेको वाचा पूरा गर्न नसके सजायको प्रष्ट व्यवस्था होस्। फागुनको पहिलो साता हामीले सार्वजनिक गर्ने "वाचापत्र"अघि करार-पत्र सार्वजनिक हुन्छ र यससँगै वाचा गरिने बुँदाहरू प्रष्ट रुपमा सार्वजनिक हुँदै जान्छन्। कसले के भन्छ भन्ने चिन्ता, आरोपहरूको खण्डन, तथ्य जाँच र सवाल जवाफ भन्दा माथि उठेर हामी आफ्ना कुरा नागरिकलाई प्रष्ट राख्दै जान्छौं,नागरिकसँग आफूले भनेका कुरामा करार गर्छौं र फैसला गर्ने जिम्मा तपाईंको हातमा छोड्छौं। जति सक्छौँ त्यति भन्छौं, जति भन्छौं त्यति गर्छौं। समृद्धिका लागि ,"नागरिक करार" छिट्टै सार्वजनिक हुनेछ।

आदरणीय आमा बुबा,दिदि बहिनी तथा दाजुभाईहरू, सामान्य ठानेको चोटको नसोचेको संक्रमणका कारण जीवनमा पहिलो पटक अस्पतालमा केही दिन बिताएर केहि आरम पछि आजबाट म सार्वजनीक जीवनमा फर्कँदैछु।र यो ऐलान,संकल्प र प्रतिवद्धताका साथ फर्कँदैछु कि देशमा अब जे हुनेछ त्यो घटना हुने छैन, इतिहास हुनेछ ।

सहमति भनेको नेताले खोजेको जस्तो होइन, देशलाई चाहिएको जस्तो हुनु पर्छ ।

सम्मानित अदालतको आदेशको सम्मान गर्दै म आफै आजै अहिले नै गिरफ्तारी दिदैछु। साथै न्यायलयका अन्य ढोकाहरु मेरा लागि खुल्ला होलान् नै । न्यायका लागि दुनियाँका सबै ढोका ढकढकाउछु । म माथि ठुलो अन्याय भएको छ । चितवनको सभा नरोक्नुस्।

सरकार मर्‍यो,हामीलाई जुठो पर्‍यो !! तपाईंको हातमा तस्करले दिएको करोड पर्ने घडी ,मेरो हातमा चाहि हतकडी ?? तपाई विचौलियाको सेवा गरे बापत लाखौंको चस्मा र जुत्ता लगाउने, मुद्दा मैले खेपि दिनुपर्ने? तपाई प्रमाणित भ्रष्टाचारी बाट करोडौंको जग्गा खुल्लम खुल्ला लिने,मैले ठगीको आरोप खेपी दिनुपर्ने । तिमीहरु राज्यका भए भरको शक्ति लगाएर अनुसंधान गर्दापनि केही भेट्दैनौ अनि तिम्रो एउटा नेताको राजनीति जोगाउन र तिम्रो दुई तिहाइको सरकार जोगाइदिन म बली चड्नु पर्ने? तिमी र तिम्रा नेता मिलेर सहकारी बाट ८७ अर्ब अपचलन गर्ने, मैले सहकारी ठग भैदिनु पर्ने? यति गरेपछी भाटभटिनीको इस्यु मोड्नपनि पाइयो। प्रमाण छ भन्ने युवा नेतालाई पनि भागेर हिड्न परेन। तर म कहिले भागेर हिडिन र हिड्दिन पनि। ओली जी, भ्रष्टाचारी समाउन मैले प्रधानमन्त्रीको अफर लत्याए, तिनै भ्रष्टाचारी जोगाउन तपाईले त्यही अफर रातारात विचौलियालाई साक्षी राखेर लिनुभो।वाचा स्वरुप तपाईंले मेरो बली चडाउने सम्झौता त्यसै रात गर्नु भएको थियो।यो मलाई राम्रो सँग थाहा छ।तपाईको मन्त्रीमण्डल त्यसको साक्षात प्रमाण हो। तपाईहरुका दलका नेता /कार्यकर्ता प्रमाणित सहाकारी ठग हुन् । कोहि जेलमा छन् कोहि फरार छन् ।तपाईहरु तिनलाई जोगाउन लागिपर्नु भएको छ। अब तपाईहरु बाट पीडितले न्याय पाउदैनन् । त्यसैले अब सहकारी पीडितको आवाजको नेतृत्व हामी गर्छौ। ठिक छ,म तपाईहरुको दिनगन्ती शुरु भएको खुशियालीमा कानुनलाई पुरै सघाउने प्रतिवद्द्ता ब्यक्त गर्दछु । नयाँ पुस्तालाई एक एक गर्दै सक्काउदै जाने तिमीहरुको कुनियतले तिमीहरुलाई चाडै रसातलमा पुर्‍याएको यो देशले चाडै देख्ने छ। शुरूवात तिमीहरुले गर्यौ,अन्त्य हामी गर्नेछौ, नेपाली जनताले गर्नेछन्, छिट्टै गर्नेछन्। अहिलेलाई,सरकार मर्‍यो हामीलाई जुठो पर्‍यो। तर मलाई न्यायलय प्रती आशा र न्याय प्रेमी जनता प्रति भरोसा छ। प्रिय रास्वपा परिवारका साथीहरू, शिर ठाडो राख्नु होला। तपाईको सभापतिले कसैलाई ठगेको छैन।

विक्रम संवत् २०८१ असोज ३० गते नेपाल संवत् ११४४ कौलाथ्व चतुर्दशी विज्ञप्ति सुशासन, नागरिक केन्द्रित सेवा प्रवाहमा सुधार र संविधान संशोधनको मुख्य उद्देश्य सहित असार ३१, २०८१ मा नेपाली कांग्रेस र नेकपा एमाले लगायतका दलको सहभागितामा बनेको केपी शर्मा ओली नेतृत्वको सरकारले एकसय दिन पूरा गर्दै छ । तीन महिना पूर्ण मूल्यांकनको आधार त होइन तर घोषित प्रतिबद्धता पूरा गर्नेतर्फ यसबीचमा सरकारले प्रारम्भिक संकेतसम्म देखाउन सकेको छैन । विपद्को पूर्वतयारीमा चुकेको सरकार व्यवस्थापनमा पनि असफल भएको छ । मुद्दा खेपिरहेका विवादित व्यापारीबाट करोडौं मूल्य पर्ने जग्गा दान लिएर सत्ताको नेतृत्व गर्ने दलले नै स्वार्थको द्वन्द्वको डरलाग्दो अभ्यास गरेबाट सुशासनको अडान धरमराएको छ । संविधान संशोधनको बहसमा औचित्य पुष्टि हुने गरी सरकारले श्वेतपत्र नै जारी गर्ने अपेक्षा थियो तर उक्त विषय अहिले ओझेलमा पारिएको छ । आज आम नागरिकमा चरम असन्तुष्टि र उद्यमी-व्यवसायीमा निराशा बढेको छ । सरकारको अन्तर्राष्ट्रिय विश्वसनीयता फितलो हुँदा द्विपक्षीय आर्थिक सम्बन्धमा गत्यावरोध हुन थालेका छन् । आत्मविश्वास र दक्षता स्खलित हुँदा दुई तिहाईको सरकार ‘कामचलाउ’ जस्तो देखिन्छ । सरकारलाई निगरानी गर्नुपर्ने संसदीय समितिहरु समेत सत्ता पक्षीय बहुमतको बन्धक भएका छन् । संवादहीनतामा लोकतन्त्र फस्टाउन सक्दैन । शिथिल अर्थतन्त्र, कमजोर विपद व्यवस्थापन, उकुसमुकुसपूर्ण सामाजिक परिस्थिति र युवाहरुमाझ नैराश्य फैलिएको बेला नागरिक समाज र जनप्रतिनिधिहरु मौन बस्न मिल्दैन । तसर्थ राष्ट्रिय जीवनका तमाम समसामयिक समस्याहरुबारे तत्काल छलफल गर्न आवश्यक देखिएकोले राष्ट्रिय स्वतन्त्र पार्टी प्रतिनिधिसभाको विशेष अधिवेशनका लागि अपील गर्दै सबै राजनीतिक दलहरुको ध्यानाकर्षण गराउँदछ । मनिष झा प्रवक्ता (कार्यवाहक)

महान चाड विजया दशमीको हार्दिक मंगलमय शुभकामना। यसपटकको दशै आफ्नो निर्वाचन क्षेत्र वरपर मनाउन जुरेको छ। प्रसिद्ध देवी "कालिका" तथा देउता "जेष्ठ नागरिकहरु" बाट टीका ग्रहण गरेका छौं।

आज मेरो तेस्रो सार्वजनिक सुनवाइ (इच्छाकामना-५, मुग्लिन) मा प्रश्न, जिज्ञाषा र सुझाव राख्नु हुनेसहित उपस्थित सबैप्रति आभारी छु। भाेलि (शनिवार) पनि चितवनवासीसँग भेटघाट गर्न दिउँसाे १ बजेदेखि ३ बजेसम्म भरतपुरस्थित नारायणी कला मन्दिरमा हुनेछु। उपस्थित हुन इच्छुक सबैलाई हार्दिक स्वागत छ।