HUDA

المركز الاول ببطولة الجامعات🥇 شكررا لجامعة نوره على الفرصه🫶🏻

حسب دراستي ومعلوماتي هذي من أعراض اضطراب اسمه Histrionic Personality Disorder يعني حتى لو جاء لها عريس او احد يحبها اول ما يوصل لمرحلة التعلق فيها تتركة وتشوف ضحيه ثانيه غيره ، الحل يكمن في جلسات CBT

من هذا المنبر أشكر القهوجي اللي شافني متكي في قسم النساء في المقهى وقال: ميستر هنا Female تعال هنا. والله ما كنت أدري.. ومن رحمة الله أن المقهى كان فاضي وما فيه أحد.. ولا كنت ترند في تويتر اليوم.. صورتي وعليها تعليق: ذولي متى يتعلّمون احترام المسافات 🤢 ويعلق عليها آدمي يقول: من متى والمقاهي لكم؟ اجلسوا في بيوتكم. وتقتبس كلامه ادمية ثالثة: تو أدري إن الأماكن العامة للرجال بس 😺 يجيك المتنوّر الرابع: 2026 وباقي هذه نقاشات السعوديين. يقتبس خالد خلاوي التغريدة الأصلية ويقول: لو تزوجتم بدري ما كان هذا حالكم ونقاشاتكم. والدافور محمد متولّج اللي علقت التعليق الاعتيادي أن ضوابط الاختلاط ما عاد لها مكان في زماننا هذا. وحقين الشاي يقولون لو شرب شاي كان خير وأحسن له.. وليلة طويلة ما لها أول من تالي