هــاوي .

مالنا أحباب لا تغركم مكاتيبنا .

سهوم العتب ما تختلف عن غدر جساس لو انها تمثنى صدري بتكتم انفاسه وش اللي يحرر عقلي الباطن من الياس ؟ اذا ماكحلت عيون الابداع بـ الماسه انا مستحيل اكتب قصيده بدون احساس مع ان يمكن انه يقتل الشاعر احساسه ! ما اشجع بني اميه ولا اتبع بنو العباس لو ان ماعلي قاصر معرفه ولا سياسه الى هبني من دار اخو نوره النسناس نقلت الغلا من دار اخو روضه و ناسه يثبت قناعة نفسي الموقف الحساس اذا ضاع علم اللي معه علم و دراسه بعد ما عرفت ان السماء مالها حراس تشيمت من قصر ٍ على بابه حراسه يا كم من غني ٍ عنده من الفقر هوجاس ويا كم من فقير ٍ يجحد الفقر هوجاسه يعيش الكريم ولا معه فالطواري باس و يموت البخيل اذا تغيا له افلاسه يازين الكلام اللي يطير عماس الراس وياشين الكلام اللي يزود له عماسه لو انك تراقب من شكا من كلام الناس لقيت المشاكل كلها من تحت راسه :)

حبيبي غبت لكن مرّني طيفك . . مع النسناس يوصّل لي سلام و حبة من فمك مخطوفه تحت ضوح القمر سامرت طيفك وانكسر لي باس يا كثر اللي تحت ضوح القمر يشكي من ظروفه أنا الحاضر مع الذكرى و أنا الغايب عن الجلّاس و أنا الواضح و أنا اللي حاجته ماهي بـ مكشوفه هداياك القديمة تْلحق الهوجاس بـ الهوجاس وله و أستشعرك في كل بيت و كل معزوفه بكيتك بـ العيون اللي سرق منها الحنين نْعاس و خلاها رهينة لـ السهر و الليل و طيوفه بسيطات الدموع إلا دموع القاسي الحساس حصانٍ قبل ما تنزل دموعه ينمزع جوفه دموعه من غلاها ما تركها للثرى تنداس تساقط من شموخ و لا تطيح إلا على كفوفه أحبك و المحبة سحر يخلي . . قلوب الناس عصافير عن التغريد و التحليق . . مكتوفه محبّتك العظيمة ما لها في مهجتي مقياس أحاضيها محاضى مسلط بن سعود لـ ضيوفه سقى الله يوم كنت أجيك في ثوب من الاحساس ضرير كل ما نطحته يدينك . . رجع شوفه و يشغلني سؤال لا تماديت وحنيت الراس على صدرك و صدرك فيه من زود الترف نوفه وش العذر البليغ ؟ اللي يخلي قدّك الميّاس يشلّ الثقل من فوق و تحت و يضمّ سرجوفه وكان أبلغ جواب . . تخلّي الأنفاس بـ الأنفاس تصادم مع بعض و الشمس تحت الليل مكسوفه عليك الله و أمانه خلّني بين الرجا و الياس لعل الحظ يجمّل مرة و أشوف . . معروفه من الظلم يغرق في بحرك الطامي معرّب ساس و يسبح به ضعيف ما يهمه غير . . مصروفه !

جابك الحظ واحلوت بعدك السنين جعل ما أنت علىٰ قلبي ب ضيفٍ عجّل:)

على درب الغلا روّح بـ راسي قلبي المجنون يدرّج خطوتين الشوق والتحنان لـ احبابه بعد فكيت له باب الصدر ليله وقلت تمون نفض ريشه ورى وجه الغرام ورحت بـ اسبابه لقى غيمة ترش الماء وتعطي لـ الصحاري لون بعد جفت مواريد الوفا من طعنة اصحابه يا صدفه واعدت عمري لقا مابين كاف ونون يا معود يجمع الاثنين في واحد على بابه احبه كثر ما تغري وصوف الفاتن المفتون واحبه كثر ما يدفن غلاه بـ قلبي عتابه مخبي حبه بصدري عشان الناس ما يدرون وتفضحني عصافير الغرام وريحة اعشابه يا ويلي كل ما لاح الحيا في وجهه المزيون وفاحت وردتينه من هواه وعضّ عنابه تذوب الشمس لذّه من حلاياه وتميل غصون وشعاع الطيف كل ما طل نسج طيفه من ثيابه عيونه مكحله مدري كحل منثور مدري عيون ورمشه غابة متشابكه من فوقها غابه (: بـ عينه نظرة الحب وجواهر سرها المدفون وعلى شفّة عسله توقف النحله وتزهى به اذا سوّى بقصته الحريريه دلع هاللون يطيح اللي يمشّـط لحيته ويمشّـط اشنابه فداه العاقل اللي ما يلوم العقل والمجنون وفداه اللي يلوم العاشق اللي فاقد احبابه

الليالي صابها الخوف و أخطاها الامان والمشاعر بعد طول الصفو .. متكدّرة رغم صدمات الأوادم وصدمات الزمان صدمتي فيك أنت .. لا زالت المتصدّرة

وصلك مثل رش المطر يشرح البال يحيي عروق القلب ويروي ضماها

عسى غرّ السحايب يوم تقبل بالحيا والخير ما تقفي لين تروي داركم و تربّع فياضه

كن المطر نبيّ بالحق مرسول نازل يبشّر كل راجي سحابه صوت أرتطامه بـ أرضنا كنّه يقول أدعوا ترى دعواتكم مستجابه .

ما يشبهك من خلق ربي ولا شي الا سماء الدوحه وهي غيم و مطر

ياغرة العيد شفتك من ورى الخصلتين يمين سيفٍ حدب ويسار سيفٍ حدب من نفحة العود الأزرق هبّ ريح الحنين وأنا على الماضي أدور على أدنى سبب والغالية عذرها مهما تغلت سمين الحب وهبة من الله والله اللي وهب ان عايدتني وقالت لي من العايدين بطيح في حضنها قبل يطيح الحطب عناق الأفواه يبدأ من عناق اليدين وعناق الأرواح يبدأ من عناق التعب فيها من الأنس مايقتل شعور الحزين وفيها من الثقل مايخلق شعور الغضب تملك من العلم و الحكمة مئات السنين لكن طوالع نواهدها قليلة أدب رقيقةٍ جيدها مايقبل إلا الثمين معها حساسية إلا من عقود الذهب

حضورك يشبه حضور الغيوم اللي تجر بروق وغيرك في عيوني له مجي يشبه مراويحه مثل حب الحضر لـ اللول أو حب البدو للنوق رسى مثل الجبل يوم الجبل ما حركة ريحه غلاك اللي بلا سبه بلا معنى بلا منطوق تمكن بالضلوع الين ما صاحوا مجاريحه قصيدً من بحور الدمع قافه يوزن الطاروق تهيض خاطر القراي بالحيره تباريحه بتبقى ما بقى للشمس من شرق الحياه شروق " يموت الشاعر ويحيا حبيبه في مواشيحه " ولك بين العيون اسرار و لك بين الضلوع عروق متوهه من يحبك بين تصريحه و تلميحه مشرع لك ضلوعه وجد و معليّ مقامك فوق و أنا قلبي قليل اللي خذوا نسخه مفاتيحه انا اللي كثر ما همّل حقوقي كم عطيت حقوق ولا ابيّح خطاي و من خطا في حقي ابيحه كأن صدري كثر ما سيرت صوبه ركاب الشوق مضافه حاتم اللي قلط ضيوفه مساريحه ولا كني قبل ما اوادعك وادعت لي مخلوق يا قلبً مال قلبي وين ما مالت تلاويحه

أنتي أنقى من كَحل عين ولبس جنبية وأقرب من الناس لو بيني و بينك فرقا وأنتي العيد و طراة العيد و العيدية والعفيفة والشريفة والرقاق الطرقا عشرتك ماهيب منسيّة ولا مسليّة وين ما أحوّل تحوّل وين ما أرقى ترقى عاد صوتك فـ أذني و عاده ألذ أغنية وعادها طيوفك تخاطفني لا ناحت ورقا وعاد صورتك برموش الذاكرة محميّة وعاد في قدرك مقادير الأوادم غرقا وعاد لك في صدري شْعورٍ ماهوب شوية أكبر من الشعر و من القاف "إيّه و ارقا" الوكاد إن ضاقت الدنيا ، وروحي حيّة إدري إن لك على قلبي يا قلبي مَرقا أنتي جاهيّة ما تحتاجين للجاهيّة وكل راسٍ عند راسك ينحني و يعرقا

وانا عيديتي في شوف شخصٍ معين الحبيب اللبيب ،، اللي وساع عيونه اطرق في نهار العيد يوم يتزيّن ودك تعاااايده وتعايد الي يجونه

العيد باكر أسعد اللّٰه ممساك والله مدري وين خد لمسته وين أنت ياللي عيدنا في محيّاك كف القدر من ضيقة الخلق بسته شريت لي ثوب على شان لقياك والثوب راحت موضته مالبسته

ياوليف الروح مع غيبتك ويش اسوّي العذر ماعاد ينفع و الوله متمادي احسبني طابت جروحي واثرني توّي في ملذات الهواء لا زال قلبي غادي قبل ماعرف الغرام و سيرته يا قوّي ومن عرفته لو اجيب العيد عندي عادي ياحبيبي من وصوفك كل شي يغوّي صرت أهيم بـ كل حاجه خل عاد الوادي ليت عندي صبر و عزوم و جهاز مقوّي ودّي ارفـع معنـوياتي و أزيـد عنـادي (: لو في صدري منصات الدفاع الجوّي كان مااستهدف سهم عينك صميم فوادي :)

شعور الحنين اللي يجي كل ليلة عيد يلخبط شعور الفرحه اللي نصايدها يصوّت ضميري فـ الحشا كنه بن مهيد على الطلّه اللي فـ اول العيد فاقدها حلالاه ياذاك المعنّق و ذاك الجيد اليا علّقت فستانها و نقشت يدها :)

البروق تلوح وانتي تفلين الجديل منظرٍ منه الهواوي يطير مع الهوى الهلال اللي تعلى على الطرف الكحيل أستحى منه الهلال السماوي وانزوى لو تشيلين الغطا من على الوجه الجميل أعلنوا لـ العيد والعيد باقي ما ضوى

عاد عيد اللي وجوده لذة العيد السعيد " جعل زوله ما يغيب وكل عام اعايده ".

شوفك صباح العيد ومقابلك عيد وانتي عن الترفات دايم فريـــــده تزيني بالعيد يا قايـــــــــد الغيد وخليني اكتب لك قصايد جديده

اللي لها بين الحنايا مداهيل ام الجمّال مخيبت من رجوها طرقاٍ لا لدت بالوساع المظاليل ياقشر والله حظ من طالعوها ودي بشوفتها وانا حرص بالحيل والعالم اللي عندها ضايقوها عايدت ابوها قبل كل الرياجيل و لو لا الحياء عايدتها قبل ابوها :)