عـقوبة الرشيـّدي . .🫂 

﴿فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ﴾

أنا الكامل بنفسي ماتكملني ولاممكن تنقص قيمتي هالناس ولاغير العواطف شي يصغرني وهذي بلوة اللي خاطره حسّاس تعلمت البرود اللي يكبرني ولاعاش الشعور اللي يقود الراس ولا عادت عيون الناس تربكني أعاملهم مثل ما أعامل الوسواس تراضيني الليالي لو تزعلني تجي دايم بدايات الأمل من ياس . .

الكلام اللي يحشرك وسط صدري ما توصّل قيمته .. عمق المعاني يا حبيبي .. أدري إن ما عاد بدري لـ الكلام اللي على .. طارف لساني لا تقول إني جرحتك وأنت تدري إني المجروح ، بس بـ شكل ثاني مستحيل .. إنك ، تْميّز كبر قدري وأنت ما حطّيت نفسك في مكاني . .

ماعاد عندي يقين ان هقوتي ما تخيب بارت ، وأنا أقول من زود الثقه ما تبور بعض الهقاوي تصيب وبعضها ما تصيب مثل الـفشق شـيٍ يكذب و شـيٍ يثـور رغم الثقه تعتريني شكة المستريب و أقول جعل اللّيالي بالجهل مـاتدور يا وجودي إن عود المألوف مثل الغريب ذي والله الحاجه اللي تستفز الشعور . .

الليالي موحشه والفكر متشتت وتايه انتهت كل الحلول وعزلتي مخرج طواري والله اني مرهق ومتعب بما فيه الكفايه بس اقاوم قسوة الايام من خوف انكساري الرضى والصبر واجب والفرج مطلب وغايه والامل يحتاج عقل مولي وقلب انتحاري . .

ياحمامه فوق غصن الورق نوحي السهم في جعبة الصياد صدا اهدلي لين انجبر وارد روحي تعرفيني لا اغدر ولا اتردى انكسر ساقي على مفرق طموحي وانتضرت المنقذ و مر وتعدا ودي القى فرصه اضمد جروحي يعلم الله اني " استنزفت " جدا . .

ما الله كتب لي بالدنيا حظ ولا نصيب الواقع أصدق .. من يا ليت ، وربما حتى لو إن إحساس قلبي ما يخيب سفك الشعور أشد من سفك الدما والغيمة اللي تاخذ شوي .. وتغيب ما تغري ألا .. الميّتين ، من الضما . .

مازلتُ في بحر الشتات مسافراً والى الشتات تشير كل جهاتي . .

يمر الحزن في داخلي و يبتدي المشوار و أنا أدري مشاوير الحزن مالها خانه توردني أبواب العتب و أقبح الأفكار و طاري العتب منهو يبي يصك بيبانه سلكت الطريق الموحش و قلت لي الأقدار الأقدار ماهي عذر للجرح و إحزانه . .

إذا كان ( الخطأ وارد ) يضيع الصح ياكثـر اللي ( لقـوها ) للخطأ تبريـر تموت الرغبه إن جـاء بالمحبه شح و تموت الكلمة إن جاء ردّها تأخير حـبيبك مو حـبيبك لابغـاك تلـح و كلامك مو كلامك لو يبي تفسير وإذا حسيت مو هذا مكانك؟ رح ترا بعض الجلوس أحيان مابه خير . .

تفاصيل شخصيتي لو اخذ عليها زوم يجوز اكتشف لغز التناقض ولا أحلّه غموضي يوضحني وصمتي سوالف قوم ورحيلي .. بدون عتاب و أسباب و أدلّه تكاثرت خذلاني و قفّلت باب اللوم ملامي على روحي وصبري على حله من العمر كله ما اعرف كم باقي يوم لكن جعل باقي يوم يسوى العمر كله . .

فيني الهدوء اللي سكن فيه الازعاج نرفز حدود الصبر و اجتاح حدي سجين فكر و غفوة عيوني علاج واللي بـ ودي ماهو بكيف .. ودي انام وابني في سما احلامي ابراج واصحى وتصحى عيون الايام ضدي محتاج اعيش العمر ماني بـ محتاج و لو باح سد الناس ما باح سدي . .

اليوم خذ راحتك بس الوعد بكره الارض تكشف خوافيها لدايجها عن صدة الراضي وعن جية المكره تنبيك الايام لاحجت حجايجها سريرة الآدمي تحت كنف ذكره نار يكافح لجل صيته وهايجها ياطيب هقواتك ولكن على فكره فالغالب الناس عبادة حوايجها بتعيف ماتشتهي وتحب ماتكـره هذي هي الطيبه وهذي نتايجها. .

من لايعيش العمر سامي ومتغاضي ماهيب دايم ضروف الوقت خادمته كنز القناعه غناة النــفس للراضي يعــيش دنياه فاهـمها وفاهــمته ومسببٍ زحمته في الشارع الفاضي لايلحقه شك بـإن الناس ضالمـته من لا تعلم من الايام فـي الماضي ايــامه المقـبله ماهـيب راحمـته . .

أنا طيب ، وأحب اللي يحب الطيْب وأحب اللي .. يبان الطيب بـ فعوله اقدّر كل من يستر خطا ، او عيب و اسامح كل روح و نفس بـ سهولة و ابد ما أظن لان الظن دوم يخيب اعشم خاطري بـ الخلق .. وشهو له عساني لين ما اعدّي سنين الشيب بسيط بـ كل .. ما أسويه ، و أقوله . .

وازرع الطمأنينة بجوف قلوبنا يارب . .

"مالنا عمرين عيشوا الحياة بـ سعه" . .

العلاقات ليست قسمة ونصيب اللقاء نصيب ، أما الإستمرار إختيار . .

من عف كف ومن تألم تعلم ومن عاش بالواقع ماتغريه الاحلام ما يندم الساكت كثر من تكلم ولا يامن العاقل صواديف الايام . .

احس الصمت بعض احيان يشرحني وأسمع منّه احيانا كثير أجراس تصحّيني ، توعيني ، تنبّهني تقوي الباس قبل اطيح بالـ لاباس احاسيسي بعض الاحيان تذهلني وبعض الاحيان ودي اني بدون احساس اعرف الناس كثر ما الناس تجهلني وهذا اللي وقف بيني وبين الناس . .

عليك السلام ورحمة الله والرضوان ياقلبٍ تعب واخفى عن العالم أوجاعه يذوق الالم ومكابد الضيق والاحزان و لا يشتكي لو تلوي الضيقه ذراعه ㅤㅤㅤㅤㅤ توشح بصبر ايوب والصمت له عنوان ولا غيرت ضيقات الايام بـ أطباعه . .