سُ .

سوف يأتي يوم لا أكون معكم وسوف تدخلُون هنا لتقرأوا ما كتبت فإن وجدتم ما يؤجرني انشروه، وان وجدتم ما يؤثمني فأتركوه.

« اسكنيني وانتي من اللي ما يمر الارض زيك نجمةٍ من هالسماء طاحت على راحة يديني »

على مفرق طريقين , الرجوع وسكة الغياب تخيّرت الطريق اللي عسى ما يشبه الرجعه تبعتك لين ما جف الحنين وماتت الاسباب ولا باقي سبب عندي يحرصني على الجمعه تعبت من الوعود من الكلام اللي يجي جذاب عرفت أميز الواضح من المبني على خدعه تمللت الشروق اللي .. يصوّر لي أمل كذاب قدرت اوصل لساعات الغروب بلا أثر دمعه تعبت اوقف على بابك وحولي بالمدى أبواب تثاقلت الوقوف اللي يعطلني عن الطلعه سبقت الوقت لا يسرق هناي ولـ الزمان انياب وقاومت الشعور اللي يدوّر لـ الوصل شمعه طويتك حافظ الصفحه ممله والسنين كتاب كتاب العمر عنوانه نغيب ان ضاقت البقعه فمان اللي كتب بعد العمر هذا نصير اغراب ولا به شي يعطيني على وصلك ابد دفعه فمان الشوق والذكرى واماني لمة الاحباب فمان الله وخذ حبك معاد الصدر يتسعه .

راح وأنتقلت كبار الذكريات إلى جواري الجوار اللي ما عمره قصّر بتقدير ضيفه إعتدالاً دامني حبيت ماهو بـ إختياري بالقليل يصير فرقانا قرارٍ بالنصيفه يوم عانقت الطيوف ويوم خاويت المساري صرت أقول شلون كنت أقول ذاكرتي ضعيفه بين صوته من يميني وبين وجهه من يساري لا يطيحني .. ومثلي طيحته ماهي خفيفه لو أبنسى ؟ له بكل فصولي الأربع طواري هو ربيع العمر مدري دفوته مدري خريفه من مبروز لي ملامح ضحكته في جداري ؟ وكيف أبعتذر لجرحي منه وأعذاره سخيفه وكيف بقنع دمعي أن اللي حصل ماهو قراري وعيني اللي سيّلت ماها عن ذنوبه كفيفه ما بقى تبرير .. يا صبرٍ تحملت إنتظاري الغياب فراق لو غلّف معاذيره بزيفه من عرف وجه الشبه شاف البحر مثل الصحاري كلها موت وضما ذبّاح وأهوالٍ مخيفه لو عطاني من جميل الوصل ما رد إعتباري كان قلت إليا قطع جمايله عني بكيفه بآخر المشوار بستر عبرتي وأسدل ستاري وآخرتك الموت يا جرحٍ حياته في نزيفه ودي ألقى للفرح سكه ، وللبسمه مواري لكن الصدمه قويّه حيل وضلوعي رهيفه .

يا غايبه — ماني مثل ما تظنين ما علموك أخباري ؟ وما دريتي ؟ إلى متى وانتي تجين وتروحين إلى متى وإلى متى .. ما رضيتي ؟ رحتي واخذتي كل شي قبل تمشين قولي وش اللي بي بقى ما خذيتي ؟ كنت اتضايق كل ما انتي تضيقين واستصغر الدنيا لا منّك بكيتي وكانت خطاويي من القلب للعين في قلبك وفي عينك البيت بيتي كنت اسهرك دايم واحبك تنادين إسمي .. وألبي لك متى مادعيتي وكنت اسمعك واقول لك وش تقولين ؟ عشان امتّع مسمعي لا حكيتي وكنتي تحبيني .. وكنتي تخافين من وحشة دروب المفارق نسيتي ؟ ودار الزمن والحين وينك وأنا وين معقوله اخترتي الفراق وجفيتي ؟ أكثر رجل ماهو يحبّك تضيقين ضيّقتي الدنيا عليه .. ومشيتي ليتك عرفتي يوم حَبّك ، تحبين تدرين !! لا داعي لـ ليتك وليتي غيبي على كيفك ولا عاد تاتين ماني حبيبٍ لك متى مابغيتي .

معاي من الحزن شي .. يروّع قلبي الخوّاف واذا ماعشته الليله ؟ بعيشه بعده وبكره ثلاث سنين مرتني ما بين الظلم والإجحاف اعيش بـ معظم ايامي على نار وعلى جمره انا بي روعة ما تفيد فيها الطبّ .. والإسعاف ولي قلبٍ على كثر المتاعب ما فقد صبره .

شعوري يوم أحس إن النصيب أقوى من الاهداف شعور اللي تصيبه في ضلوعه — طلقة المحتل . - عبدالله السراهيد

حبيب الروح والفجر البعيد .. يقرّبه طاريك تناقضت الشعور وصار يا صعبه ويا هونه تناديك المسرّه يوم لحظات الحزن توحيك سراك العشق ليلٍ تزدهر صحراك بـ مزونه وإذا أشرق صبح ماجاد بهواك ولا تسامى فيك بعيش العمر في رجوى الصباح اللي يطرّونه .

هذا نصيبي من الايام .. من صغري احيان اقوى الحزن و احيان ما اقوى لو تدري الناس ويش اشيل في صدري ما عاتبتني على شغلات .. ما تسوى .

حقيقة غلاك أكبر من الظن والتخمين تهون الجروح .. ونظرتي فيك ما هانت مصير الزمن لا دار كانك من الحييّن ؟ بعلمك أنا وش كنت والناس وش كانت .

يا سرابٍ تنتشيه الروح وتعيشه حقيقة يا مساءٍ في جبينه يرتوي ليل الجدايل اسمحي للشعر يمطر خاطري ما بل ريقة اسمحي للحب يبقى مثل اساطير الاوايل جرّديني من حنيني .. والمعاناة العميقة واجمعيني في سكون الليل واطراف الرسايل كيف اعدّي كل ذكرى تردف الضيقة بـ ضيقة كيف اعاتب كل دمعٍ قامت عزومه تمايل ؟ صوتك اللي صرت اخافه كيف انامه واستفيقة كيف أبادلك التجافي والجفى ماله بدايل شاعرك ناحت شجونه في معاليق الخليقة ليه رمشك لا هداه الله .. ولا رد الجمايل .

ما يقول اللسان اللي تقول العين في عيونك كلام .. وجرح ما يبرى ادري اني صدفتك بس مدري وين ؟ طاب لي في ملامح وجهك المسرى لو تخيرني الدنيا .. مابين آمرين بين عقلي وقلبي ؟ قلبي الأدرى مجريات الليالي والزمان الشين تمحي الذاكرة ما تمحي الذكرى .

وش يحدك للقطاعه عسى الله يهديك ؟ في غنا عن كل عبرة ودمعه في غنا ادركيني بالمواصل ترى قدني دريك لا تخلين المولع على رجم العنا الغلا اللي يوم رحتي على حطّت يديك ؟ يمكن تعودين بكره .. ما تلقينه هنا .

والله إن وجهك يقوّيني على ظروف الحياه أشهد إن المرحبا ماهي تساق .. إلا عليك . - ❤️❤️❤️ُ .

هلابك .. كثر ما ماتت جروح وزانت أخلاقي حسافة عمري اللي قد مضى لي ما عرفتك به تسند بي وأنا أصدق من ظنون الخايف الهاقي وتعال وموطنك صدري إذا حسيت بالغُربه .

احمد الله واشكره والادمي وش ودّه ؟ غير سيلٍ تحت رجلينه ، ووبلٍ فوقه السحابه تنطح الاخرى وهي مسودّه والسماء ما كنها الا قربةٍ مشقوقه . - ناصر الحمادين

يا ليت لـ الفرقى قبل تأتي ؟ نذير حت اني أخذ حذري من اللي جرى ولا أمر من فرقى العشير من العشير إلا الممات اللي – يعد ويذكرى – كوتني الفرقى على الضلع القصير وآظني اببطي — وجرحي ما برى . - أحمد عايش الميموني .

تغيّر كل شيٍ تحفظه الليالي — غير : غروب الشمس ما زال الوحيد اللي يغربني .

ذي صورتي يوم الامل له كذا باب يالمستحيل اللي معه نشف ريقي يا حلمي اللي قيمته روس الاحباب شاحت بك أقدار الزمن عن طريقي خذيت لك كل الوسايل والاسباب واقفيت عقبك لـ المصير الحقيقي .

أنساك يجرحني المساء واذكرك ينهار الصباح لا لوّحت ذكرى الغروب ولا اشرق النسيان نور مدري الوله صان الشتاء والا الشتاء خان الوشاح ؟ مدري الندم حبّ الشعر والا الأمل عاف الشعور آتوه يغريني السراب .. أيأس ويردعني الكفاح ارحل يناديني الشغف وارجع يرحّب بي الفتور من وين ما وجّهت وجهي في طريق القى الجراح تسبق خطاوي سجّتي وتصافح عزوم العبور اللّٰه لو بيدي عصى موسى أو لـ روحي جناح ما كان يمنعني المدى عن يوسفي ما يزور ما عاد في صدري دروع و لا على يميني سلاح لله أنا .. ليه التكبّر ؟ والتغطرس ؟ والغرور ؟ ما ضاع من قلبي تعب ما دلّت الروح ارتياح كل التفاصيل تتشابه حيل والدنيا تدور حاولت ابيّض نيتي واقابل الظُلم بـ سماح والله ( يَعْلَمُ خَائِنَةَ الْأَعْيُنِ وَمَا تُخْفِي الصُّدُور ) أزريت اصلّح غلطةٍ راحت .. واثاري العمر راح كل ما اعتذرت يردد الماضي ترى ما انت معذور ما طاحت دموع السحاب اللي يشيل الدمع طاح يا ربّي اغفر لي وسامحني على سنين القُصور خلاص ابرخي قبضتي واترك شراعي لـ الرياح سلّمت اموري لـ اللي بـ أمره تساهيل الأمور .

حتى ولو مالي على الدنيا شبيه ما راح تفقدني .. لو انك عفتني َ وزعت نفسي في الاماكن والوجيه من وين ما لقيّت وجهك شفتني .