سعيد آل نابت الشهراني 🇸🇦

لولا الرجا اللي عليه نقول بكرة تزين يمدي غدينا من الواقع حطام ورماد لكن من صدوف بقعا جعل ربي يعين لا بد يقفى سموم القيض لفحة براد

لا تخلي فرحة اليوم رهن الاعتقال تحت رحمة خوف بكرة وهقوة من هقى اغتنم حاضرك ما دام مشرابك زلال ما يعرف الادامي كمّ من عمره بقى دام دورتها علينا مثل دور المحال انهب من ايام الافراح لايام الشقا سعيد ال نابت

ما آغَبط لو قلتها لي هوامير البنوك عقب ثروة حبّك اش عاد في دنياي ابي لو تقول احبّك .. استحقّر عروش الملوك وصولجان وخاتم وتاج داوود النبي

يا غرامي من لقى منّك الوجه الضحوك غانمٍ دعوة صحابي وبشرىً من نبي والله ان ركاب شوقي على بابك بروك لو تعقّل بالسلاسل تجي صوبك حبي اه من كلمة لو تقولها .. لا فض فوك طرت بين السؤدد الفخم والمجد الأبي

زهّبت لي بندق غلاك وعذابك وحطيتها لي في الضلوع السخيفة وقمت اتخثّع وانت حضرة جنابك لاهي عن جروح الفواد العنيفة تضحك ومتهنّي وعايش شبابك وصدري مثل دقل الاصايل وحيفه طال الامد فيني وانا انقل صوابك لا مت منه ولا توقّف نزيفه

يا صباح الخير يا سيد ربّات الجمال والصباح اللي بلا شوفتك ما فيه خير يا غرامي من كسب حبّك السحر الحلال مرضي امّه ليلة القدر في الثلث الاخير ومن كسب له غير حبّك خساراته جلال لو نفوذ ابن جلوي معه وسعود الكبير ومن خذا قرطوع من ريقك العذب الزلال انقطع منه الضما لين ياتيه المصير

يا راعي الدعج الوساع اش تبا بي عتّق فوادٍ من غرامك معبّى من طيفك اللي كل ما اشلا سرا بي في فدفد الذكرى على سرج قبّا حبّك ظهر لو كان في القلب غابي واضح لو انّه في ضميري مخبّى عشقٍ خذا من حالي ومن شبابي الين عجزوا في علاجي الاطبّاء

شوف وجهك ولو صورة مع فكّة الريق شيّ صحي يوصون ابْه كل الاطبّا خدّك بعصر نهضة قرطبة نوره يليق وناظرك في القرون المظلمة في اوروبّا والنحر والمعنّق والجعود المداليق كل ما فيك يا مملوح فاتن يا لبّى

@Abduaelah يا سلام صح الله لسانك يا بو عبدالرحمن والشك زايل والدعوى مزوح، مغير ابغى استفزك

@i_sd_ ي مرحبا وانت ساسٍ للفخر والمِرى ي شاعرٍ يقلب الجمره في غليونها انا ثيابي مثل لون السحاب ان جرى وانتو على ضنكم فيها ،، تشوفونها

اظن ما لك على اللي قلت فيك اعتراض قناعةٍ قبل رايي .. داخلك طابعه ما بين قلبك وما بين والوفاء والبياض مثل ما بين البسيطة والسماء السابعة ..

@Abduaelah يا بو شبيل الله اللي عن ضميرك درى يا شاعرٍ هقوتك ما تنقصر دونها هو سب هو مدح هو اعجاب هو ازدراء الله هو اعلم على نيتك وش لونها

@i_sd_ من اجمل ابياتك صراحه 👍🏻

لو المهر دار شهران العريضة عطيتها الاقطار من بيشه لبيش

احسب اني عن غرامك تشاليت وسليت واثرني في غبّة الغي ما حولي شلا ويش امال العالم اللي عليها تستميت واكبر آمالي من شفاك قولك لي هلا لا يغرك كان بالونْس والضحك ادعيت والله ان وضعي خطير وحياتي بالبلا

بلْيت مواترنا على خط الجبيل من عادني من دون دقن ولا شنب ما غير نشبك زام صبح وزام ليل وعزم الطموح ان بان لي ياسي قنب ما فيه شيٍ يا عيوني مستحيل اليا بغينا شي ما عنّا جنب من طال عنقود العنب كسب الحصيل واللي يديه قصار عذرب في العنب

وانا اللي احسب اني تشاليت واستصحيت يا باغي الشلا والونْس والعافية هيهات من يعوم في بحر المحبة ماهوب ببخيت لا وصله وليفه عاش وان صد منّه مات

في لوح القدر حظي بحبك شبكني شبك لا تحكم علي بجور يا سيد كل الغيد يشهد لي على حبك من الشعر سبك وحبك واخلاصي معك والليل والدمع والتسهيد احبك عدد ما قالوا عتيبة ابك ابك ابك ومَا سمّوا بني مرّة حمد وشهران سعيد

لا وا حساير قلبي ويا حسوفي على صباي اللي بحبل القلق مِس راحت حياتي بين همي وخوفي واشجاني اللي ماحد بمثلها حس تايه واصفّق كل يومٍ كفوفي مثل العمى اللي يمشي الدرب بالعس من ثقل حمل القلب صعبٍ وقوفي لمن له اكشف وش وراء خاطري بس؟

عزاه يا عيني اللي مشقيتها الدموع لا واحلاله يا نوم الهنا والهدو لاسدل ظلام المساء في الجو صمت وخشوع تقول وسط الصدر لجة مقاطن بدو حسايسٍ صوتها في وسط صدري يروع منها على القلب وسمٍ مثل رسم السدو كنه يضايق ممرات نفسي في الضلوع شكايرٍ حطها العسكر لجبهة عدو

انا بحبك يا الغضيّ آتباهى ومن دونك اموت وعلى ذكرك اعيش حتى لو انا في القشر ما نضاها صرنا تحت سطوة غرامك دراويش

يا ماخذ من المعلوق قسمك وقسم الغير على باب حبك غربلتني مباريكي جمالك سحر ما يوصفه قوة التعبير شيٍ فوق تصويري وقدرة مداريكي نحرك وجبينك جوك من حقبة التنوير وشعْرك في عصر الفاتيكان الكثوليكي

بعد جيتني مبسوط ومروّق وطربان اشوف ان كنّك عن حديثي معك جازع لا تشره على اللي طوّقه عسكر الاحزان وقلبه من اللي فيه كن يمزعه مازع ما عندي لك الا ضيقة الصدر يا كحيلان لو انّك بهقوة سلوتك جايني فازع لا تِقبل تدوّر عندي البسط والسلوان معك شاعر الاحزان الاول بلا منازع