ْ

- كبار الذنوب تشيلها ذمة المغتاب مثل ماتشيل علومه العز من صيته ٰ لاجات السوالف من منافق ومن كذاب اخذت الحياد وساقط الهرج خليته ٰ آجنب عن الزلات لو مالها مجناب وطريقٍ يودي للمناقيد ماجيته ٰ على كثر ماني باتخطرا خطا الاصحاب لو طويق واقف في طريقي تخطريتـه .

- ليلةٍ من طولها كنْ ثوانيها ليال ما تمر . . لو ساعتي غيَّرت توقيتها من يعيش شعورها يحسب إنّه فالخيال خل عاد اللي لا سولفت له طريتها اعتق شْعوري و أذّن وارِحنا يابلال الفجر كنّي من العام ماصليتها .

- من الممكن إن الأمّي ..يعلم الدكتور لكن مستحيل القاصر يعدل قصوره من يهوز نفسه لـ المراجل وهو مثبور مثل من يبي يمشي ورجليه مبتوره ترا الناس مثل الألف فـ الواقع المنظور هذاك ألف ممدوده و ذاك ألف مقصوره و أنا ماآكسر المرفوع ولا أرفع المكسور أحب أكسر إللي يجعل الناس مكسوره .

- مشغول ذهنيّاً ومحتاج لأسبوع بين الحرم .. والفندق اللي وزانه .

- في غرامك طحت طيحه كسير في قليب انقطع صوته وكن العرب فيهم صقه قلت مد حبال وصلك وساعدني وأطيب قبل هجرك لايعلق حبال المشنقه كل يوم ما يجيبك هو اليوم الصعيب أتحرى من بزوغه مغاييب شفقه .

- أكثر مشاريه الشجر عليك يافصل الخريف هتكت ستر غصونها وأسرفت في كلّافها .

- الى ثقلوا اللي خابر انهم ماهم بثقال وخذوا بوهة الزاري ونفسيّة الصايم فـ ادقاق الامور اللي ما تبحل بها العقّال لها ضحكة الواثق ودبّارة الشايم .

- استباحت غلطة الشاطر عواقبها الوخيمه غلطةٍ بيموت شاطرها قبل يدفع ثمنها .

- ياعاصمة نجد بنت المجد برد وسلام انتي شموخك عظيم وهيبتك مفخره تفداك روس ٍ تشوف الموت مسك الختام من دونك العمر لايغلى ولا نذخره .

- فُقت من حلو الخيال ، وعشت مُر الواقعيه لين ماصارت مرارتها على كبدي حلاوه .

- ودي بـ طاريك لكن ، يالله المستعان مع ذكرك تْطيب الانفس والليال تعمر لا تستضيقين حتى لو يضيق المكان أيامنا حافلة بـ مناقشة كل أمر إن كان ما جا لها ذكر بـ ليال رمضان الموعد العيد . . كان الله عطانا عمر .

- لا تنشديني عن الشعر و جماهيره ابطيت عن ساحة الشعّار من غبتي طلّي .. و اسخّر لك القاف و تصاويره وجهك هو الداعم الأول لـ موهبتي لا من تمعّنت في نوره و نوّيره لقيت ما يرضي غروري و تجربتي .

تعال مالي سوى طيفك رفيق و جليس و أسبوعي يمر من دونك عذاب ، و نكد ماشفت عصر الربوع و شفت يوم الخميس اتمر كنها صباح السبت و الا الأحد .

- ليلةٍ جابتك من غرب واحلامي بروك والله ان اموت ما اسج من معروفها قبل يغريك المواصل وتذبحك الشكوك عش ليالي رحلة الحب حسب ظروفها اول ايام المحبه مثل لطف الملوك واخر ايام المحبين مثل سيوفها .

- لا تحسبين الاغاني تنسينا الغياب ما تنسينا الأغاني يا بنت الباديه انتي أنفاسك عذوبه ونظراتك عذاب وطلتك فتنه وصوتك موسيقى هاديه خلي الأرواح بـ الحب ترقى لـ السحاب واعذرينا.. لو طلعنا بـ طلعه غاديه وقتنا اللي راح لاعاد نحسب له حساب توني بادي حياتي ،،، وتوك باديه .

@Alsraheed ما بقى الا انعكاس النور منه وإليه الله الله عليك يبو سعود 👏🏻👏🏻

انعكاس النور

- رضا الأب نور الوجه و الشان و التوفيق و رضا الأم أثمن مهر تدخل به الجنه .