سلطان بن عبدالله بن شامان

رمى عهد الحبايب خلفه وقال الجفى قدام تركني لأمري الواقع مابين الجرح و ضماده بدون أسباب معروفة تناسى سالف الأيام تصاغرني وأنا أكبر من حفظ له ملحه وزاده دريت أن القطيعه رغبته وأن الغرام أوهام وأنا اللي كنت أظن الحب حنا سادة أسياده

لي ثلاث سنين قانع ولا تفرق معي أقبلت دنياي وأقفت ولا ناديتها مع شعَرة معاويه هو جهل والا وعي ؟ قبل لا ارخيها ولا اشدّها .. خلّيتها والله ان بعض الطواريق بنج ٍ موضعي لو تسكّن عنك الاوجاع ماداويتها أسرحي يانفسي برحلتك واستمتعي مابي افكّر بـ حاجه قبل توقيتها

@ssaa500 صح بدنك ❤️

@i_slutan صح لسانك

نقضي العمر غربه وشوق ومتاهات اشوا من استقرار كله ضليمه من زمزم احلامي شرب وردك ومات وخلا الاماكن من عبيرك يتيمه عن كوكبي تاهت جميع المدارات وحيدوبذورالاماني سقيمه كل الاغاني والشعروالحكايات ذكرى تنبش بالجروح القديمه ياليت مابين السكك والمطارات وجهه تنسينا الشقى والضليمه

اصبر على قرصة النحله وذوق الرحيق هذي علومي بعطر العرف تممتها الغلطله اللي بلا مقصد من اغلى رفيق لو انها كبر كشب وحضن دمدمتها

السيره اللي من بياض ٍ في بياض مايحتويها لاطويل ولاوجيز رحلة وفا من يومه امير الرياض الى #الملك_سلمان_بن_عبدالعزيز

#2 اللي بصفي لقيته واقف ضدي ضاع الرجاء والتعب ماهوب مخلوفي اعامله بالوفاء .. ويروح متردي ياما لعينه نقشت الطيب بحروفي ماهو بقد الملام .. ولاهو بقدي فرقاه ما غيرت مبداي و وصوفي لي مذهب وارثه من خالي و جدي ما يقبل الذل مهما كانت ظروفي - سداح العتيبي @saddahalotaibi

1# عيني من البارحه .. تجيب و تودي ردم عليها السهر ما يكتمه جوفي اللي حصل لك يا قلبي ماهو بودي يا كثر ما ضاع عند الناس معروفي معادن الخلق عند الموقف الجدي اشوفها تختلف وانا ابخص بشوفي كم معدن فيه لمعه يصبح مصدي احسنت فيه الظنون وخالف شفوفي

( جرة الفرقا ) تراها واضحه بـ الملي ليت قصاص الاثر ما جاب علم السارق مستعد انساك ، ياللي فـ الهوى متغلي لو اشوفك عن جميع الناس فارق فارق - عايض العاطفي

اول احسب ان كل شلفا شجاعه اثر تريحيب البصيص ، تريحيب

دوك جرح : ودوك خيط ودوك الابره شفني مسلمك الامر انت وضميرك ٓ جيت لك : ما عـاد لي بـ الحال دبره لان ما يـقدر يخيط ( الجرح ) غيرك !

تاخذك الايام وتوديك وتردك يخونك الوقت وتعود على الوافي ياطول ركضي وراك وياكثر صدك ماكنك اللي سلبت العقل ياكافي محلك القلب كان ان الغلا شدك من غفلة الشوق صح النوم ياغافي اخر علومك يقولون الجفا حدك وشلون دليت درب الوصل ياجافي

وَعَلَى اللَّهِ فَلْيَتَوَكَّلِ الْمُؤْمِنُونَ﴾ اللهم اجعل توكلي عليك دائمًا، واحفظني من كل شر، ووفقني لما تحب وترضى، وكن لي معينًا ونورًا في كل خطواتي💙

عيني تبي شي .. ياعيني وش اللي تبين وقلبي يبي شي .. ياقلبي وش اللي تبا نشدت هدهد سبا عن عودت الراحلين قال انتظر لين ياتيك الخبر من سبا الارض في عين غير المهتوى ماتزين لو انها جنةٍ خضرا تصير شهبا

@saddahalotaibi صح لسانك ❤️❤️

ليه راح وكيف راح و وين راح غالي ٍ حبّه بقلبي ناحته لو فرضت انه من الحب استراح ليه ياخذ راحتي مع راحته ؟ كان وصله وصفة علاج الجراح يحتويني واستظلّ بواحته الفراق اللي مثل زرق الرماح ما دريت إلّا و انا .. في ساحته غيبته هزّت كياني لين طاح استباحت خاطري واجتاحته قلبي المذبوح بالسمّ الذحاح ما سمح بالثار من ذبّاحته

صافي الجو مير البال ما هو بصافي کن باقصاه ريحٍ عاتيه مستبده فيه رجوی وليف و فيه نخوة سنافي و فيه شيٍ جديد و شي من قبل مده كل ما جيت ابارمي بعض الاشيا خلافي استحي لا يقول الهم ماني بقده ما يهاب الثقال الا الرجال الضعافي لا تذكرت هذي ، قلت مافيه صده

الموت حظ القلم والمجد للدفتر حبر القلم غلطتي وايامي اوراقي الخوف يجتاحني وجه الطريق أسمر راح اكثر العمر ياخوفي على الباقي

ياقصيدي كان الأشعار سادات وعبيد والله انك من بحورن عريـبٍ جدهـا ماتقاود مهرة الحرف للقلب البليد ياقصيدي خذ رسنها وخلك قدها

تسولف يا ابو رايٍ محد قال لك تبديه تشوف وتحسب الناس ماهي بشوافه كلامك مع اللي لاتخافه ولاترجيه يبي يختلف لاصرت ترجيه وتخافه @bdweesh

يفداك هيكل رجل بالكبر منفوخي لا مرّ طاريه حلّت معه والخيبه أنا ما اجامل ولا اقبل ماسح الجوخي الطيّب اقدّره .. واقول يا طيبه

@ben_dhim صح لسانك والله يرحمه ويغفرله ويسكنه فسيح جناته ويعظم اجركم فيه

مرثيّه في والدي دحيم بن خزام بن لافي الجذع العتيبي اسكنه الله فسيح جناته وانزله منازل الابرار والشهداء والصديقين اسأل الله ان يجمعنا به في جنات النعيم .. ترا الحياه الزايـله عدة أيام .. لو خازرة ( بعيونها مسفهلّه ) !! ' دارت على صدام واخوان صدام واستفحلت واشتالت الحكم كله . المرثيه الثانيه غداً في نفس التوقيت :