مع السلامة لا تبرر خطاك
ما عاد لي في طاريك رغبة ولا شوق
كنت السبب في جرحي اللي بلا حدود
واليوم راحت قيمتك غدت غريبه
خذ ذكرياتك وأرحل بدون وعود
ما عاد في صدري محبه قريبه
ابعد ترى درب الموده نساك
وانت بقلبي مثل وهم محروق
مع السلامه واعتبرها جزاك
نهاية تليق بوجه مخنوق
يحيّـا حياته فارقٍ ماله أشباه
لو قلدوه الناس . . ما ينتشبّه
سهله تمرّه لكن صعبه تعـداه
تبقى بذاكرتك و ساويس حبّه
أكثـر ما قالوا في صواديف ملقاه
" عـز الله إن اللي مربّيه .. ربـّى"
الوقت..لو غيّر مفاهيم وطبوع
أبقى الذّي ما غيّر الوقت طبعه
يوم الليالي جفوة أحباب وربوع
"ما بار بـ أحبابه..ولا خان ربعه"
يا اللي تشوف العمر تابع ومتبوع
أنا أشوف العمر موقف وسُمعة
على البال ياللي كل مامرني طاريك
بدت كل تنهيده تمارس هوايتها
أنا لو ينسيك الزمن ماني بناسيك
محبتك قصه ما اقدر اكتب نهايتها
لو الوقت يرجع قبل اعرفك وقبل اجيك
وقبل الهقاوي تنثني دون .. غايتها
بـ اروح انتظر فـ أول مكانٍ جمعني فيك
و بـ اعيد تجربتي معك من بدايتها
