خلي البيوت العامره بالناس
ولا تسكنين الا قفص صدري
ما شفت شيٍ يخطف الانفاس
الا ابتسامة وجهك البدري
العين خدرا كن فيك نعاس
حتى لو انك قايمه بدري
الجانب العلوي يجيب الراس
وشلون عاد الجانب الحدري ؟
اقري على الزين الفلق والناس
يمكن تصيبك عين ماندري
- جمال بندر .
حي الله اللي يغيب ويسرع الردّه
الي يجيني الى منه تباطاني
قلبي يودّه و حالي كنها القده
ودّي بشوفه ودونه حوم عقباني
يا صاحبّي جارك الله وش هالصده
مهوب حقً تولعني وتنساني
