وَذف

اكيد لله حكمة في شعوري اكيد لابد بعد السحايب مايهل المطر مابين قلبً خجول .. وبين عقلً عنيد ان ما تمشيت فوق الشوك دست الجمر مكتوب ليّ أتامل وأنبهر من بعيد ما أقدر اوصلك و لا اقدر أصد البصر مابيننا غير قصه من خيال و قصيد " بالضبط مثل البني ادم وضي القمر"

نخاف بس الفرق بينك وبيني تخاف تذكرني وأنا خايف أنساك يكفيني من الصدق "رعشة يديني" ويكفيني من الحب طيفك وذكراك أوعدني تنساني بـ زيني وشيني وأنا أوعدك لو مانسيت أتناساك محتاج أعيش اللي بقى من سنيني ما أفكر بـ وصلك ولا أخاف فرقاك

ياربي اسألك .. المعونه والثبات على الظروف اللي تجي متراميه واسالك عفو ومغفره قبل الممات تنجيني من نار العذاب الحاميه ما عاد عندي قدره المّ الشتات رغم ان عيوني من سنه متعاميه ومهما تصد العين لا زال السكات ما يقدر يداوي الجروح الداميّه

" وش تبي بي ماوراي الا الضياع وذكريات من ربيع الى ربيع لاتغرك مفردات الاطلاع فلسفاتٍ جبتها من كل ريع الغرام اوهام والدنيا متاع لاتتبع هوى نفسك وتضيع عن ذنوب الوصل خيرة الانقطاع خيرةٍ لك وانت تسمع ماطيع "

عيناكِ الصدقُ فيها مُلهِمي لكن قلبَكِ كان بي ابريلا شرعتي للترحالِ شخصًا جارحًا أيقضتي عزمي بكرةً وأصيلا وبرب إسرافيلَ إني راحلٌ ولعزتي لا أفهم التأجيلا علمتك أن الرحيل مناهجٌ والحُرُّ حرٌ والذليلُ ذليلا مع كبريائي لا أُطيل غزارتي أمشي طريق الهجر ميلاً ميلا وأخوض معركتي وقلبي ضاحكٌ متسلطٌ لاأرفع المنديلا

🌤️

اغيب وأبعد وأنشغل وأحاول انسى مانسيت ماتنسى ذكرى السنين اللي معك قضيتها حاولت كم مرّة وكم مرّه ولكن ماقويت حتى لو ان ذكراك مامرّت علي مرّيتها وشلونٍ وأنا كل ماتطري علي متّ وحييت لو انّ معي قدره على نسيانها نسيتها

لا على عيني غشاوة ولا وجهي قناع مقتنع في حجم علمي وفي حجم جهلي البشر فيهم هوامش ومن سقط المتاع ما لهم تأثير واضح على مستقبلي والحياة ومجريات التلاقي والوداع خضت لي فيها تجارب و جيت بْما يلي يوم فضّلت انعزالي على كل اجتماع أسترحت وصارت الراحة ألزم ما علي

ولعلني رغم احتياجي أنطوي وألوذ بالصلوات والخلواتِ النَّاسُ تهجرني لعيبٍ واحدٍ والله يقبلني على علاتي نسَقت ألف قصيدة في فهمهم والله يعرفني بغير لُغاتٍ الناس عن وجعي ستغمض عينها والله داوى موجعي بأناةِ

اللي يخاف يموت ! ما يقدر يعيش ترى الحياة .. تخوّف أكثر من الموت

تنطحت ميلات الليالي وانا رجال همومي ورا صدري وحلمي على كتوفي تحت رحمة اللي رحمته مالها مكيال يارب العباد تحقق اللي ورا جوفي لا زادت ظروف الوقت والحظ الاقشر مال نصيتك وانا هقواتي اكبر من ظروفي

عايدت ناسي وربعي واغلب الشلّه واللي ماادانيه صادفته وعايدني الا انت اللي غيابك خارج الملّه لاجييت صدفه ولا ناوي تعايدني ؟

ثلاثين ليله وانت ماقلت كيف اصبحت؟ تبعثرت عقبك ما طرالك تجمعني! شقى واشتقيت وللمخاليق مالمحت قروك بعيون للسهر منك تقلعني وانا ان شكيتك لأقرب الناس وان وضحت لقيت الاجابه منه لاغاب وش يعني انا اكذب عليك ان قلت ياذا البعيد انزحت على كثر بعدك يمك الشوق يدفعني !

لي رفيقٍ له غلا مخصوص من بد الخلايق أفرح بزوده ورفقتنا على مذهب وملّه إن بغيته في لزومي ساق عمره دون سايق وإن بغاني في لزومه يعتبرني مثل ظلّه 🤍

ابكي وداعك ولا ودي تشوف الدموع ياللي وداعك علي اقسى من ايت وداع اللّٰه كتب تنتهي العشره وتطفى الشموع مات الأمل في رمال الياس والحلم ضاع ودعتك اللّٰه ولا ودي تجف الدموع ياللي وداعك ما بعده في حياتي وداع - وبران ال كليب

تبي الصراحة توقعتك تعايدني ماكنت متخيل ان العيد ما جابك كنت أحسب أنك ولهّت وحيل فاقدني ما كنت متخيل إني أرخص أحبابك ماجابك الشوق يوم انك تواعدني شلون تبغيني اوقف على بابك ؟ يجيبك الشوق لعيوني وتسعدني ابرك ولا تجيبك الحاجه من غيابِك

كنت اقول اني لو تضيق الوسيعة ما اضيق واكتشفت ان بني آدم ضعيف ولو قوى كل ماسقت القدم يمّ السعة ضاق الطريق وكل ماحطيت رجليني على الدرب ألتوى امتلت عيني من الماء وفي صدري حريق والطعون اللي من ايدين الحبايب مو سوى والله اني كنت أدف طويق واطيح طويق لين صرت اطيح لو يلفح طرف ثوبي هوا

كل عام وانتم بخير ❤️

العيد جا وذكراك بقلبي سكون تمرّ لحظاته واسمك يمرّ فيني ما عاد لي في قربك نصيب أو ظنون بس باقي إحساسك يعيش بسنيني كل عام وانتِ بخير لو غبتِ عني يبقى غلاك اللي تغير مكاني

الثلاثاء ٢٨ رمضان ، وبعد يا فقيّد الرُوح باقي ثلاث ايام والرابع العيد وانا على جمر الجفا بـ انتظارك خوفي يجي هالعيد ضيق وتناهيد ويروح دون تقول عيدك مبارك ! « عيدي ترا بلياك ما يعتبر عيد »