من متى كانت أجابتنا على قد السؤال
ومن متى كانت سوالفنا سوالف بارده
ومن متى الوعد يتأجل ويتاجل الإتصال
ومن متى اسولف على عينك وعينك شارده
ومن متى كلمة أحبك شهر كامل ماتقال
تكسر جناحي من عنادك وأنا اللي فارده
للأسف كنت الفراق أشوفه أقرب للخيال
صرت أشوفه واقعي جدا وفكره وارده
أنا ما تغيرت
بس والله أحس ما عاد باقي في داخلي شيء ممكن أقدمه لأحد غير المواساة والكلام الطيّب .. أما مبادرة أو بناء علاقة من جديد ما عاد أقدر، حتى لو ودي
ما أحب مبدأ لا تعطيه أكثر من غلاه عشان لا يتغلّى عليك، ولا أحب الناس اللي فعلاً تشوف نفسها أوّل ما يبان غلاها بعيونك، ما أحب أجلس أداري وأكتم وأخاف وأحسب حساب خصوصًا مع شخص أحبه.. أبي أفيض أبي أمشي وأعبر وأتكلم بمشاعري، وأبي مشاعري تتقدّر وترجع تفيض أضعاف تجاهي
تطري عليّ وأشتاق لك وأتمناك
وألقاك حلم من بعض ذكرياتي
أنا أدري إني صرت ماني بويّاك
لكنك أحلى حلم مرّ بحياتي
من عاشرك ما ظنتي بيوم ينساك
مهما تغيب تكون لي مثل ذاتي
وأصعب مواقف دنيتي يوم فرقاك
فيها عرفت إنك تساوي حياتي
