Emado

شباب ورب كعبه البي سي مو مال تختيم العاب هو حق دسكور والعاب اونلاين ومحاكيات تجربها ابو ٣٠ دقيقه تصور وبعدها تقفله عكس السوني لعبه ورا لعبه نفسك بس تلعب والله

استغرب من بعض اللاعبين!!! - يشتري ألعاب من ريجن لا ينتمي له ( اوكراني / ارجنتيني / الخ.. ) عشان سعر الألعاب ارخص - ما يدعم المنطقة بمبيعات الألعاب - نسبة كبيره منهم ينزلون الألعاب الجديدة كراك ولسبب غريب يزعلون اذا الألعاب الجديدة مافيها لغة عربية!!! الموضوع حساس للبعض وفي اسباب كثيرة ليه الناس تسوي الامور هذي كلها لكن خل نكون واقعيين ، موضوع تعريب الألعاب أخيس موضوع لان صارله 3 سنوات كل 3 أسابيع يتكرر وتسمع الناس تقول : "ليه اللعبة هذي مافيها تعريب من الشركة!!!! ما راح العبها" او اذا لعبها يقيمها 6 من 10 ويقول لو فيها عربي اعطيها 8 من 10 ياخي لو الشركات تشوف ان المنطقة مبيعاتها عاليه و في إقبال من العرب على لعبتهم والله العظيم الألعاب راح تتعرب بكل سهولة في حال اذا لعبتهم ما انمنعت من الجهات الرسمية في المنطقة لأن الشركات يهتمون للفلوس و المبيعات مافي فلوس 💵؟؟؟ مافي مبيعات؟؟؟؟ ما راح تشوف اغلب الالعاب متعربه ما تسألون نفسكم ليه العاب نفس فيفا و كود و رزدنت ايفل و بعض حصريات سوني فيهم تعريب؟؟؟ لان مبيعاتهم عاليه بكل بساطة اذا المبيعات ما ارتفعت مالنا الا الناس الي يعربون الالعاب تعريب احترافي و قاعد يسوون كل الشغل هذا مجانًا !!!! فإذا تغيرت عقلية المستهلك للقيمر العربي راح نشوف تغير كبير من ناحية التعريبات الرسمية من شركات الألعاب…

تعقيب على الي مو عاجبهم اني ادعم الي يقدمون تعريب للألعاب والآن دبلجه صوتية، اول شيء لازم الكل يتكلم بإحترام وإن اختلفت وجهات النظر لان محد عجزان يقل ادبه علي الثاني، لكن خلونا محترمين و نقفل هذا الباب الي كل ما دعمت احد يتذمرون البعض و خلوني اشارككم اسباب دعمي خصوصا آخر سبب حطوه في بالكم عدل!!!!! اولاً: مافي اي عيب او مشكله في استغلال ادوات الذكاء الاصطناعي لأي غرض إختياري في النهايه، واي منتقد انت اول من يستخدم ال AI في شغلك و وحياتك بشكل يومي ومتاكد ان تعتمد عليه حتى مع النتائج الغير احترافيه. وعلى فكره التعريب هذا مو كبسه زر، وراه برمجيات و فك اكواد وشغل ماهو اي شخص يقوم فيه. ثانياً: شخصياً ماعندي اي مشكله في الانجليزي، لكن عارف معاناة اي شخص مايعرف إنجليزي ويحلم انه يلعب ويستمتع حتى لو كان تعريب فيه عيوب، ولا تبيه يحرم نفسه من تجربة معينه بس لان عنده مشكله لغه؟ وخلاص مايلعب؟! ثالثا: الالعاب الي ما يتم تعريبها، تندفن مع الوقت ولا يعربها احد يعربها رسمياً او حتى غير رسمي بشكل محترف، لازلت تمانع من ان احد يعربها؟ وماذا عن آلاف اللاعبين الي لا يمانعون؟ رابعاً: لعلمك استعمال الذكاء الاصطناعي داخل في أغلب الشركات والاستديوهات وحتى احدث الألعاب والاعتماد عليه القادم اكثر، ومافيه اي مشكله شيء طبيعي مع تطور البشر وان كان يوفر وقت و عصف ذهن، واعتقد بعض المنتقدين يعجبهم بعض الأمور لكن من يعرف انها AI ينتقد بشده وانت كان معجب بالنتيجه! خامساً: اترك عنك موضوع التعريب هذا يأثر على المنطقه، ثق تماما مو بس العرب ماشاد الله المستكشفين لأدوات الذكاء الاصطناعي، اي منطقه بالعالم تجيهم لعبه بدون دعم للغتهم راح يستخدمون ادوات لغعتهم في اول ايام و الامور ماشيه عادي و العرب ليسوا أول ولا آخر من يفعلها. سادساً: خذها مني واعرف بعض الحالات!! بعض الشركات بامكانها تقدم لغة محليه لمنطقة معينه، لكن ما يقدمونها تدري ليش؟ لان ممثلين المنطقه او الناشر ما يبي يدفع مبلغ زياده مخصص فقط لتعريب، كذلك الاستديو يكبر راسه و يرفضون تقديم اللغه دعماً للاعبين والأسباب كلها رغبه بالحصول على مقابل زياده كذا، والطرف الثاني ما يفكر يدفع. واللاعب المسكين يحلم باللغه الي ماراح يشوفها لولا الي يعربون حاليا.