Ingvar Þóroddsson

Þetta á enn við

Í dag taka ný húsaleigulög gildi á Íslandi. Leiguverð er ekki lengur frjálst, heldur breytir opinber nefnd því með bindandi úrskurði ef annar samningsaðila óskar þess og nefndin telur verðið ekki „sanngjarnt og eðlilegt.“ Lagabreytingin var samþykkt á Alþingi í vor og felur í sér fleiri íþyngjandi ákvæði. Til dæmis getur leigusali ekki lengur sagt upp leigusamningi „án ástæðu“, verðtrygging styttri leigusamninga er nú óheimil, og „óhagnaðardrifin leigufélög“ njóta ríkari réttinda en einstaklingar og fyrirtæki. Samkvæmt stjórnvöldum munu breytingarnar auka húsnæðisöryggi leigjenda. En áhrifin í reynd verða öfug: framboð leiguhúsnæðis minnkar þar sem verðstýringar og auknar kvaðir leiða til þess að færri sjá sér hag í að leigja út íbúðir. Meðfylgjandi er nýlegt dæmi um áhrif sams konar inngripa í Hollandi frá 2022. Uppleggið var að hjálpa leigjendum, en áhrifin voru að húsnæðisskortur jókst. Íslensk stjórnvöld hafa nú gert sömu mistök.