ناصر بن وليد

#عبدالله_بن_سلمان_بن_إبراهيم_الملحم " ايه ما عليه بس خلنا نصلي اول " هذي وصية عبدالله لنا في سفرنا و روحتنا و جيتنا و كل اوقاتنا معاه .. الله يرحمك و يغفر لك يا اخوي و صاحبي

بحضور سعادة رئيس مجلس إدارة الهيئة أ. محمد بن عبدالعزيز العجلان، بالتعاون مع اللجنة الوطنية للمقاولين، تدعوكم #الهيئة_السعودية_للمقاولين للتسجيل وحضور ورشة عمل: آلية الحصول على خطابات التأييد الخاصة بكروت التشغيل للمقاولين من الهيئة العامة للنقل الاحد 26 أبريل 2026م 1:00 ظهراً عن بُعد سجل الآن: muqawil.org/ar/training/de…

«الأمان رائع، بل أظنه الشعور الوحيد الذي يستحق عناء البحث، أن تأمن و انت تتحدث و تنفعل و تعبر عن مشاعرك»

أجمل تعليق كان خلال هالظروف : أزمة و " عرَّت " !

"والصبح لحقتنا الطيايير صفّات أركن علينا حاميات اللهايب وحدة طرحناها وخمسٍ سليمات رصاصها بأيمان ربعي نهايب" هنا الفارس بن بطاح يصف حادثة إسقاط الطائرة البريطانية على يد مجموعة من قبيلة مطير .. وتعتبر أحد المُعجزات الثلاث للقبيلة وحدثت قبل معركة السبلة الشهيرة بعام واحد ١٩٢٨م

اذا هبتّ العاصفة انام !! مرة قريت في قصص علم الادارة ان رجال كان عنده مزرعة في منطقة كلها عواصف وامطار .. والعمال هربوا من عنده بسبب كثرة الشغل المهم راح يدور عامل لقى شاب قاله تشتغل عندي في المزرعة قاله طيب بس انا من هالحين اعلمك انا رجال اذا هبتّ العاصفة انام موب تقول قم اشتغل ؟ قال صاحب المزرعة لا طبعا انا احتاجك اكثر اذا هبت العاصفة علشان تقوم تباشر الغنم والبقر وتتقفل وتضبط كلش قال الشاب معصي انا علمتك اشتغل عندك بس اذا هبت العاصفة انام موافق ؟ قال الرجال موافق وش اسوي مالقيت غيرك وفعلا اشتغل الشاب في المزرعة وفي يوم من الايام هبتّ العاصفة وركض راعي المزرعة يصحيه قم تكفى ساعدني قال الشاب معصي انا علمتك من اول اذا هبت العاصفة انام ! راح راعي المزرعة وطلع في العاصفة يباشر حلاله وتفاجأ ان كل شي مرتب وحظيرة البقر موثقة وقنّ الدجاج مزبوط والسواقي متماسكة وكل شي على ما يرام الشاب باختصار ما انتظر هبوب العاصفة علشان يرتب وضع المزرعة . . اسوق هذي القصة لأن ماودك تسمع ان دول الخليج " تفكر في كذا " او " تدرس خيارات كذا " كخطط بديلة لتفادي حالة الحرب الراهنة. ايران عاصفة متوقعة من 47 سنة من اول يوم جاء فيه الخميني من فرنسا لطهران . المفروض كل جيران هذه العاصفة عندهم خطط بديلة وسيناريوهات متوقعة من اول يوم ومع اول صاروخ انطلق يتم الانتقال بكبسة زر الى الخطط البديلة بيسر وسهولة مضيق هرمز عنق زجاجة وبرميل بارود من 50 سنة ومتوقع اقفاله كل يوم اعرف ومتأكد ان كل دول الخليج لديها هذه الخطط البديلة لكن المؤمن مرآة أخيه وقلنا نذكرّ من باب التناصح

التفاصيل هذي ما يفطن لها إلا حيّ قلب الله يبارك لراعي الحلال ويزيده

تكفى لا تغتر بعلمك وإمكانياتك وإنك تعبت عشان توصل لأنه أقسم بالله في أشخاص أجدر مني ومنك وكفاءتهم وحصيلتهم العلمية تحيي بلد، ولكن ربي ما وفقهم ومؤجل لهم رزقهم إلى الوقت المناسب فخلك ميقن تماماً إنك عايش على رزقك مو علمك ودائماً كن لربك أواه شكور لتزداد من نعيمه ورزقه.

من -المروءة- ألا يراك أخوك تُكرم من ظلمه وآذاه وتهش له وتُلين له القول! إن لم تستطع رفع الظلم عنه، فلا تزِده. - مروة فكري.

تدري ان الشخص قليل الادب مرتاح نفسياً اكثر من المؤدب ! لان قليل الادب ما يجامل ولا يداري ولا يسكت عن تجاوز ولا عنده حسابات كثيرة يروح مباشرة يلعن شكل خصمه بدون لف او دوران لكن المؤدب يكتم ويجامل وفي الاخير ياكل تبن ! واذا مرة قرر ينتقم المؤدب حط في حالة الوآتس " يعجبني الزمان بلابلا .. " اي زمان ياحبيب !! هذا انت على الكنبة تطحن في نفسك خلك قليل ادب وصفّ مشاكلك اول باول هو هذا العلاج

طبت يا وطني، وبارك الله أرضك، وحفظ الله جندك، ونصر الله قادتك، جعل الله هذه الأيادي البيضاء التي تمتد إحساناً، وحسن جيرة وسيرة، شفيعة لك لنصرك وقوتك وأن يجعل كل من يمكر ويخطط تنقلب بقدرة الله عليه، وتكون تدميراً له، وعزاً لك.

كثرة سماع البودكاستات التي تتحدث عن حلول المشاكل الاجتماعية وكيف تصير كويس وكيف تنجح وكيف وكيف وكيف ... الخ وضيوف مبتسمين ومشرقي الوجوه يتحدثون بثقة وسلاسة انت كذا لا شعورياً تمرر لعقل الباطن رسالة واضحة " انا لست بخير " "انا ابغا اصير زيهم " كثرة هذا الضخ المستمر موب جيد مع الوقت راح تصبح عليل وسقيم من دون علة ولا سقم لان الجسم ذكي يتجاوب مع كل ما تفكر فيه ويأخذ وضعية الدفاع يقول ايليا ابو ماضي : " أَيُّهَا الشاكي وَما بِكَ داءٌ كَيفَ تَغدو إِذا غَدَوتَ عَليلا .. إِنَّ شَرَّ الجُناةِ في الأَرضِ نَفسٌ تَتَوَقّى قَبلَ الرَحيلِ الرَحيلا .. "

G7 in action.

منذ ثلاثة أسابيع فقط ، القطريين انصدموا من الإخوان ، وباقي الخليجين انصدموا من الناطقين بالعربية ، بإستثناء السعوديين لم يتغير عليهم شيء فهم كانو ع الجبهة منذ البداية واللي تغير فقط توسيع رقعة الحرب فتوسع رقعة التصادم 😮😂

الجزء الثاني اختيارات تاريخية الحمدلله الذوق العام مرتفع جداً خصوصاً لمن تشوف عطور بيور ديستانس👌🏻

كل جندي ودي اقرب منكبة واحبة واشكره و اعايده واقول ويش مسوي اختمو جو البلاد وقفلو بـ الضبة والمسيّر يلطمونة فالسماء ويهوي علّمو مرصد سدير يروح يطلب ربّه السنة هذي ما حد في حاجة المتروّي دام جيش المملكة دون الوطن متنبّة رؤية هلال الفطر عند الدفاع الجوي —💚🇸🇦

تغريده قد تضايق بعض الناس 😅 الزواج ليس مناسبا لكل امرأة. اذا كانت المرأة ترى نفسها اكبر من ان تحترم الرجل، فالبقاء عزباء قد يكون الخيار الافضل. رأيكم 😅

(سووّا لي الكيف وارهوا لي من الدله) شطر خلف في مثل هذي نغني به بهايم الفرس لامذهب ولاملّه جميع فعل ٍ خسيس وعار تحري به ابليس شهر رمضان ٍ مصفد ٍ كله وعياله الفرس قايمة ٍ بأساليبه حتى المصلي وهو متوجه ٍ لله مسلوب منه الخشوع اللي يصلّي به تدكها اللي بيدها القدس محتله وتطلق بلاها على الخرج وحقل شيبه هذا خليج العرب مانتم بكفو ٍ له عسى معازيبكم فدوة معازيبه احفاد خالد شهير السيف ابو سله لليوم والفرس لازالت تهذري به !

«يا ربّ تقبَّل قليلي، جاءك الناس بأعمالٍ كالجبال.. وجئتك أنا بحفنةٍ فيها روحي»