'
ياحبيبي وش اللي فيك ماهوب زين ؟
وانت سيّد "مغن الزين .. عادك نما"
لـ اجلك .. احول الشعار متذوقين
لوغدا .. في ذوايقهم غرور زعما
اعتبر من يقول ان فيه منك اربعين
ياردي .. عقل (ولا في عيونه عما )
انت مـ الله خلق منك سوى نسختين
نسخة فوق الارض ونسخة فـ السما !
•
خطّرت طرقي ومن همّ المواجه يخاف
ما باقيٍ في زهابي طول صبر وجَلَد
حنّا الثقيلين لكن قِدْم حسنك خفاف
يا عنك ما في سلوم الحبّ "خذ لك وَلَد"
صوفيّة الحزْن والوجه المعتّق عفاف
لطيفة الروح والحسّ وشفيف الخَلَد
من شاف زولك، رضى من دنيته بالكفاف
من مرّك بغربته، ينسى من أيّة بَلَد
•
•
هم واااجد اللي يحبونك ، وأنا الأجدر
لأني الصابر | اللي ما شكى جرحه
عطيني " فرصة أحبّك " .. قد ما أقدر
محتاج فرحه ، تبكّيني من الفرحه
- حمد العيباني
•
•
نديم الجفا لا استشعر الحزن والفقدان
تجي الارض في عينه مثل " حبة التيله "
يجوز البشر يصبح بعضهم مثل الاوطان
ما يلحق جزاه الشخص مهما يسوي له
ضياعه دمار و فقده يشتت الانسان
ولو . . ضدته الايام يرجع و ياوي له !
