علي الديهي

إِن رضيتُم رُضيتم وأمرُ الله نافذ وإن سخطتُم بُليتم وأمرُ الله نافذ.

The right person at the wrong time, isn’t it?

”وَكَذا الحَياةُ قَديمُها وَحَديثُها ذِكرى نُسَرُّ بِها وَذِكرى تُؤلِمُ“

النهاردة عملت digital detox عشان يساعدني أتبسط شوية.. بس المشكلة طلعت فيا مش في الموبايل.

الدنيا هتضحكلك في نفس الأماكن اللي دمّرتك فيها قبل كدا.. بس السؤال.. هل هيبقى فارقلك؟

لما تركبوا مع حدّ بيجري كدا إفشخوه عادي وعقّلوه، حياتكم مش لعبة، وفي المستشفيات بنشوف ناس داخلة حالتهم تشيّب الرأس بسبب قرار، لحظة، ثانية واحدة بتفصل بين إنك توصل سليم أو تدخل العناية المركزة وتطلع بشلل رباعي دا لو طلعت حي. أغلبهم هيقولولكم إحنا بنجري بعقل وبتاع، وإيه رأيك في السواقة وكدا بيحاولوا ياخدوا validation بإنهم جامدين واللي بيعملوه نادر وهو الصح، رخموا عليهم وقولولهم لأ دا عبط ولعب عيال وخلوهم يتربّوا.

راكب مع سواق أبلكيشن بيجري بالعربية جري مجنون وبياخد غرز وبتاع، افتكرت نفسي من ١٠ سنين كدا لما كنت بعمل العبط دا وبحبه، وقمت قايله لمّ الدور وسوق كويس أنا عايز أوصَل بالسلامة لو مش باقي على حياتك العَب بالعربية لما تبقى لوحدك.. وبجد الإنسان كِبر إمتى؟.

”أَو لَيتَها لَم تُعَلِّقنا عُلاقَتَها.. وَلَم يَكُن داخِلَ الحُبُّ الَّذي كانا“

”أبُدّل الليلُ لا تسري كواكبُهُ.. أم طالَ حتى حسبتُ النجمَ حيرانًا“

لو بتعرف تفرّق بين طه حسين، نجيب محفوظ، مصطفى محمود فإنت من ضمن الـ ١٠٪ الأكثر ثقافةً في مصر.. ودي دراسة أنا لسه عاملها بدون مصادر.

قال صلى اللهُ عليه وسلّم: ”مَنْ كَانَ فِي حاجةِ أَخِيهِ كانَ اللَّهُ فِي حاجتِهِ“

قبل رمضان أخدت إجازة قصيرة عشان أفصل من ضغوطات كتير عليا وقتها.. استقلت من كل حاجة كنت شغّالها وقلت هفصل شويّة وأرجع للشغل تاني.. دلوقتي بستوعب إنّه عدى على الموضوع دا شهرين.. هيّ الإجازة القصيرة بتبقى قد إيه أحبابي في الله؟ عشان خايف أكمّل الـ ١٢ شهر كدا.

قاعد في كافيه في Eastown (مكان أول مرة أقعد فيه) وجنبي اتنين على الطرابيزة اللي جنبي بيتكلموا إنجليزي بطلاقة شديدة وبصوت عالي (سمعتهم غصب عني)، فابتسمت بحنكة وقلت لنفسي إن دي مؤشرات إتاحة الفرص الإستثمارية للأجانب أو تعزيز السياحة، وبينما برشف قهوتي بثقة أجدعها خريج سياسة واقتصاد قامت واحدة منهم رامية جملة عربية خطف كدا بكل خجل، ففهمت إنهم الإتنين عرب عادي بس دي آثار الغزو الفكري ليس إلا.. حبايبي يا طبقة فوق المتوسطة.. فاهمكم والله فاهمكم أصل بعمل كدا أحيانًا في بعض الجمل والمصطلحات.. بس هي وصلت لدرجة الكلام كله؟ that’s a warning sign والله may god يتوب علينا كلنا.

دول مش حواليك عشانك.. السكّة هي اللي جامعاكم.. متتخدعش.

”كان ممكن أفضَل كان ممكن تصبر“

عندي قناعة إن في فترة زمنية معينة حصل نقص في مخزون حليب الأطفال في مصر، فالأهالي رضّعوا الأطفال إستحقاقية بدل نوفالاك، وبقينا نتعامل دلوقتي مع الأطفال دي لما كبرت.

بالله عليك مترنّش.

”والمرءُ يحتال إن عزّت مطالِبه وربمَا نفعَت أربابهَا الحِيلُ“

”قادر أأذيك، بس متشغلنِيش، عَفو القدرة“

كلما نضج المرء وكثر حلمُه وعلمه، انطفَأت لديهِ جذوة المِراء ، وشهوة الجِدال ، وكان أقربَ إلى التغافل والتجاهل.