ــــــــــــــ

لقد غفرنا حتى كرهنا.

أنا معي خاطر يسّمح - وقلبٍ ثقيل ماهُو بيرجع على الحاجة ليا عافها .

صَباح الخير .

سيّد البال - تاخذني عليك الطواري أثر مالي لو يطُول الجفى عنك صده أنت ليلٍ - تخاطفني عليه المساري وأنا ما جابني لك غير صدق الموُده ودي أخذ من عيُونك ومبسمك ثاري شي يُوخذ بـ لين وشي يُوخذ بـ شدة .

لي ثلاث سنين قانع ولا تفرق معي أقبلت دنياي - وأقّفت ولا ناديتها مع شعَرة مُعاويه هو جهل والا وعي ؟ قبل لا ارخيها ولا اشدّها — خلّيتها والله ان بعض الطُواريق بنج ٍ موضعي لو تسكّن عنك الاوجاع — ماداوُيتها أسرحي يانفسي برحلتك واستمتعي مابي افكّر — بـ حاجه قبل توّقيتها و اشّبعي يانفس من عزّة النفس أشبعي لو ماني قدّ الصعُوبات — ماسوّيتها .

مابين الصعب ، وبين الخُوف ، والتجريب أحاول ما أميل بيُوم ولا تتشرد أفكاري أمرّ بمرحلة صح أو خطا أو صدق أو تكذيب كأني تايه — في شيء ولاني عَارف أقداري أنا يارب ما أدري وش اللي ينكتب بـ الغيب ولكن رحّمتك أكبر من اللي فيه أنا دَاري .

إستعذت مْن الدرُوب اللي نهايتها حسَافة قبل ترميني ملذّات الزمن - في جُوف غبة .

صلوا على من بكى شوقاً لرؤيتنا اللهم صل وسلم على نبينا محمد .

أستاذن العصر وانقادت خيُوط الظلام والليل توّ ما أستوى - بشته على منّكبه .

لك الحمد الوُفير اليا قنطت ولا التبسني الياس أعوذ برحمتك من كثرة النعمة — وقلّ الشبْع كثر ما أحس ف الوحدة ويستغفلني الوسّواس وأجيك — اللي ماكن اهله حَوالينه ولا له ربْع وعزّتك وجلالك —— ما بعد قوَّته قوَّة باس ضعيفٍ كم يكابر وان سجد لك كنّ عينه نبْع .

الله عطانا عقل يدرك وعين تشُوف نعرف خطايا البشر ونميّز اسبابها بعض السُوالف تغث النفس لكن تطوف نغض عنها نظر —— ونقفل أبّوابها تقفي وجيهٍ كريهه ماعليها حسوف نرتاح من شرها — لا طوّل غيابها الشّمس ماضرها بالكون طول الكسُوف لا بد تشرق علينا —— من ورَا حجابها .

المدوّر في متاهات سرّ الصّامتين بيتحيّر - ماعرف كرهها من ودّها لا يغرّك من يقول تالي الخافي يبين الأوادم نصّفها — ما يباح بسدّها كم شفوف ٍخيّمت في نفُوس المستحين لين مَاتت —— بين بني الآمال وهدّها واخذ عبره من كلام العوَارف الاوليّن كلّ كلمة - تستحي من هدفها بدّها .

صَباح الخير .

معك كل الدرُوب « ميسَره » وموفّقه توفيق وبسماتي ملت وجهي - وترحابي وُضح فيني لقيتك للدرُوب الموحشة ذخر وللضَياع رفيق وعقب رمضى العُمر « وياك تو تزّهر بساتيني » .

على وضّح النقا جيتك — بياضٍ يفهق المستُور مُحال أمشي على دربٍ يميل لـ خطوة رجُوعي .

الشعور الليلة اكبر من مَدا استيعابي معتقَل في ظِل سَقفه وأربعة جدرانه كلّ ما فيني من التقصير - غير ثيابي يشتكي لي من كثر خُوفه وقل آمانه أدعي - إنّ الله يهيّي للرشاد اسبابي ما يذرني للهوى ولوسوُسة شيطانه لا نويت آحثّ في درب الرحيل ركابي ردّني صوتٍ — لا زالت نبّرته رنانة الحنين المرتبط — في لحنه الزريابي سطوته سطّوة عقيد القوم في عدوانه ليه آولّي نفسي لـ غيره — وهو اولابي كيف آسلّي قلبي بـ غيره وهو سلوانه البعيد اللي لا زلت آعدّه من أقرابي فاقده فقد الضمير الحي لاطمئنانه يا موقّفني بعد فرقاك على اعصابي ما يزيد الحب غير محاولة نسيانه جرحك الآخير ينعَم في كنَف ترحابي ما تقول الا آخر العنقود بين أخوانه صرت ادوّر في جروحك مايثير اعجابي الخطا في عيني أهون من فراغ الخانه يوم حبّيتك شَعَرت ان الجميع احبابي كنت اشوف بعين قلبي واعترف بلسانه لم يكن بامكان قلب الشاعر المتصابي إنّه يحاول يكون اكثر — من اللي كانه من كثر ماهُوب عن زود الزلل متغابي حسبة الفرقا ما كانت يوم في حسّبانه رغم مفهومي للارض وديرتي وترابي الوطن يمكن يكُون انسان ولا انسانه في محطات القطار - اخر فصُول كتابي ماحسبت حسَاب عمري لين فات اوانه وُينه - اللي كل ما ضاقت علي رحابي أترك الدنيا واهلها وارّتمي فأحضانه . - عبدالله السراهيد

أجي قد الهَقاوي البيض — ولو فيها علي إرهَاق ما أجي بكيف الظرُوف اللي علي الوَقت فارضها .

علمُو من علق أحبال أحشى - فـ حبال صوته لا يبعٌد مسمعي عن صُوته - وصوته علاجي ما يحط قلوبنا ولهه — والأرقاب معفوته غير وجهً تجمع به صبح اغر وليل داجي يعتق الوافي وفاه —— ويذبح الساكت سكوته والصدف صارت سبب في ضحكة وعقدة حجاجي يالله اجعلني بمن يدري - بـ مُوته قبل موته اللقى لا صار صدّفه كنه الموت المفاجي ودي اطلع مثل مطّلاع إلنبي من بطن حوته بس ماني ب النبي يونس عشَان ارد ناجي الهوى من سالف الأيام يا النفس الشمُوته مانقص ليلى وقيس ونُوت وعقاب العواجي صرت مثل اللي - تمره فرصة العمر وتفُوته حَازها غيري مع انها كانت من اعزّ احتياجي .

أحيانًا الإنسحاب من بعض الأمُور أشبه بالعفو عند المقدرة ومثل ما قال سفر الدغيلبي : ثم شفنا الشك والريبة —— وعودّنا نكايف والرجوع من الدروب العُوج نوع من الشطارة نقدر نعوّد على القـوة ونركبـها الحتايف مير ردتّنا عن القوة " صلاة الاستخَارة ".

والله إني ما حزنت إلا — على وقتٍ مضالي يُوم أوسدك الضلُوع اللي لغيرك ما تهيّت .

ألا يالمُترف اللي ضاع في عنقك بريق الماس عليك شفوف قلبي من سمُوم الحب - وراده أغني كل ما شفت الغصُون من الضما يباس ألا يابري حَالي بريتك — يـ الغصن وزيادة أنا عارف مكاني - وأدري إني غير كُل الناس ولكن المصَايب لا أقبلت لك جتك منقاده خذتك وُصرتي أقرب للنجوم ودُونك الحراس ودربٍ لو عبرته ما هقيت — أسلم بـ مُعواده .