روبن

اللي قاعد أشوفه بعد المباراة إن الآراء صارت عاطفية وبزيادة ، وكل واحد ماسك له طرف يهاجمه، ناس على نواف بن سعد، وناس على فهد المفرج، وناس على إنزاغي، وغيرهم على اللاعبين أو حتى ستيف كالزادا. الانتقاد حق لكن مو بهالطريقة اللي كلها اندفاع وبدون توازن. مشاكل الهلال الحالية ما هي وليدة اليوم، هي تراكمات من قرارات سابقة، سواء في التعاقدات أو التفريط ببعض اللاعبين، وحلها ما يكون بتغيير شخص واحد، بل بوجود منظومة رياضية متكاملة تشتغل باحترافية على كل التفاصيل داخل النادي. الهلال إلى الآن مو في مرحلة انهيار تحتاج سنوات، بالعكس، شغل منظم وصحيح ممكن يرجعه بسرعة للمنافسة، لكن هذا يعتمد على إيقاف المجاملات، وتغيير طريقة العمل القديمة اللي ما عادت تنفع. المفترض إن خروج أمس يكون نقطة بداية للتصحيح، لأن الموسم هذا بنسبة كبيرة انتهى، وبالنسبة لي يظل موسم فاشل مهما كانت نتائجه. صراحةغصّة مباراة أمس للحين موجودة، لكن الحمدلله على كل حال. هاردلك يا زعماء، والقادم أفضل بإذن الله 💙