يزيد بن خالد

جور الزمن ما يبطش الّا الحياوي ولاّ الردي دايم تجي له على الكيف واذا دفنك الحظّ .. عَزّ الهقاوي .. وصافح احلامك .. قبل يقلط الحيف هذا المسا .. جالك يجرّ الخطاوي وانا من البارح عليل و على طريف ما عاد يغريني السحاب السماوي والطايف بعيني .. مثل جنّة جنيف اقفى الكريم ابن الكريم الفداوي وطال صوت اهل البدع والتخاريف في عينه العبره .. وله قلب غاوي خلّوه مضني لا تطول السواليف يا اطعم من تمور النخيل الحساوي أقبل على طاريك مثل الملاقيف في شوفك الملهوف ماله مداوي احنّ لك يا ابو رموشٍ معاكيف العنق نايف .. والسمار متساوي ما همّه براد الشتا و حرقة الصيف رقيق ويحبّ الحياه و هواوي .. يبحر فـ قلبي .. والضلوع المجاديف مزباني اليا داهمتني الدعاوي والخاطر تحدّه قعور المراهيف ويلاه يا شيب عين الشقاوي هبّت به الأيام هبّ العواصيف وانا على جرّتْه سارح وضاوي اربّ تجمعني معاه الصواديف افتوا لنا بالوضع يا اهل الفتاوي وانتم عطونا العلم يهل المعاريف الواحد ان زادت عليه البلاوي وحال الدهر ميّال والموقف مخيف والهمّ بادي مثل كبر العناوي يدكّ صدر القرم راعي المواقيف ماهو حرام!!! .. افتوا على لسان راوي المسأله ما تحتمل .. علّل و كيف ؟ ماتوا ملبيّن .. الندا والعزاوي .. ولبّت وجيهٍ تحمل الكذب والزيف مهما يطول الوقت بك .. وانت ناوي! ما يستحقّ تشيل حمل و تكاليف ضيوف بالدنيا لو الجيب خاوي ومن الأدب معروف .. ما يطوّل الضيف -يزيد-

مدينة الخبر تحتل المركز الأول على مستوى المملكة في مؤشر جودة الحياة بنسبة 88.6٪ وفق مؤشر ستيدي بيس 😴