جزاء الغيداني

أجمل عتاب ورب الكعبة

على الله كل ما ضاق المكان وثقلوا الجلاس على الله يالظروف القاسيه والغيبه الاقسى ليالينا بحر والموج عالي والوضع حساس تصافقني هبوب الشوق ما عينت لي مرسى ومفهوم التعب دمعه ومقسوم الصبر هوجاس وعنوان العتب جرحٍ على صمت الكلام امسى تمرين الخيال وتنطفي حولي وجيه الناس تفاصيلك مثل نقش الحجر فالبال ما تنسى اقول لكل هم ٍ بالحنايا لا شكى .. لا باس واقول لكل طاري للمفارق "تعقب وتخسى" لو ان الخوف مثل الريح عاتي والامل نسناس انا قدام وجه ظروفنا مثل الجبل وارسى

انتي اول بداية حُب و اجمل نهار يطرح الليل بقدومه ويصرخ .. فجر منك معنى الشموخ وفيك عز المهار لا لغيرك شعور ولا بغيرك شعر الكثار استقلت ، والقلايل كثار لين شوقي بصدري من قليلك كثر في كلامي ملام وفي عيوني اعتذار و ما خفيته عن الانظار.. ادهى وامر اكسري كل حاجه تطلب الانكسار من مخاوف وظن ومن عتاب وقهر في تفاصيل وجهك للبراءة قرار وفي عيونك عذاب يقول وين المفر ؟ كل ما كنت اخاف يصير ، غبتي وصار اسعفيني لك الله ما بقى بي صبر شاعرك لو يقول ان الهقاوي كبار دفتره من سهاد .. وخاطره منكسر

ماني على بعض القرارات نادم لي نظرتي ، وانتم لكم ما تشوفون نظراتكم ، و اراءكم لو ترادم اخر ما يشغل باللي … "اللي تقولون" ما احب ابرر ، واتناقش ، واصادم ولا "يختلف ود القضيه" و "لا تهون" ما همني ترضى علي الاوادم ما جيت للدنيا على شان يرضون اللي يحاول يرضي الكل "خادم" والخادم اللي يخدم الكل "……"

حني كفوفك وصبح العيد وريني جمال حنا كفوفك لييييتني حنا انا ، وقلبي ، وروحي ، يا بعد عيني من دونك الله يبارك فيك وش حنا ؟

عيّدي يا ام الحسن لا مثلك ولا زيك ما خبرت من البنات اللي حلاها قدك هي وجيه الناس تاخذ نورها من ضيك؟ هو نهار العيد يبدا مشرقه من خدّك؟ جعلني فدوة عيون الفاتن المتشيك والجواهر والذهب في جيدك وفي يدك

وش بـ أقول؟ وليه أعيد وليه أزيد وليه أفتش في قديمي وأفترض ! شوفتك من بعد غيبه.. يوم عيد الحياه بدونك تجيب المرض اقرب وسولف ولو مابه جديد القديم احيان يوفي بالغرض

يا رب عفوك ، وكم مليون ، والجنه والحاجه اللي تجي دايم على بالي

انت تخطي وانا اللي ذنبك استغفره وان تلاشت طعون تزيد منها طعون واقبل العذر قبل تقدم المعذره كل حاجه تهون وحضرتك ماتهون وما كسرته فدا رجعتك لا تجبره خلها ذكريات القسوه اللي تمون

ابسألك .. دامك نويت تغيب وتشد الرحال ابسألك .. والدمع بين الرمش والمحجر رهين وهات الكلام اللي بصدرك وأترك لعذري مجال لا تكتفي بصمتك ويخنقني هدوء الصامتين ماهو حرام .. انك ما تترك لي حلول الا الخيال؟ ماهو حرام .. يروح من صدري خشوع الأمنين؟ أموت في أول لقى! وأموت في أخر وصال! في ذمتك .. ماهو حرام أموت منك مرتين؟

احسب اني بدونك مستحيل احيا وشفني حي بعد كل الظنون الخايبه .. كملت مشواري

ما جيت اجربك ولا بـ اختبر صبرك يا طول صبري عليك ويا عنا حيلي مليت صفحة حياتي من وهم حبرك وغنيت للصبح وازرى ينسرق ليلي والحيره اللي تعذبني .. على خبرك تعزف على جروحي الخضرا مواويلي ساعة لقاك وغيابك … ايهم ابرك ؟ يا حيرة القلب من ظني وتأويلي ان رحت يا كبرها ، وان جيت يا كبرك وان رحت وان جيت يا ويلك ويا ويلي

نصيبي يا نصيبي يااااااااانصيبي من اللي ما علمته ويش باقي؟ حبيبي يوم قلت انه حبيبي ما كنت اتخيله يقوى فراقي امد حبال وصلي فـ ارض غيبي وبحبال الوصل .. تم اختناقي يا طيبي يا غباي بثوب طيبي شمر ثوبي وبين كسر ساقي احسب النور من بسمة "طبيبي" واثر نوره شعل نار احتراقي نصيبي ياااااعذابي من نصيبي انا خايف ولا ادري ويش باقي!!!

مسيّره عدت حدود انتباهي من الخليج وكنها فارسيه ما ودي الا تتجه بـ اتجاهي شاهد عيان! .. الا شهيد وضحيه "ام المعارك" ملفتة كل لاهي "ام السلام" بـ نظرة الداخليه مزعزعة روس الكبار الدواهي متسلطنه ، متباهيه ، نرجسيه اول جمال يكون كامل وراهي ثالث حروب العالم العالميه لا سولفت قلت التعب والدوا هي تطرد عماسي كنها شاذليه #ادب_الحرب

على كثر الجروح اللي يسببها الهوى ما تبت على صعب الهوى ودروبه استطعم مشاويره اعرف ان المحبه تتعب الروح وبها رحبت غريبه .. لذة الآلام ، والاشواق ، والغيره حضنت طيوفك بصدري لو انك عن عيوني غبت وهذي حيلة اللي ما رضا بقسوة مقاديره ليالي مرت وفيها من غيابك كآبة سبت تلبسها التعب واركى عليها الخوف والحيره تشيب بداخلي روحي وانا توي ولد ما شبت اخبي شوقي وتغلب على وجهي تعابيره على قاع الوله تمطر عيوني لين سال ونبت اقول.. اليوم! ولا بكره! تعود مساييره تعبت من العنا ياللي تلذذ بالوجع و اتعبت كثر خير الصبر ولا غيابك لا كثر خيره

العتاب من المحب يصغر الأعذار مهما كانت كبيره لدرجة انك تترك اعذارك تروح مع مهب الريح عشان تستمتع بطريقة عتابه طير هوى عتابك البارح ورق عذري وجرى يديني على حرقه وتشقيقه ادري تحبيني ولكن ماهو كثري وصيت نفسي على حبك وتعتيقه تعالي ، اليوم من صبري قضى صبري وش رايك اخذك من حلمي لتحقيقه؟ ميعادنا الليل ، غير الليل لا يدري ناخذ بـ جنحان ذنب الشوق تحليقه واذا اكتفينا وتداوى جرحك وكسري!! لمي عتابك وانا بسعى لـ تفريقه

علق على رقبتي خطاياك و انوب بـ دعاي واجمل ظن مسلم بربه اثر البنادم بالملذات مغلوب ولا فيه غير الله يعلم بـ غلبه واذا تدارك ذنبه وصار .. ايوب واستغفر الله .. يغفر الله ذنبه استغفرالله كلنا اخطاء وذنوب استغفرالله عن هوانا و لعبه استغفرالله عني وعنك واتوب التايب من الذنب .. ربي يحبه

اتمنى من المعنيين بالاجابة.. الاجابة من رمى فيكم جناح الحالم وكسر جناحه؟ من حجب منكم شروق الشمس لين اخفى نهاري؟

تعرفيني؟

اللهم احفظ بلادنا وخليجنا ورد كيد الاعداء في نحورهم ان جات للمدفع وللدبابه! قال السعودي حاضر وتبشربي خليجنا واحد رخا وحرابه حنا لها يشهد علينا ربي ثوب السلام نرده بـدولابه ونكرب حزامك ياللباس الحربي مير اسمحوا للفكره الغلابه مثال حي ومعترض في دربي تكاتف يدين الخليج يشابه القوه اللي في قصيد الحربي