مٌ,

نُبذة تعريفيه : "دايماً ماليّ خلق "

" يا شناح الطول يا الظبي الجفول يا مليّح الزول يا صاف الجمال حار فكري فيك مدري ويش اقول يا جمال اهل الجنوب مع الشمال فيك من زود البهاء شيءٍ يهول لو يشوفه عاقل صابه هبال "

صباح الخير .

" اقربي مني مهو وقت القصايد الحياة اللي بليّا وصل مُره خالفي مع عاشقك بعض العوايد لا تغطي بدرك الوضاح غره ادفنيني في مداهيل القلايد في مكانٍ ما حد غيري يمره في دماثٍ فيه من لين الوسايد ما يخلي عيشتي عيشةً مسره إن نزلت بواديٍ مسراه كايد واديٍ مال الخطاوي فيه جره "

" لا انثنى خصرك من النود لا هبهب شمال ما لشرهات القصايد من اللوم شعره يبتدي حرف المشاعر على لبّه وشال لين معسول الشفايا وجمره و انحره من يقول الحرف ماهو من الخمر الزلال ما عرف حكي الشفايا وخمره واسكره بين نظرات التغطرس و شي من الخيال والجديل الي غطى فوق ردفه و ظهره "

" ابو خدودٍ كنها ورد فيضه الى فتق زملوقها وازهر الروض ومعنقٍ تحته ثنينٍ غضيضه كنه مقرّص روس الاثنين باعوض وجسم تعازيله فياضٍ مريضه من صك خلخاله اليا مفصل الحوض "

صباح الخير .

" الجادل اللي كساها الزين و اغترّت لا تحسب اني عليها اليوم متغيّر مرت مع الناس لا سرت ولا ضرت خطوات طفلٍ على ممشاه متحيّر اشفق عليها من العثّرات لا مرت ريمٍ عن مشاهد العربان متذير الخد كنه شبوب النار لا احمرت ومن البدر ماخذه وجهها النيّر "

الهلال هو الأول في كل شيء .. الأول في الذهب، الأول في التاريخ، الأول في المجد الله يعز أرضك يا هلال 💙 #HilalDay

ليتني وياك في برٍ خَلي .

" ترفةٍ مـن قبل لا تلبس .. عبايتها الطويلة ما يـجنّ معمّقات الزين نقطة في بحرها بالنعومة بنت عـم الورد واخـته بالفصيلة خدّها لو الـدمـوع تسيل فـوقه بان آثرها بالغنج ! ترمي شعور منافستها في مليلة لو ماغير تمرها بالحلم ماتت من قهرها "

" يـا وجهٍ بياضه مثل نور القمر مجمول عليه العهود من المحبه .. موثقها عذابي من عيونك و من رمشك المسلول و من التينتين اللي سنا الشوق .. محرقها "

" عيون الناس لا لدت على سلسالك المحسود يحسدونه على طيب المكان وطيب الاطلاله نحطك فالصدر ونحط في عين الحسود العود عساه اليا نطق بالشين فال الله ولا فاله "

" ليا قالوا لك انك فارقة قولي عليكم زود عليكم زود وازينكم وجه مشروب فنجاله يا سبحان العظيم اللي فرق وجهك عن الموجود يجي والناس حوله جالسين وكنه لحاله انا ما ودي اشكر في حياتي غير ابوك العود مسوي له جمايل بعد ما جاب اجمل سْلاله "

تخطي بين تمتمة الحروف ولهفة القرطاس وصبّي كحل نجلك لين ماتضحك محاجرها قصيدة مايكحلها غسق بنتينك النعاس جريد من البلاغة لو يصح لسان شاعرها تحالي كل عذبه تقطف لجيدك عقود ألماس يااول ملهمة عذب البيوت وحفلة صورها تباهي كل مايقرا قصيدي فيك بين الناس تمادي كل ماشفتي رحابك ضاق خاطرها

" عطني الكف الرقيق اللي له المعلوق تايب ولك علي أطوّل الدنيا بكيفك و أختصرها أنت في خدك سلام و في وسع عينك حرايب و أنا أسيرٍ حاول بحريّته ولا قدرها أطعن برمشك نسانيس الذواري و الهبايب لين أصحي ليلةٍ غافي على نحرك قمرها "

" ياعين شيهانةٍ بين الشياهيني على أبرق الريش والمطلاع مفتونه وياعنق ظبيٍ سكن محمية العيني ولا مهاةٍ رعت في شبك بينونه يا حلو ضحكة شفاهك لا لفيتيني ما تشبه الا صباحٍ تقطر مزونه أنتي ذهب من عيار أربع وعشريني من ندرته صاغته عيوا يبيعونه "

" رموشها حد السيوف الرهايف مقرونة الحاجب وطلقّة محيّا وجديلها ياقلب وش أنت شايف ليـلٍ يزيد اللي غيا فيه غيّـا وخدودها بين الهدب والشفايف مثل السحب بين الثرى والثريا "

" سيد القلب صمتي كان ترتيب ضاد في عيونك كثير من الحديث أسهبه عودك اللي تثنايه ضلال و رشاد مال من غي ولا مال من موهبه ! لمني بالبياض وفلني بالسواد حان مسرى جديل ودي اتوه به "

" عانقيني لين أذوب من الهوى يا غاده المسا هذا مثير و عاشقك متمادي ميّلي عودك و غيضي الفاتنات زياده ياسبب وفرة قصيدي بالهوى و سهادي دونك الراس المردّد يعلن إستشهاده بالوساع السود موتي و الثغر ميلادي من بنات الريح ولّا من بنات الساده الوكاد إنك غديتي مطمعي و مرادي "