عبد السلام جغلف

تقنية استشعار كمي و AI صادمة استخدموها CIA في إنقاذ الطيار، بشرحها لكم نيويورك تايمز نشروا أن CIA استخدموا في عملية انقاذ الطيار تقنية اسمها Ghost Murmur تكشف دقات قلب الشخص على بعد 40 ميل، والخبر ترند هذا يا أصدقاء الاستشعار الكمي اللي غثيتكم فيه وحاطه بالمثبتة، والتقنية تشبه بحثي الجامعي ومشروع اشتغلت عليه وبشرح لكم باختصار أولًا فيه طريقتين عشان نستشعر القلب، الاولى انا قد سويت فيها مشروع جانبي للهواية والثانية اللي قاعد ادرسها بالماجستير واسوي عليها بحثي 1: رادار mmWave لأن هالنوع من الرادار عبارة عن رقاقة صغيرة تحطها في الكترونياتك والموجة حقته قصيرة جدًا ومن ثم بإستخدامه واستخدام الظاهرة الفيزيائية Doppler shift تقدر تقيس النبضات .. وش الدوبلر شفت؟ ببساطة يوم ترسل موجه ثم تصقع وترجع لك، على حسب سرعة رجوها لك يكون تغير شوي ترددها او ال Phase حقها ومن تغير التردد تسوي شوية رياضيات وتحسب المسافة بس مشكلة الرادار mmWave ان مداه قصير جدًا لان موجته قصيرة ومحدود في مدى النظر وينعكس من اي جبل وشجر ومطر، ولهذا CIA ما استخدموه وانما استخدموا الاستشعار الكمي 2: التقنية اللي استخدموها ال CIA وهي الاستشعار الكمي اللي بنوه من quantum magnetometer او حسّاس كمومي مغطانيسي يقيس شدة وتغير المجال المغناطيسي كموميًا وبنوه من الألماس الألماس العادي والمثالي عبارة عن شبكة ثلاثية الابعاد من ذرات الكربون ببساطة، لكن العلماء سووا الماس مختبري بحيث انهم يطلعون ذرتين هنا وهناك، وهالذرتين يحطون وحده بدالها نيتروجين ووحده يخلون مكانها فاضي مما يجعل ذرة النيتروجين هذي تتمشى بين المكانين، ويسمى ذلك علميًا Nitrogen Vacancy او ببساطة NV وبتشوفون هالشي ليه مهم بالحساسات الكمومية بعد شوي هذي الفتحة اللي تركوها بدون ذرة تعمل وكأنها فخ للالكترونات، فهي تقدر تحبس الكترون والالكترون بطبيعته عنده خاصية تسمى Spin وهي ان الاكترون ببساطة يقدر يدور ويتجه إما شمال او جنوب ومن ثم نقدر نعامله على انه مغناطيس، ونقول انه متجه شمال او متجه جنوب، حالتين فطق m=0 او m=1 تسمى كيف تتم تقنية قراءة دقات القلب عذي؟ يوجهون ليزر اخضر على هذي الماسة المعدلة فيقوم الالكترون المحبوس بامتصاص هذا الليزر مما يرفع مستوى طاقته مؤقتًا ويوم يرجع لطاقته العادية يطلق ضوء احمر ثم فيه حساس اسمه Photodetector سبق ان تكلمت عنه وشرحت كيف صممت واحد مهمته يقيس لك لأي درجة هذي الموجة اللي اطلقها الالكترون لونها احمر، يعني يقيس ترددها طيب وش دخل كل هالحوسة ياماجد؟ هنا الله يسلمكم تجي تقنية الاستشعار الكمي اللي تقيس القلب واللي استخدموها CIA يوم القلب ينبض يطلق اشارات كهربائية، وكل كهرباء تمشي معروف فيزيائيًا انه فيه مجال مغناطيسي مصاحب لها .. وبما انا عندنا هالالماسة اللي داخلها الكترونات NV المحبوسة واللي تعمل وكأنها مغناطيسي مايكروي صغير، بكل مرة يطلق القلب اشاره تتأثر هالالكرتونات من مجاله المغناطيسي مما يغير دوران الالكترون فلو كان شمال يصير جنوب ولو كان جنوب صار شمال، لان الالكترون حسااااااااااااااااس جدًا لأي تغير، فهو اصغر مغناطيس تقدر تسويه، وهذا التأثراللي يصير له واللي شرحته يسمونه بالفيزياء Zeeman effect ببساطة طيب كيف يتأثر الالكترون؟ مهو حنا قلنا ان الالكترون كل ما جاه ليزر اخضر ترتفع طاقته ثم يوم ترجع طاقة الالكترون للطبيعي يطلق موجه حمراء؟ وما قلنا ان عندنا حساس يقيس شدة احمرارها؟ طيب هذا التغير اللي يصير للإلكترون بسبب المجا المغناطيسي اللي يصقعه من نبضات القلب أيضًا يغير شدة احمرار هالموجة بهالطريقة حنا قاعدين نقيس نبضات القلب بشكل ادق من الرادار المليمتري، فحنا الان نقرأ مغناطيس القلب بكل دقة ببساطة، هالتقنية هي حساس مغناطيسي quantum magnetometer مهمته يسوي لقلبك قراءة MCG لكن دقيقة جدًا وعن بعد فدقات قلبك تنتج مغناطيس بشدة 10 الى 100 بيكو-تيسلا من الصدر مباشرةً وهذا الجهاز يقراها بدقة .. مشكلة هالتقنية هي المدى واتوقع نيويورك تايمس بالغوا يوم قالوا 40 ميل، لكن فيه طريقة نخليها تنجح عن بعد وهي الدرونز، واتوقع غالبًا CIA استخدموا درونز لحملها وتوجيهها وما شابه إضافةً لذلك استخدموا AI عشان يساعدهم انه يشيل اي ضجيج من الموجات وهذا سهل وحرفيًا انا في بحثي قاعد اسوي نفس الشي وهو اني استخدم الشبكات العصبية CNN لمعالجة اي ضجيج للموجة هذي هي التقنية واتمنى استمتعوا بالقراءة

🇸🇦🛢️ عاجل - السعودية توقف عملياتها في منشآت الطاقة بعد الهجمات الإيرانية أوقفت المملكة العربية السعودية عملياتها في العديد من منشآت الطاقة بعد الهجمات الأخيرة. أفادت التقارير أن أحد المواقع المستهدفة يشمل محطة ضخ على خط أنابيب الشرق-الغرب (بترولاين)، مما أدى إلى خفض إنتاج النفط بحوالي 700,000 برميل يوميا.