juáncho DEBUXA & DESEÑA

Por fin temos a bolsa da familia descalza que pisa feliz con nós ( descalza clinica de podoloxía ). Por certo, nunca antes pintara as unllas. Pero hai ocasións que o merecen. Son tempos de significarse coa liberdade e contra o odio ( @BorjaIglesias9 @RCCelta ).

Como vivimos unha actualidade de rei sen coroa, e coroas sen reís que saen dos museos polas fiestras, pareceume oportuno amosarlle ao mundo a miña visión do Rei Charlo. Pertence a un grupo de ilustracións de 'Na procura do medo esquecido' da @EditorialGalaxi que desexo amosarvos.

Escribirlle un libro a unha filla é arriscado. Non sabes que pensará de ti cando se decate de que, dalgún xeito, a deixas espida. Metes dentro todas as cores e calculas que algún día entenda que o escribiches porque é o mellor xeito de dicirlle “quérote”. (@diegogiraldez )

🦌🎄🎅🏼 A intrépida Éire e o seu libro envían estes retratos para lembrarlle ao señor Noel e ao carboeiro que apalpa, que existe un exemplar para cada familia galega en todas e cada unha das librarías de Galicia desta emocionante obra. Tamén, e xa de paso, Bo Nadal!

🦌 Ana e Chus Paz da Librería Paz do Porriño están así de contentas porque por fin lles chegou 'O pequeno libro da intrépida Éire' da Editorial Galaxia. Como ben sabedes non se trata dun libro calquera. É un pequeno libro moi protagonista, que non parou ata saír publicado. 🇮🇪

📣 Escoitade o son das páxinas do pequeno libro ao pasar. Hoxe chega ás librarías 'O pequeno libro da intrépida Éire' da @EdGalaxia . Poderedes vivir, por fin, esta experiencia do contacto pel con pel. Este trebello ten de todo: amor, aventura, cómic 💬, misterio, natureza🦌...

... e chegou! @EdGalaxia

Envíame un wsp Marcos Calveiro, Responsable de Edicións da Editorial Galaxia, ademais de escritor, e infórmame: "Chegou 🥰" E engade: "Nuns días na túa casa, para a semana en librarías". E eu, veña a chorar e veña a chorar. Non é para menos. Por fin.

E de bosquexo en bosquexo, imos soportando a presión... #nextcoming #proximamentenatualibraria #PrintingInProgress @EdGalaxia

Se en calquera momento anterior da miña vida alguén me adiantara que ía publicar dous libros coa @EdGalaxia diríalles que era unha puta loucura. Unha salvaxada. É tan emocionante poder ver que as túas obras teñen acomodo no catálogo dunha das grandes editoriais galegas!

Prometido! #nextcoming

Hai moito detrás. Cando creei este personaxe tiña algunha cousa clara. Non moitas. Poucas certezas e moito de aventura hai na construción dunha obra literaria. Hai moito de prestidixitación. Como nun bosquexo a lapis. A maxia dun globo en branco. Con moito detrás.

...acabo de ter unha conversa coa Editorial. Parece que, logo dun tempo anunciándoo, a chegada desta moza ás librarías xa está máis preto. Aínda non hai datas exactas. Pero a ver se o conseguimos para finais do 2024. Teño toda a ilusión e como vou con ela da man, que pode ir mal?

Aínda me quedaba unha última foto que compartir con todas e todos vós... 🧬🔬💊🔭 ACiENCiACERTA, I Mostra de Ciencias na Rúa / Openscience / O Porriño 2024. #Zendal @PorrinoConcello

@mecanohumano @dasilvakiko @GC_GCiencia @VSalgueirino @zendalgroup

Hoxe ás 11 h comeza Acienciacerta, facendo un recibimento a Concha Monje, catedrática da Universidade Carlos III de Madrid e investigadora en Robótica Branda. Ás 18 h estará Roberto Iglesias, profesor de IA no Grao de Robótica da USC. ÁS 19 h Concha de novo e ás 20 h @JanetNovas

@dasilvakiko @mecanohumano @VSalgueirino @GC_GCiencia @JanetNovas @PorrinoConcello

A robótica branda é un tipo de robótica que se basea no emprego de materiais flexibles e brandos para a fabricación dos robots e dos seus sistemas sensoriais e de actuación. Permitirá que no futuro contemos con robots moito máis adaptables e seguros na interacción cos humanos...

🧪⚗️💊🧬 BRUTAL é ver a Concha Monje (@mecanohumano ) e ao robot Teo anunciar a súa visita este xoves a Acienciacerta, I Mostra de Ciencias na Rúa / Openscience / O Porriño 2024. Bágoas nos ollos 😭 ante esta marabilla!!!

Moitísimas grazas ao Concello do Porriño por apostar por este proxecto, a I Mostra de Ciencias na Rúa / Openscience / O Porriño 2024. Tamén especialmente agradecido a Beatriz Díaz, directora de Comunicacións & Global Brand en Zendal Group, por patrocinar.