جبران | تصميم وانشاء متاجر

في 2016 بديت أتعلم التصميم وأنا بالثانوي مو عشان الفلوس، بس لأني حبيته🎨 أول سنة بالجامعة سمعت عن العمل الحر وإن فيه ناس تدخل فلوس من الإنترنت، قلت ليش لا؟ نزلت إنستقرام وبديت أصمم شعارات وكروت شخصية.. والله نجح الموضوع لدرجة إن حسابي صار من الأوائل في البحث ✅ بعدها انضغطت في الجامعة وقررت أوقف وأركز في دراستي لما رجعت بعد كم سنة.. تفاجأت😶 المنافسة تضاعفت والأسعار وصلت للقاع عادي تلقى احد يصممم شعار بـ 5 ريال!! والعميل صار ما يقدر التعب ولا الشغل وصلت لحد إني كرهت التصميم وكنت ناوي أتركه نهائياً 💔 في 2021 جاني عميل يبيع مستلزمات أطفال طلب مني بنرات لمتجره الإلكتروني وبعدها سألني سؤال غير حياتي: تقدر ترفع البنر على المتجر؟ قلت له بجرب😅 رحت بحثت، تعلمت، رفعت البنر وزيادة رتّبت له المتجر كله استأذنته أنزل الشغل على حسابي نزّلت تغريدة شرحت فيها اللي سويته بالضبط بدت الطلبات تجي، طلب وراه طلب 🤯 تعمقت أكثر في الثيمات المدفوعة وتطورت شوية شوية لحد ما صرت متخصص فقط في تصميم المتاجر الإلكترونية على منصة سلة لحظة واحدة بالصدفة مع عميل أنقذت مسيرتي كلها