﮼هاجس‌الشعر

لي صاحبٍ ماهو يقدر ب الاثمان وفي كل موقف طيب ينشاف بدري اجيه واخطي خاطره بعض الاحيان وازل .. وان زليت ؟ ما طاح قدري واحتاج واهوجس واغطرف بالالحان واليا درى ما والله يضيق . . صدري يخلص الشغله والى قلت يا فلان ؟ من اللي خلص شغلتي قال مدري .

طرقتُ باب الرجا والناس قد رقدوا وبتُ أشكوا إلى مولاي ما أجدُ وقُلت يا أملي فـي كل نائبـةٍ ومن عليه لكشف الضر أعتمدُ أشكو إليك أمورا أنت تعلمها مالي على حملها صبر ولا جلدُ وقد مددت يدي بالذل مبتهلًا إليك ياخير من مُدت إليه يدُ فلا ترُدّنها يا رب خائبة فبحر جودك يروي كل من يردُ

المرجله في وصفها مثل الجبال دروبــها وعــره ومــرقـاها عسـر . تميّز الرجــال وقــفات الرجــال في غيـرها والله مايـــكبر لوكـبر . ولا يقـاس الطيب في كثر الريال الرجل رجل ان قل ماله وان كثر . ولا يـبّـرك للحـمول الا الجــمال اللي على الشده لها عزم وصبر . متعب_البديري

الدَّين عز وعزة النفس بالدَّين ومن لايعز النفس يرضى الإهانه والله لو يملك قصور وملايين ما دام ما به دَّين ما له مكانه هذا الصحيح وعنه الاخيار دارين و من ما درا بالحق هذا بيانه الآدمي نطفه ومخلوق من طين و مكلّفه ربي بحمل الامانه محمد_بن_مشرع

كل الديون مسددة الا ديون الوالدين مهما تحاول والله إنك ما تسدد دينها يارب تسعد واحدٍ يبرهم في كل حين ترى الحياه ابدونهم ياشينها يا شينها فايز_المنصوري

من لا يصلي الفرض ماهو ترا بخير مدام مـا صلى صلاته ولا خاف واللي يصلى الفرض من غير تأخير ان عاش ولا مات ماعنده خلاف نواف_الحريّص

واليوم ماني لفرقى الناس مهتمي اللي يبي خوتي بالطـيـب خــاويـتـه • ماتسمع اذنه كـلام الشيـن مـن فمـي وان جاه مني خطيـه جيـت وارضيـتـه • وان جتني المخطيـه طميتـهـا طمّي صـديـت عـنها وعذره ما تحريته • إلا ليا صد واقفى ما التفت يـمي والله ماتاخذني أقـدامي على بيته . مرزوق الثبيتي

اخذت لي عبره من الوقت وافلحت وعرفت فيه الصاحب من الـمعادي - والحمدلله بــ الـتـجـارب تـسلـحـت ووقفت الاعـدا دون حـدي وغـادي - ريـحـتـهـم منـي وانـا منهم ارتحت ولبست ذكـراهـم ثـيـاب الحـدادي - وفي سوق هـراج القفى ماتـربـحت اطـلـب فــرج ربي وشــربي وزادي - حمود الوذيناني

الله يقدّرني على الخــير والطيب ويالله عساني عــــون للي نصاني ,, ويالله عسى من احسن الظن ما يخيب اللي ترك كـــل البشــــر ثم جــاني ,, وجنّب طريقي عن جميع العذاريب مدامني عــالي ومعـــروف .. شـاني ,, جارالله الشدي

يا ساهرًا و همومُ الليلِ تُتْعِبُهُ دعها لربّكَ وانظرْ كيف تنفرِجُ لا تخشَ دنياكَ فالمولى يدبّرها سبحانهُ من كريمٍ ليس ينزعِجُ أنِخ على بابِهِ و اسألْهُ مبتهِلًا بُح عندهُ طالِبًا يأتي لك الفرَجُ

دام البشر ماهم على باب الارزاق ابا اطلب اللي ما بعد صك بابه ياربي ارزقني سعة بال واخلاق وحظ وقبول ودعوةٍ مستجابه .

إن طعتني لاعاد تشره على الناس من جاك رحّب به ومن راح خله لا تجرح الغالي ولا تقطع الياس واضحك ولو بالقلب ستين عله لا تنقل الهرجة ولا تصير بلاس حتى ولو تملك عليها الأدله واحذر تصير انسان ضايق وحساس وتبالش العالم على كل زله واصبر على دنياك بالعزم والباس حتى لو انك عايش فوق ملّه

رفيق المصالح لو تعذر وجاء لرضاك يجي لجل مصلوحه ماهو لجل معروفك تغاضى وسامح وانت عندك عقل وادراك لو يحصّل الفرصه على اكلتك مايطوفك يخاويك ماهو لجل طيبك لجل مخباك يحسدك على رزقك وطمعته مصروفك يمثل خبث مبداه وانت حلو مبداك تغاضى عنه تحسبه واحد من ضعوفك عقاب_الميموني

ِيا واســع الـرحمه يارب العالمين يا مزهــق الباطل وقـــاطع دابره الكل مسلم من جميع المسلمين لغـــير وجهـــك ما تعفـــر صابره تغفـــر ذنــوبه كلهـــا قولوا آمين يا كاســـر العظم السليم وجابره ِ

أسأل الله أن لا يحرمني ولا يحرمكم في هذا اليوم من : رزقه ، وتوفيقه ، ورحمته ، ومغفرته ، ورضوانه ، وجنته ، وصحبة نبيه ﷺ

يالله عسى الوقت يمضي على خير وكل الامور اللي على البال تفرج وتشرق لنا شمس الامل بالتباشير ونلقى لنا من ضيقة الصدر مخرج .

شـهر رمضان اللي به الروح ترتاح وفيه الشـياطين بسلاسل تسلسـل وقـته ثمين وفيـه للخــير مفــتاح لاتـهـدره مابــين نــوم و مسلسـل أشفق على اللي وقته بـهاتفه راح مــرات يســتقبـل ومــرات يرسـل هذي تراها فرصـه لـجني الأربـاح احذر عن الطاعة تقاعس وتكسل علي_الفزي

شـهر رمضان اللي به الروح ترتاح وفيه الشـياطين بسلاسل تسلسـل وقـته ثمين وفيـه للخــير مفــتاح لاتـهـدره مابــين نــوم و مسلسـل أشفق على اللي وقته بـهاتفه راح مــرات يســتقبـل ومــرات يرسـل هذي تراها فرصـه لـجني الأربـاح احذر عن الطاعة تقاعس وتكسل علي_الفزي

لقيت فالتسبيح ساعه من الليل مع ركعتين.اعلاج همي وخوفي شفي من الدله ثلاثة فناجيل وشفي من الدنيا صلاتي وشوفي فلابد من فرقا الاهل والمداهيل وفرقا جماهيري وفرقا صفوفي ' للرائع👇🏻 زامل السبيعي