بندر بن مبارك

وبالنسبة للبيتين ذي الصراحة عبّر عن مايجول في صدري😅 يوم قال : أنا صديق الشعر لكن عدو الظهور مانيب اسابق على الشهرة مسابق هجن عندي قناعات في نفسي وعندي غرور وعندي قصايد لو انشرها دخلت السجن👀

من حظ شعراء النظم ان وصل العطياني اخذته المحاوره ، ووصل يكتب الشعر ب شخصيته واسلوبه الخاص هذا ما يجعله متفرد اللي ماجرب جنون الشعر ما الومه يتركني امع الجنون اسنع اوضاعي احيان احط البحر نصفين واعومه واحيان ادف النجوم البيض بذراعي

الذكي يجلد ظروفه ليش يجلد ذاته والحياة تحارب المتهاون المتطفل واجه الوقت المخيف وصك في صكاته لين تطلع منه سالم بالسلام مكفل والكلام اللي مثل ضرب المخازن هاته الرصاص الحي يا أما صاب ولآ جفل لآ تصير اللي مع العالم على نياته بعد صار اللي على النيات شبه مغفل

بين حي الهفوف وبين حي الوزيه أحْتَشى خاطري والليل يرخي عباته أتوادع معَّ يومٍ طوته العشية وأتوجد على حلمٍ تلاشت رفاته الضمير النقي لا شم ريح الخطية شبت النار في ذاته على شان ذاته ليت لجروحنا المستعصية مرجعية كل جرحً يطيب نْرجعه لـ مْهاته تاق قلبي على ذيك الرسوم الخليّه كنّ قلبي يْطمني على ذكرياته لعنبوا لايمي في حب نجد العذية موّلد الشاعر المجروح و أغلى بناته من عشق من ديار العزوة الفيصلية ما يْلد النظر للغرب ومخلفاته هايف القد: لو خانت يْديها يديّه حبها فالحنايا ما تزعزع ثباته طيفها كل ما مر العيون الشقية أخلف الموّمن اللي خاشعٍ في صلاته بعد ماشفت فيها الشِعر و الشاعرية صار عندي على بدع القصيد استماتة خيّرة العاديات الصفر ساس وهوية ما ربت عند مَن يرفع عليها عصاته تشرب التَّيْه قدام الوجيه القوية كحلة عيونها تكحل عْيون الشماتة واحدٍ ما كسب من ودها لو تحية لو ينوش السماء بيديه وش منجزاته كنت في ضفها مثل الخوي مع خويه يْحفظ قيمته ويعرف يقرأ سكاته لين شفت الرموش العكف صارت ندية مثل حدّ الرهيف اللي تقاّطر شباته قلت: ما دايم إلا وجه رب البرية الوصال انتهى عمره وحانت وفاته الخطا مستحيل يكون منها عليّه غير هذا خطا قلبي وهذي جزاته جعل يسقى علي عاد الحياة الشليه قبل عوج الرقاب تْعاود الإلتفاته يا عواذل ترى مانيب احفظ الوصية من يبيني على ظنه يوفر وصاته قلتوا الحب قلت: الحب أمان وحميّة قلتوا الكره قلت: الكره يوّقض سباته أذكروا قيس وش صابه من العامرية وافزعوا لي قبل والله لاسوّي سواته

يكسر الليل ضلعٍ مثل قوس الربابه والمدى ما وراه الّا نصايب جْراحي يوم أعدّي بعيني فوق متن السحابه كنّي أدفّها عنوة.. وأجرّي رياحي للقلق والطواري والمللّ والرتابه جرةٍ ما قطع خطواتها إلّا رماحي في رجاء فجرٍ يزف الرضى والرحابه وأحتفي فيه وأنسج من نسيمه وشاحي مابقى غير صبرٍ ، يفتح الله بابه وكلمةٍ في حشاي وطلقةٍ في سلاحي ووقفةٍ ما تزيد الا مقام ومهابه أتقلّد وراها فرحتي وإرتياحي أنهب الضحك من سود الليالي نهابه لأجل يضحك على سود الليالي صباحي وأتجلّد ورى قلبٍ ما يبرى صوابه وأتلهفّ على حلمٍ وراه إنشراحي كل ما أنسى نديمٍ ماوصلني كتابه حاصرتني عيونه من جميع النواحي كيف أدلّه وكل البيد جرح وصبابه والظمأ فالركاب وفالمدن والضواحي أهيّفٍ يعطي الضحكة ويذخر عتابه ودّي أعطيه ماء عيني وصافي قراحي كمّ لي أنشد مداهيله وأشددّ ركابه لين ماعاد باقي بكرةٍ في مراحي

مدري وش اللي يامشاري وانا اخوك جدد بذالليل المبارك شغفنا بعد البطا بالشعر ذالليل مبروك صلنا وجلنا بالغنا وحترفنا جزل الكلام بكايد الفعل مشروك واما الكرم تعطيك علمه ضيفنا لاضاع فالطوشه مدرس ومملوك حنا حرار ما بِلينا وخفنا تصنع لنا الساحة شهادات وصكوك بشعر يعزز ورثنا من سلفنا قبل اصل العشرين والشعر مدهوك سعيت للابداع لين انتصفنا وخاشرتنا الشعار في كل مبروك وخليته وذلحين نبدي اسفنا ماهوب من قل الجهد بس ممسوك ولون لي فرغه ماكان اختلفنا انسف بمسباحي ثمانين صعلوك ولانيب عاجز مير شفنا وعفنا ولولا الكرامه ماخلا الجيب والبوك وراس الطمع نعمن يجي في صحفنا لا زان جوي ياسما الشعر ماجوك يعاودون الكره اليا انصرفنا ولو طالت المده مافي دربنا شوك وحتى لو انا بالسبب ماعترفنا نغيب وان جينا على الساحه ملوك لاجات صكات المواقف وقفنا بمعدّلٍ للعز مزهب ومفلوك وبعدته في واجبه ماختلفنا اما بمدح في مجرب ومحكوك نمطر عليه ولابغانا غرفنا ولا فزعنا به لضايق ومتروك ومادام نقدر واجبه مانحرفنا وان جا الفخر فالباب واسع ومفكوك نفخر بمجد نذكره لين نفنا ياعمر بن كلثوم لو ربعك اطغوك فلا علينا زود وانت تعرفنا لافض فو صوت التفاخر ولافوك من جا بيفخر لايجي في طرفنا كم واحد يملى الفضا حكي وضحوك وجده بخير وعايشن في كنفنا بندر :(

@1_mohtrm @algoos_a هذا الكلام اللي عليه البصمات بصمات اصابع صاحبه قبل دمه المحترم ماهوب محتاج لإثبات دايم إثبات المحترم قول فمّه واللي قصائدهم بضايع بقالات فالقاع و يشوفونهم فوق قمه والساحه اغلبها حروب وصراعات والمخطي اللي يحسب الحذف يمّه إذا سمع له واحداً بالقنوات حصّل مجال وفرصه لنفث سمه

اشكي على الله وانا عبدٍ ضعيف وفقير يزين اللي كبير القوم ما زينه ويرزقني بما دعيته عاد سني صغير كبار الاحلام لا جانا الكبر هينه ما ودي الناس تدّري اني بوضعٍ خطير لو بان في بيت وضعي صرت متشينه صدوف الايام ماترحم رحاً تستدير المبدع تحاسبه والقادم تدينه في وحدتي من غثاها كني المستجير اللي حدته الخصوم وعصبته لينه الحظ لا زان خلاك اتعدا جرير لو كان ماعندك الا شطرٍ يبينه الحاضر احلى من الماضي لو انه مرير بكيفه الشاعر يصفيه ويطينه مايدعم المبدعين الا نظيف الضمير الابداع واجد لاكن الانصاف من عينه

تبادل الرتويت بين الحسابات لانيب لا احبه ولانيب اذمه احرص على المبدع والابداع بالذات واجنب الي كل شي يخمه مليانه الساحه حراك وحركات كل على يشوف انه كبير معمه احد يشيل هموم تركيب الابيات واحد تشيل بيوته هموم الامه بعض القصايد كلبوها فلاشات وبعض القصايد حيدة وسط جمه خلو هل الموضات واهل الدعايات وخلو المهم يدور الي يهمه لحدً يشوه سمعة اهل القروبات اصحابنا غالين واصحاب ذمه

تداعت أحزان قلبي تالي الليل ناغشتها بالقصايد والأغاني هبت وصبت على صدري هماليل لين اللّتطم سيلها بين المحاني الدمع ما يرخصه رخص المناديل الدمع فوح القلوب اللي تعاني وأنا كثر ما تحملت الغرابيل ما زلت بين التهاون والتفاني دايم رهين المشاعر والتفاصيل لي شخص ثاني ولا لي وجه ثاني أحيانًا أبكي على غيب المقابيل وأحيانًا أضحك على قسوة زماني وأحيانًا أغيب عن مجلس رياجيل وارجع وأعّين مكاني في مكاني وأحيان تزعلني أصوات المواويل الين ترضيني ( السبع المثاني ) وأحيانًا أضيق من مَدحة وتبجيل وأحيان أبي كلمةً تنصف كياني وأحيانًا أحزن على بعض المداهيل واقرا تجاعيدها على المباني وأحيان وأحيان لا قوة ولا حيل حتى الكلام يتلاشى في لساني (غرابة إنسان) بين الحط والشيل اللي قرا ما كتبته.. ما قراني والله لولا الحيا والقال والقيل لا أصيح بالصوت في كل قحطاني

محد عرف قدر المعروف وصوّر قيمته شعرياً مثل سعود مبارك: " عطايا النشامى في رِقاب النشامى دين مايفرح بها الا .. واحدٍ ما يثمّنها " وهو الي يقول: " ادري إن قضيت لزومي بدقة تلِيفون مير خايف من جميلٍ علي يصعب جزاه "

يا مرسله مع السلامه .. سلامات ! لا تكتبين آخر ( فصول الروايه ) اللي تعذب في غرامك سنوات الله يعصمه بـ الهدى والهدايه مشكلتي إن قلبي رهين البدايات مهما حصل ما يعترف بـ النهايه

طاب جرح و باقيٍ جرح عيا ما يطيب الفراق يجدده و الوصال يدمدمه يا سنين العمر بدلتي الممشى خبيب و المنايا في عقَاب السنين مدرهمه في الحنايا كل ما هرفت شمس المغيب واهجٍ لا احتلت اقوله و لا احتلت افهمه عن شعور الهقوه تخِيب ولا ما تخيب سامحٍ من ساير الناس طيب و رخمه بعد ما علقت قلبي على الغُصن الرطيب خلوا المظلوم يستعطف اللي يظلمه شعشعيلي يالكحيَله مشعشعة السبيب و اصهلي بالصوت لا صار لـ الخيل رهمه ما تعلى صهوتك مَن محاضيبه قريب مكرمه في ضف من تعرف الناس اِكرمه يا زلال الكيف من خمرة الصفر الربيب قندي راسي بخمرك عشان استطعمه ما عليك من الليالي تجيب اللي تجيب قد بكينا حلمنا الواقع الله يرحمه اسرقيني من حنين الوطن عند الغريب شاعرٍ قد جف صوته ولا جف قلمه ان بغيتيني طفل و ان بغيتيني حبيب و ان بغيتك شاعره و ان بغيتك ملهمه لا تبدين المعاذير .. لـ القلب الصويب والله إن حتى الخطا من سموّك مكرمه طعنتك في جوفي ألذ من شُخب الحليب شُخب معطارً على حوارها .. مترزّمه كثر ماني بتمناك و اخاف النصيب التزمت الصمت بين الحكي و التمتمه سدي و سدك على غاية انفسنا قطيب و الهوى يعتاش بين السدود المبهمه

ياريف قلبي سلامة وجهك الزين اللي تخالط معَ حسنه شحوبه اقرأ سوالف عيونك لو تخبين لا يمكن تكون هالنظرة كذوبه بيّن عليك التعب والخاطر الشين كنّك على ضحكة الضحك مغصوبه ان كان ودك على اللي فات تبكين قبلك بكينا على حال العروبه في كل حالٍ من الأحوال تبقين اول دروب الغلا واخر دروبه عانقت ركبك وحيد وخالي ايدين إلين ما صار لك قلبي ، ركوبه الواضح انك خلقتي له جناحين اشرق معك بعد جمّلتي عيوبه مَيّزت وجهك عن وجيه المزايين على امتداد النظر دوبي ودوبه مِن حِدة الحاجبين الساطيه لين ! البحر والثلج والنار الشبوبه لرضاك لو تطلبيني دمعة العين هانت ولو دمعة الرجل محسوبه على كثر ماعطاك الله مْن اللين مزاجك العنجهي كله صعوبه تبقى مرابي صْباك سنيين ودنين فالصدر عن باقي الناس محجوبه حتى اسمك اللي جرا مجرى الشرايين صوبه وعند البشر مانيب صوبه يدري به المقتدر رب الثقالين والجن والانس والله مادروا به هذي قصيدة حبيبك بين قوسين تقطّر جروح وتقطّر عذوبه

ما يفرق لا صبي ِ توه وفيه شيب راسه حرم كعبة ضاقت بـ طوافها الابداع الي عليه الكلام

تعبت و تعبنا و النتيجة ما غير أصفار و الأصفار بالأصفار وشلون نضربها ودّك بيت بن زويبن هذا يكون قفلة لكل جدال عقيم ما منه فايده

🚨 عاجل : السعودية تعلم ماذا حدث في طهران، وتعلم جيدًا من خطّط ودبّر للحدث الأخير، وتملك من المعطيات وبنك المعلومات ما لا تملكه دولٌ أخرى. السعودية ليست بالضعيفة، وليست بمن يُستدرج إلى ردود أفعال متسرّعة، وليست بمن تُدار من خلف الستار. هي دولة تعرف متى تصمت، ومتى تتكلم، ومتى تتحرّك… وتدرك أن التوقيت جزءٌ من القرار، وأن الحكمة قوة، وأن الصبر استراتيجية

اللهم احفظ السعوديه العظمى 🇸🇦🇸🇦🇸🇦🇸🇦 راس الخميني سقط ياراس ( تنوره ) يفداك، راسه وتاريخه و كرسيّه ' وانتي سقط دون حدك شرخ ماصوره حديدةً من مصد الجيش [ عاديه ] ' تبجحي في ذرى سلمان اخو نوره . وولي عهده ( وقوات السعوديه ) ' #راس_تنوره #مصفاة_رأس_تنورة

سيفٍ يعدل الميل و يضد الحريب و يقدم على الجمع الغفير و يفرقه ! #محمد_بن_سلمان #الحرب_العالمية_الثالثة

قصيدة الشاعر فلاح القرقاح التي القاها في احتفال #إمارة_المنطقة_الشرقية بمناسبة #يوم_التأسيس