علي العسّاف

مشاريه خلق الله ما عادت (ما بين اقواس) وانا انسان من مده ترك كل ما يكره .. لا يشره علي إلا سنافي وطيّب راس وضعيف الروابع ياكل تراب لا يشره

ما احدٍ نزت به نفسه لـ ذلِّك نزو لا صرت للي ما انتكس بيرقه جار جارٍ فتح داره لنا وقت الغزو ماهوب ذاخر عننا فتحة مطار ..

قلب المحكحك يشبه الضلع المنيف لا شاف حكّة عوده الهافي محك ما يشتكي جور الزمان الا الضعيف ولا السنافي لا كبر همه ضحك ..

يا خال ما عادت منافس بهايم وصوت العزاوي يصطلي فالميادين تكاتفو دونك وساع العمايم من حِلة الصيهد لـ هضب الدياحين روسٍ تذب الريع خل الخرايم للي يدّور مجد ربعه ليّا الحين في مزاين وغير المزاين صتايم يوم السيوف الحدب دون البعارين اسمًا تصدّر في جميع القوايم على المراكز الاوله دوم شرهين الين جيت بجيّةٍ ما تلايم ساطي ولا لك خشر فوق اربع سنين نايم ولا همّك مجي التهايم ومطير ما نامت لها حول يومين ترقب زعل واحمد ونشمي ودايم اسماهم ترجّح كفف الموازين الا لا جا بوشك حريب العزايم وروّح هقاويهم على واحد اثنين صدّوا مصدّه ما وراها ظلايم " يدٍ ما تقوى ردّها قدّم اللين " العام خليت البنادق غنايم وزدت العشيّه كل صفرا حمر عين ما يقلط الناموس ويروح صايم لا صرت من ترثة معشي القطارين ' #عبدالله_الدبوس #مهرجان_الملك_عبدالعزيز_للإبل10 #زعل_الديحاني

رتم القصايد مع فجع الضماير يزيد ما زال للشمس نورٍ فالسما شارق انا بحاجة فراق يهزني من جديد الشعر زينه لا صار الشاعر مفارق

متواتر اللفظ في طيبه مع المسلمين أحسبه والله حسيبه مدحته سنه من زود ما ختّم الافعال دنيا ودين ما عاد باقي له الا يدخل الجنّه ..

انا اللي بغير العشق مترامي الادراك وفي حلته مع كل نبضة خفوق أثمَل واشوف الدروب الواجده درب للتكّاك على كثر ما اهمّل مساريه ليت أهمَل سبورٍ وقف خوف يتعلق بعيد هناك ليا اجنب بعقله ، قلبه لمن يحب اشمَل تذكّر يا قلبي من قبل لا تجيب اقصاك " ترا دايم اللي تعشقه من بعيد اجمل "

مرحليه بعنوان : وديعة نفس ' سرت والعمر دربٍ بعد عينها مسدود عسى الله يحرم وجهها الغر نيرانه بكاها بكى ال مره على جابر المسعود فقيدٍ تثاقل حثْية الرمل دفّانه وانا ابكي وديعة نفس ما مسني منقود لو ارخي لها دمع رحم مسّة اجفانه لا جا بيته لساني احس بطعم بارود من يلومني في كره صح الله لسانه

قل للحزين اللي من الدنيا فلس المقبلات آغر من وجه الـ أُوَل من يرفع التاريخ كله لا جلس يرفع وهو يضحك عقوبات الدول.. #محمد_بن_سلمان

خير خلق الله تعالى قيل فيه مير سكّر دونها سمع وجفن ما يعذرب راعي الطيب النزيه عادة اللي يعذرب الطيّب ( عفن )

حبيبي وفطرة الآدمي تسبق الأدراك ولا يرحم الثنتين فرقى العيون الورف تخيّل حقاق المزن وصوته بعد فرقاك غدى امر وامغث من مشاريه قاصر عرف

رفيقي وانا اعرفك مشارهك بالميزان ولا انت الرفيق اللي كلت راسي اسألته لا تشره علي ان كبلت صدري الاحزان ترا الطيّب احزانه تجي بقدر مرجلته..

@dawwodalshmriy صح الله بدنك 💐

@l3saF صح الله لسانك

اللي ذوت من فقد شيّال الحمول وجروحها من بعد عينه غايره قولولها ترقب على الباب الوصول ماعاد فيها زاير ولا زايره دام ابن عمه يحتمي قول ويطول يموت ما دارت عليه الدايره من كثر ما فعله فرق بين الزحول عجزت حتى فالقصيد اسايره شيخٍ جعل بنت السما مثل الزمول اللي حداهم شوق عين الذايره صرح بعلمٍ ثوّر اصحاب العقول راحت عناوينه شراته ثايره " من بعد ما سبّل نوادير الفحول الشمري ناوي يسبّل طايره "

@benjadaanayed صح الله بدنك ، ولا عليك زود يا ابو جدعان 💐

@l3saF ماعليك زود ياعلي وصح اللسانك وافي ومجمل

حجّت وانا ما كان لي نيّة رَفَث مصبرٍ نفسي عن اللي تشتهيه لكن بعد ما قرّب ابليس ونفث ما دون حلق الأدمي إلا يديه اللي كسب ماهوب مثل اللي ورث افْرق من اللي ( يشرّه ) و ( يشْره ) عليه الله يعاقب من حشى الذود وحرث ويرحم كريمٍ عدها تِركة ذويه جا يصنع التاريخ ما يصنع حدث متحملٍ هقوات قومٍ تعتزيه يومٍ لمح من بعد ما كبّر خبث " فارق محلٍ ما يقام الفرض فيه " واللي ثلاث ارباع مجده بالعبث ماهو بكفو لصاحب المجد النزيه ..

كرهت الحضور الدايم الباهت المنعاف وعشقت الغياب اللي غنايمه معروفه على كل حال أنا ( علي شاكر العسّاف ) الى غبت بالشوفه والى جيت بالشوفه

@Saif_AL3yadah عسى الله يتمم لك على خير ويبني بيتك يا ابو بندر

عرّضتني للطريق الواعر كلمةٍ منها الحليم يغيّب وصعّرت قلبٍ من الله صاعر كل ما جاته نقيصة خيّب ما يصد مْن الهوايل ذاعر ويتصدد خوف يزعل طيّب .. ليتها كلمة ذليل وداعر كان جاه اللي يشوق الثيّب ان عجزت اطلّع اسمي شاعر جعلني مغمور لين اشيّب ..