المحامي / عثمان العامري

حضرت مستعينا بالله الى الجلسة القضائية المنظورة بين تاجرين ، فسألت المحكمة المدعي عن دعواه ، وبعد ان سمعنا دعواه ، تبين ان الحق المدعى به ناشئ منذ عام ١٤٣٨ هـ ، فقدمنا جوابا لم يتجاوز السطر الواحد وهو نص المادة ( 24) من نظام المحاكم التجارية والتي نصت على ان الدعوى التي تختص بها المحكمة التجارية لاتسمع بعد مرور خمس سنوات تبدأ من نشوء الحق ، فعرضت المحكمة هذا الجواب على المدعي فأجاب بأن المدة تبدأ من صدور النظام فأجابته المحكمة بأن النظام صدر منذ مايقارب الـ ( ٧ سنوات) ثم انتهت الى الحكم الوارد بالمنطوق.

@Askmuhami رفع دعوى بالحق الخاص

من الخاص📩 السلام عليكم أنا في واحد قذفني قذف صريح ودخل في عرضي، ورفعت بلاغ في كلنا امن، بس ذحين وش الإجراءات الي المفروض اسويها؟ انتظر؟ ولا أتواصل مع محامي ولا وش اسوي؟ (الأدلة على القذف موجوده عندي )

@Askmuhami صك الاعالة تم ايقافه منذ سنوات.

من الخاص📩 السلام عليكم أنا اخوي توفي وقبل وفاته كان هو المسؤول عني بكل كبيره وصغيره وشؤوني كلها . ما عادا أموري الماديه.. لاني متوظفه. ومتزوجة بس زوجي ما ينفق علي بحكم ضروفه صعبه وانا بعيده عنه بمنطقه ثانيه ؟! تبعد عنه ٨٠٠ كيلو. في هاذي الحاله هل استطيع استخراج صك اعاله من اخوي المتوفي؟! وانا متنازله عن الورث بس احتاج الصك لإثبات في العمل

@Askmuhami الام هي الولي مالم تخل بالمادة 140 من نظام الاحوال الشخصية

من الخاص📩 السلام عليكم هل يحق لجد اليتيم القاصر من الأب انتزاع الولاية من أم القاصر بعد صدور صك الولاية للأم بحجة أنه هو الجد وأنه هو الأولى وأنه لاولاية للنساء بحد زعمه علماً ان الأم غير متزوجة ولم يحدث منها تقصير بواجبات الولاية

@Askmuhami يحق لهم رفع دعوى فسخ نكاح

من الخاص📩 السلام عليكم اختي تملكت و صارت تطلع معاه بسيارته للمطاعم و كافيهات و هو مايبي اختي ولا يبي يطلق هو يبيها ترفع خلع هل يحق لها ترفع خلع وهل المهر و الشبكة تكون من نصيب مين؟

@Askmuhami قال النبي ﷺ : لانكاح الا بوليّ والمرأة التي تزوج نفسها دون ولي فكل جماع بعد هذا الزواج هو زنا وخارج الاطار الشرعي والنظامي

من الخاص📩 السلام عليكم لو سمحتو سؤال انا مطلقه وعايشه لحالي وخطبني واحد وانا في مشاكل مع اهلي وماراح يرضو يستقبلوه هل انا اقدر اكون وليه نفسي وازوج نفسي ؟

@Anas_bin_lagdam في اغلب تغريداتك يا أنس تنتقص من زملائك وتقلل منهم معتقدا بذلك انك ستبرز بهذه الطريقة وستصلح فريد الديب السعودي واعتقادك خاطئ.

في دورة المياه -أجلكم الله- بمكان عام، أتحدث مع أحدهم بحديث جانبي عن قضيته التي أتولى متابعة إجراءات تنفيذها؛ وأبلغه بالمستجدات. وأثناء النقاش إذا بأحدهم يتطفل ويتدخل بالحديث دون سابق، وبدأ يبدي رأيه🙆🏻‍♂️، وشعرت أن في لهجته بعض الاستعراض ثم انتفخ صدره معلنًا: “أنا محامٍ”. فعرفته بنفسي بهدوء: وأنا كذلك🙋🏻‍♂️. فما أن ذكرت الأخيرة إلا وبدأ بعدها يناكف محاولًا إبراز نفسه، ومن ضمن الحديث ذكر معلومة غريبة ما أراد بها وجه الله🙅🏻‍♂️ إنما قالها خبثًا، فقال: - سجن المنفذ ضده منصوص عليه في المادة 34 من النظام. قلت له: غير صحيح، المادة 34 تناولت إجراءات التبليغ....إلخ فضحك وقال: راجع نظام التنفيذ. هذا الموقف الذي لم يطل أكثر من دقيقة، كشف لي أمرين: • الأول: لم يكن هدفك نقاشًا علميًا، بل أنك تريد أن تسحب موكلي بطريقتك الخبيثة، عبر إظهار نفسك بمظهر الأعلم، ولو بمعلومةٍ مضللة، لتصغرني في عينه، آسف ايه الزميل خبت وخاب عملك. • الثاني: حاولت إبراز نفسك أمامي وأمام موكلي في دورة المياه😶‍🌫️، فحطيت من نفسك. ماذا يقول الأدب المهني؟ 🔸️لا تدخل في حديث جانبي بين المحامي وموكله، لأن تدخلك لا يفسر إلا بمعنى واحد، محاولة اصطياد. 🔸️إن كنت بلا أدب مهني؛ على الأقل قل معلومة صحيحة. حنيذهم ولا غلطة🤎

@Askmuhami التفويض ثم التفويض ثم التفويض

@Askmuhami عرف نظام مكافحة التحرش التحرش بأنه كل قول او فعل ذا مدلول جنسي وهذا لاينطبق على حالتك

من الخاص📩 السلام عليكم طلبت حاجة تخص العمل من مشرفي واعطاني وقال لي "تدلعي" ، هل هذا يعتبر تحرش لفظي او لا؟

@Askmuhami توجهي الى مستشار اسري واجتماعي

من الخاص📩 السلام عليكم انا متزوجه وساكنه بمنطقه ثانيه عن اهلي وزوجي لي سنوات وانا اعاني منه يهينني ويذلني انتي مااعندك احد انتي محد يدري عنك والله اني اسكت ليل نهار معي قولون منه وراسي كله شيب واذا زعل من شي تافه يطلع من البيت ويحظرني ولايرد علي ويرجع اخر الليل وينام عاى هالحال اسابيع وشهور وانا عندي بنت صغيره تعبانه والله مره زعل سحب المودم وانا مالي احد يارب انك ترحم ضعفي وقله حيلتي بالعيد ماشفت احد يقول ياحرام مااعندك احد ويروح وينبسط وقلت له ابي اطلع ثاني عيد قال والله لو تطلعين مع الباب تجيك ورقتك يهددني مهي عيشه تهديد وكلامه سم صبرت الى متى لاعيد اشوف احد اقعد شهور مااشوف احد ولااتواصل مع احد والله انها تعبت نفسيتي حتى عيالي تعبت نفسياتهم انام وانا ابكي اصحى ابكي ابي احد يرشدني ابي احد يصبرني فوق صبري لاتقولون ارجعي لااهلك مااقدر ابوي رافض الانفصال ويخون من قدامي ويسافر دايم لحاله ويقول انا مااشوفك شي انا اخليك بس تربين الصغار انتي عندي مثل الجزمه انا قلبي مايتحمل اكثر واخاف انفصل واخاف استمر والله يضربني ويروح يعلم خواته ويضحكهم ترى ضربتها وبالعيد ترى ضحيت بها ويضحكن وكل شي يصير بالبيت عند خواته كل شي اذا انا مخطيه ابي احد يرشدني انا والله بس انتظر متى ربي يااخذ امانته لانها مقفله من كل جهه.

@Askmuhami في حال عجزك عن احضار دليل او شهود فليس لك الحق ان تحلف . ولكن يمكنك طلب اليمين منه في هذه الحالة

من الخاص📩 السلام عليكم سلفة شخص فلوس كاش وبعدين صار يعطي وعود وسحب علي اقدر اشتكيه ويحلف عند الشيخ او انا احلف

@Askmuhami النيابة العامة ستقيم الدعوى في الحق العام ولها ان ترفع دعوى بالحق الخاص عن الضرر

من الخاص📩 السلام عليكم اختي ضربها زوجها وكلمت اخوي وجاء ضرب زوجها في بيته وصار فيه تدخل من الشرطه واخوي موقوف ايش الاجراء الي تسويه اختي هي اخذت تقرير من المستشفى عن طريق الشرطه ومده الشفاء يومين هل ترفع دعوى في المحكمه عشان يتحاسب زوجها

@Askmuhami عقد جديد ومهر جديد

من الخاص📩 السلام عليكم زوجين صار بينهم خلع رسمي والان بيرجعوا لبعض وش الطريقة ؟

@Askmuhami ليس لكم الا التعويض المالي بقيمة التلفيات ثم تقديم الحكم لمحكمة التنفيذ

من الخاص📩 السلام عليكم نحن ثلاث أخوات ورثة لعقار تم استئجار شقتين من قبل شخص لعماله ( هنود وبنغال وجنسيات اخرى ) تم تمكينه من العقار من قبل مكتب عقار بسند قبض دون توثيق العقد طيلة ٤ سنوات وجلس يماطل كوننا نساء وبعد المحاولات في إخراجه والشكاوي عليه خرجوا بعدما اتلفوا السكن بالكامل تخريب جدران وتقطيع أسلاك الكهرباء وعدم دفع فواتير الكهرباء ذات المبالغ الطائلة ، رفعنا قضية في المحكمة وخرج خبير لمعاينة الحالة وبالفعل تم اصدار تقرير بالخرابات وان الضرر عليه ١٠٠ ٪وتم دفع مبلغ ٣٠٠٠ للخبير من قبلنا فنحن المتضررات في كل الأحوال ولدينا قضية مرفوعه عليه بالمسؤولية الناشئة عن الفعل الضار وطلبنا من القاضي إلزامه بإصلاح ماتم إفساده لانريد مال لأن شخص عليه ايقاف خدمات بنكية ومتعود على أكل أموال الناس ولن يضره شي لو حكم عليه القاضي بدفع مبلغ مالي،، إضافة إلى إننا عندما أضفناتكاليف الخبير على القضية جاءتني ( انا الأخت الكبرى رسالة بوجود تكاليف قضائية علي أنا رغم أنني صاحبة الحق والمتضررة سؤالي : ماذا اكتب في الاعتراض على التكاليف القضائية حتى تسقط عني وماهي الطريقة اللي نستطيع ان نجعل القاضي يلزمه بالإصلاح دون طلب مبلغ مالي لأننا لن نستفيد من ذلك بسبب ايقاف خدماته وتعاملاته البنكية.. أفيدونا جزاكم الله خير

@Askmuhami الدخول الى القضية - الطلبات - طلب ترك خصومة

من الخاص📩 السلام عليكم عندي استفسار بخصوص قضايا الاحوال الشخصيه انا سويت طلب فسخ نكاح من ناجز و كان في ٣ جلسات صلح وكل مره يحطون الموعد انسى ادخله الان اغلقو ملف جلسات الصلح وانا اصلا ابغا اتراجع عن طلب فسخ النكاح وش الحل الان او ايش الي بيصير

@Askmuhami رفع دعوى للتعويض

من الخاص📩 السلام عليكم أنا مراجع من ذوي الإعاقة عند جهة حكومية الموظف المسند له موضوعي نتج عن تقصيره واهماله وتضليله اضرار مادية ومعنوية لي وتجاهل الاخطارات مرارا وتكرارا ولان البينة على من ادعا شكواي مو عاطفية او انشائية انا وثقت كل شيء وتقدمت بشكوى لمرجعه من شهر وباقي ما جاء الرد، والصدمة حولوا المعاملة مباشرة للوحدة إللي هو مديرها رغم تضمن طلباتي تحقيق ومساءلة تاديبية وتعويض ويستحال مرؤوس يحقق مع رئيسه المطلوب بعد ما سالت البعض قالوا اختصاص ديوان المظالم ضيق والتعويض اصعب شيء والديوان متحفظ فيه جدا الموظف اللي سواه فيني مو شوي يعلم الله هل فيه مسار اقدر ارد من خلاله اعتباري حتى دون اي تعويض صحيح ماردوا حتى الان لكن لي تحفظات عليهم اللي هم الجهة وما اتوقع منهم شيء

@Askmuhami رفع دعوى ( مطالبة بمستندات) شريطة اثبات وجودها لديها

من الخاص📩 السلام عليكم اخت زوجي ماخذه اوراق زوجي الثبوتيه كيف اخذها منها؟ بطاقه الدوام وبطاقة العائلة وشهادة الوفاه وكل شي يخص زوجي حتى بطايق البنك المجمده خذتهم بعد الوفاه

@Askmuhami التأكد اولا من وجود أدلة ثم رفع دعوى امام المحكمة الجزائية للمطالبة بتطبيق الحد

من الخاص📩 السلام عليكم ماهي عقوبة القاذف بالسعودية ؟ ووش الاجراءات الي اتخذها ولفظ الجملة كان يدل على القذف ١٠٠ بالميه والتشكيك فيني

@Askmuhami مادام طلب منك الخروج فالدخل ممتاز

من الخاص📩 السلام عليكم الله يعافيكم أنا شاب سعودي وفتحت مطعم بروست لي شهرين والله اني ادفع من جيبي ولا يجيني العامل يقولي اطلع واعطيك 4500 كل شهر ي جماعه الخير كيف اتاكد انه المحل فعلا م يدخل فلوس

@Askmuhami الافضل تعيين حكمين للصلح

من الخاص📩 السلام عليكم احنا ساكنين عند اهل زوجي مر على الزواج سنتين لكن خلال هذي الفتره ابو زوجي نظراته وكلامه ابداً مو مريحين زوجي ملاحظ وجالس يقيدني بالملابس ويقولي لا تجلسي معاه لحالك برضو خمسه مرات يدخل الشقه بدون اذن وانا بوضع غير مناسب مرتين منهم زوجي كان بالدوام بعد ما بدل زوجي مفاتيح البيت ابوه صار يضغط علينا بموضوع الحمل وصار يسوي فتنه ومشاكل على الخرجات والطلبات بختصار يشككه فيني الان كملت شهر عند اهلي زوجي رافض يطلق ورافض يوفر سكن مستقل احتاج نصيحتكم ماقدر اقول لابوي لان ابو زوجي صاحبه وهل يحق لي طلب فسخ نكاح للضرر؟

@Askmuhami من حيث الاصل كل مايبنى فوق عقار ولدك فهو في ملك ولدك مادام في ورقة توضح انه مدين يمكنك رفع دعوى قرض امام المحكمة العامة

من الخاص📩 السلام عليكم ابي استفسرانا قبل خمس سنوات بنيت ملحق فبيت ولدي بحوالي ٢٠٠ الف..وكان بيني وبين ولدي ورقه بلمبلغ فحال طلبتها منه يعطيني ايها...ولان انا متظرره بسكن مع ولدي يطفي عليا الكهرباء ولماء بحجة انه مديون...هل استطيع رفع قضيه ارجاع مابنيت به فبيت ولدي...ام ان الورقه لاتثبت حقي...افيدوني