فهد الروقي ,

والله لتبقى على عرش الغلا يالغالي و المحبه مثل ماهي لو تطول الغيبه الفراغ اللي لك بـ قلبي بيبقى خالي من يبي يملا نفود السرّ عقب عتيبه ): - عبدالرحمن بن جزاء

قلبونا تضعف لاطال الجفا منك وفي كل يوم تمر صدمه قويه ابك العن الشيطان اللّٰه يلعنك لاروح في عيد الضحايا ضحيه

مضارب عيونك ياباشة الغيد كنها شلفا شليويح العطاوي ياحظ اللي يشوفك نهّار العيد كاشخ وحاذف جميع الغطاوي

ياخالقي للوجود . . . . وخالق ٍ غيري أذكرك وأشكرك ولْك الفضل والمنه غير الأمل فيك ماعندي عمل خيري واحيان أخالف نصوص الشرع والسنه هايب و تايب ومعترفٍ بتقصيري ماعندي اعمال ٍ تدخلني الجنه - سفر الدغيلبي

يا وجد حاالي . . . كل ما ناح قمري على الطموح اللي . بديت انزعج له حظي مغير ( يعرقل ) احلام عمري لا شـاف حلمٍ . . جـايني مد . . رجله - سلمان النصيف

الغي قرار البعد ياقرة العين مالك ومال اللي يثور جروحي أنا دخيل اللي مكملك بالزين ياماخذه عقلي وقلبي وروحي لاتوادعيني قبل ماتستخيرين ولاتستهينين بشواهق صروحي على العموم اذا نويتي تروحين أخذي يديني في يدينك وروحي - عبدالرحمن بن جزاء

الدراهم زينة الدنيا وانا فاقدها والكرامه ماتخليني ودايم عندي والليالي بالدراسه ليتني راقدها الشهادة جامعّيه والوظيفة جندي - نايف الردعي

ياوجد حالي وجد من خاطره شين والوجه من كثر التفاكير سوّد باسباب هم ٍفي الحنايا له سنين اليا طمع بالعافيه منه عود أو وجد من دافع عن العرض والدين وله سنه وسط المحاكم يقوّد على عشيراً من حساب المقفين يطري عليه كل مالليل هوّد - ماجد النصيف

والله لو الدعوه على الكيف يا عناد لا اضحي ل جدي ول ابويّ وليّه واقول للي حول بيتي من اجواد قيمة ضحاياكم تراها عليّه لكن انا لي وقت في حرب وجهاد ما بين هذيه وذيّه . . . . وذيّه احدً يدور له ضحيه للاعياد واحدً براسه لـ الليالي ضحيه - ماجد النصيف

صوت التكبيرات ينعّش الرّوح ويشرح الصدر🤍. on.soundcloud.com/ila2MDMSmrbbCt…

سجّي تراني عن محبّتك سجيت ما دام ما به ملتقى . يـ الحبيبه الوقت قفّى بك وأنا عنك صديت مهوب والله كرّه لكن . . . . غصيبه ادري ترديتي وعقبك . . . ترديت فرقى الاحبّه عقب عشره مصيبه ليت العزاوي ترجعك لا تعزويت والله لـ أقوم لجل عينك . . عتيبه - عبدالرحمن بن جزا

ياوجودي وجد من قام من قو الصياح من منامه فـ اخر الليل مرتاع يعدي كل م اقبل له على زوايه فالبيت طاح رايحن شوفه من الكبر والسكر قدي يوم جاء للغرفه تلج من كثر النياح والعيون دموعها تقول حبات بردي قال ابوك لا عاده الله من — صباح قالت العلم الله يعظم اجري في ولدي - ماجد النصيف

يااللي تفك ازرار صدرك من الضيق لعل نارٍ داخل الجوف —— تبرد لو الهواء يشرح صدور المخاليق والله لتلقاني مع الشارع . . اجرد - ماجد النصيف

خذت قلبي إللي زينها نسخه أصليّه ولا فيه نسخه ثانيه .. مثل نسختها كثيرة حيا !.. بـ الملح و الزين مطليّه تضيع إبتسامة هوليوود فـ إبتسامتها ملخّص ( ملامحها ) ملامح طفوليّه و تفاصيلها : ما تعترف في طفولتها مسلّم لها روحي بـ روحٍ رياضيّه ولا أبغى مقابل روحي إلا .. سلامتها لو أملك على مستقبلي صك ملكيّه رهنته على أول أمنيه ؟.. لا تمنّتها ما كنت أعطي الأشياء المهمّه : أهميّه قبل تكسر الروتين عندي بـ ضحكتها هنوفٍ ؟.. أوامرها ( أوامر ملكيّه ) ماقد جت تبي حاجه وراحت ولا جتها - عبد الرحمن بن جزاء

كان جاكم من النشّاد نشّاده جيت ابا رد نفسي عنكم وعيّت فرصةٍ وانتهت ماهيب منعاده لو يعود النسم في واحدٍ ميّت - ناصر الثبيتي

تظاهرت لك بالعافية ولا أنا مجروح الإنسان نوب عيونه أصدق من لسانه أشوف الجفا بعيونك اللي تردّ الروح مثل من يشوف الغدر بعيون عدوانه - فالح الغنامي

طول عليّ الليل و الصدر مشحون متى شعاع الشمس يجمع شتاتي أطفي جمر غليون و شب غليون و أضفي على عورة جروحي عباتي أخذ من لوعات الأيام عربون و الباقي الله ياخذه قبل ياتي رحتو بفرحة خاطر وقرة عيون وانا مغير أزنت زنيت الزناتي اشوف موتي والعرب ما يشوفون حتى حياتي تحتفل في مماتي

من نواد شاعرنا الكبير شقير الجذع الله من قلبٍ تعكر مزاجه امست تقالبه الهواجيس يادهام هاجوس يطري له بتسعين حاجه وهاجوس ياردبه مواريد الاوهام على عشيرٍ كن رسمة حجاجه حبرً على الاوراق من روس الاقلام من فوق خده يوم احلل لتعاجه العاج براقً سرا عقب الاظلام زين الوصايف ما بجسمه عواجه عليه من ظبي المها عنق وحزام لا عالين عوده ولا به عباجه اليا مر قلت انه غدا جسمه اقسام و اليا مشى مع زين مشيه غناجه يوم الغضى كنه يدوسه بالأقدام شريف ما يمشي دروب السماجه ولا بيحو سده مرميت الارقام ولا تابعت جيل الهلك في مزاجه ولا كدت القصه على الوجه قدام و السوق ما سمعت مصوت حراجه ولا طافت الاسواق تسال عن الخام مسكانها جوً نسيمه علاجه ليا هب نسناسه ونبت النفل قام ظبيً جرح قلبي صعب علاجه معذبً قلبي من اللي ورا العام حبه طواني طي حاجة خواجه ولا الجرايد عند كتاب الإعلام عليه انا قلبي يزود انزعاجه كن الدقيقه عقبهم عشرت ايام و ان ما حصل عقب المفارق مواجه صارت ليالي حبنا مثل الاحلام الحب دايم يكسر البعد تاجه يا عزتي لو طول الوقت يا دهام

يا غريبه يوم كان الفراق من المحال تكبر امال المحبه ويصغر همّنا الله اكبر ياتصاريف دوراة الليال صرتي ام عيال هالحين مانتي يمّنا - ناصر الثبيتي

الليل أعرفه مثل ما أعرف أعز اخوياي اللي ما أعرف الخساره معهم من الربح كم مرةٍ جيته مبيّح < زمآني > خفاي وجلس يعذر علي إليا ثمـ 8 ـان الصبح - عبدالرحمن بن جزا