أنا الذي زيني على الغيد غطّاه
نور تباهى بي .. وبه قد تمتّعت
رقة ملامح .. والأنوثة مِبهاه
وعلى عروش الزين .. حِزت وتربّعت
جميلة .. مالي مع الناس أشباه
عن كل زين يعرضونه .. ترفّعت
والحمد لله .. فضل ربي وعطاه
بستر العفاف وبالتواضع .. تطبّعت
- نوف سعود
تدللي واعملي لي ماتحاسنتي
يرضيك والي يجيني منك يرضيني
في منزلٍ مامسك مفتاحه الا انتي
ولا ادري تحسين ولاماتحسيني
كانك تحسين فأنتي ماتعاونتي
غير احتلالك لقلبي وش عطيتيني
ياكثر زينك لو انك . . ما تزينتي
مدري مزينك رب البيت في عيني
- عبدالله بن عون
