وسميّة

والذي أخرجك من بين الصلب والترائب، سيخرجك من بين الكرب والمصائب.

اليا خذاك الكبر فـ أنا سليل الكبار اللي تناقل فعايلهم شيوخ الهجر جدودي اللي مسيرتهم بكل اختصار مخلدين الفعول وكاسبين الاجر من دون نفسي ماأحب الذل والانكسار نفسي عزيزة وقلبي دون نفسي حجر ما هابوا جدودي الفرسان فوق المهار وشلون أبخالف جدودي وأخاف الهجر!

«أنتي خذيتي زين كل العذارى ———لين افتحوا بعدتس عيادات تجميل»

« يارب خذني بين أياديك تايب قدّام أجيك علوّ الأمتان مشيول »

« مزاجي يلبّسني صلافة . . وأنا نسناس » ———ميّ اللافي وانا

” يا ربي ليا وقفت عندك وبـ إسمي حاف تحفاني بخيرات ما وزنت و كِيلت أخاف أتمادى بين الأقبال و الإنكاف و أنا أشيل لي سيّات ما أظنها شِيلت أوكلك نفسي لا تكلني يدين ضعاف و أعوّل عليك ظروف لولاك ما عِيلت يا ربي و رب الأرض و الكون و الأعراف تنولني اللي من مساعي ما نِيلت “

وبُشرى يهلَّ لـ كبرها دمع الأعيان و نسجد لها سجدة شكر و نتهنَّى

" يروحون . . ما قلنا يروحون عنّا ليش تبون اطرد المقفين؟ ماباقي الا هي "

«جادل ماهيضتها النعومه بالعيال ماتبا إلا راس اصوك وجنبن مايلين النعومه فالنساء والخشونه لـ الرجال وش تبي باللي عروقه على خده تبين لو ملك رتبه ومنصب ومال وطيب فال الرغد عيشه لا يمكن يخرج كايدين والمراجل ماتجي بالمجامل والحيال باليدين الطايله ياقصيرين اليدين» _مبارك بن عبيد

عقلني بالفراق و قال لي تحتال قلت أحتال من يطيح بغرامك لازم يوقّف على حيله سعود بن مبارك

وأنا بعد رحت ماطوّلت مقعادي مقاعد الذلّ نفسي ما تدانيهـا أزهد بها واترك الجمّال و الحادي والله يا لو تنوزن بألماس مابيها من باعني لو تكون أجداده أجدادي بعته وبعت الديار اللي سكن فيها

" أحس في قلبي أمل وإنفراجه لو مالها حتى مواري وأدلّه ما تنتظر نفسي من الناس حاجه أحلام عُمري أنتظرها من الله "

كل نسمة ساقها الرحمن من مربى جدودك ما تنفست بـ هواها العذب من غير أتطيّب - عبدالله السراهيد وانا

ودّي أعلق على الصدر ممنوع الدخول لأن قلبي مِن دخل فيه ما يطلع منه - جمال بندر وانا

امانه لا رحلتي ودّعي قلبّي شوي شوي تراني منكسر من سيرة الفرقا وطاريها تراني من هذاك اليوم لا ميّت ولاني حيّ ولا أدري عن جميع الناس قاصيها ودانيها أمانه وش معي ولا وش اللي من غيابك لي يا كود الونّه اللي ما تعدت صدر راعيها - مشعان البراق

" كل لحظة غروب وكل لحظة شروق يتجدد غلاكم ويتجدد وفاي شوفكم غاث قلبي وازهرن العروق وطيفكم في عيوني عاش رايح وجاي انت سارق خفوقي وانت منت بسروق يادوا ماحصل لي وانت يازين داي المطر ماتهيا وانت كلك بروق قل احبك! بوجهي وش تفيد بقفاي ! "

"بيت القصيده" يتعب اللي يجاريه وأنتي بـ عيني مثل "بيت القصيده" استاذني من خاطري واستميحيه بـ العذر ، لو ان العذر ما يفيده بتفقدين الحب وان مافقدتيه ؟ بتعلمك الأيام بـ انّي : فقيده اعتبري ان الحب ذنب : اقترفتيه و بعتبر فرصتك : فرصة سعيده .

تستنكرين فوادي اللي سلبتيه ؟ وانتي عيونك تسلب القلب سيده قلبً صواديف الزمان لعبت فيه ماعاد باقي منه الا شريده ما شوّهت حبّي كبار المشاريه لا زلت ذاك اللي قديمه جديده حتى الشعر في عيونك ان قمت اغنّيه استعبد احراره و احرر عبيده

عن الخاطر العايف يقول الشاعر: «لوتعيد اللي مضى من بيننا بـ اصعب طريقه مستحيل أستوعب المُلفت بعد ما صار عادي»

"من نسيم الصبح واشراقه وصوت القمري كل حاجه تسعدك بالوقت فتش عنها والله اني ما نسيت احلى ليالي عمري مير احس ان الزمان المقبل احلى منها"

ناج العزيز القدير وخل عنك الوجيه اللي لاجات المنايا غيّبت شمسها الناس مافي يديها شي تنفعّك فيه لو تقدر الناس تنفع أنفعت نفسها