𝖺𝗃𝗆𝗂

قول اللي تبيه 🌷 tellonym.me/erilr/kmb

يا لبيّك الحنونه . . يا وجودي منك يا لبيه أنا لبيه عندي بـ الغلا والحب . . مرهـونه أعرف الحب لكن مستحيل استخدمه ترفيه جعل ربي يهين اللي على اهواهم يهينونه وش اسوي ؟ مع اللي لاسليت ومرني طاريه نفض قلبي غبار الذكريات . . وجنت جنونه احسب إني نسيته واثرني مازلت ملك ايديه واحسب إني وصلته واثرني لازلت من دونه احبه مثل ماحب الحياة اللي تشعـشع فيه واخافه مثل ماخاف السهوم اللي من عيونه أميّز صورته لو حال من دون الوجيه وجيه وأثمّن كلمته . . حتى ولو ماهي بـ مـوزونه لـ ذلك يا صغير السن لا تطرد سراب التيه على هونك وخل أحساسك الطاغي على هونه لا تبدي لي مشاعر قلبك اللي مستحيل ارضيه ترى ما عاد لي قلب يحس بـ من يحـبونه

عيني لـ ابوطلة تفرق وحسن فريد وطموحي اكبر من الدلّه وفنجالها الترف كنّه يقول اليوم يوم القصيد نوّخ ذلولك هناك . . ووثّق عقالها ماقاوم الغرّه اللي كنّها صبح عيد الله خلقها . . ولا كثّر من امثالها العين كانه بعيد الخير منها بعيد لكن دامه قريب ؟ يسرّكم حالها روحي معه روّحت مرواح مهرة عقيد تسحب رسنها عقب ماطاح خيّالها قمت اتمنى نوادر مطلق ابن عبيد لكن سبقني عليها مطلق وقالها (:

حفيدة من يعانق سما المجد والامداح من حقوقها تمشي مع الناس منغـرّه سليلة كبار ومجدهم ما يبا الايضـاح نجيـبة حرار . . وحـرّة من بطن حـرّه هي الغاده اللي طهرها فالدجى وضّاح وهي الدرّه اللي صدق تستاهل الدرّه (:

عساي فدوة سواد ساح فوق البياض ورد يساقيه وبل الغيم . . في منبعه يا شبه وضحا تبختر في رحاب الفياض وراني اشوف كحلك ساح في مدمعه ؟ ما على حكم ربي والنصيب اعتراض كفي مدامع عيونك . . والليالي سعه عيّت وشحت علينا بـ الوصال الرياض ونادت وجادت علينا باللقى المجمعه (:

اللهم شتت شملهم وفرّق جمعهم اللهم خذهم أخذ عزيز مقتدر اللهم أرنا فيهم عجائب قدرتك اللهم رد كيدهم في نحورهم #صفارات_الانذار

أتمادى في حضـورك . . واتودّد يا بعد من ينسج الغيمة قلايد فيك أمد الصوت والليل يتـمدّد لين احب الوجنتين . . أم الرغايد كيف بـ أتخيّر سناك وليش أحدّد ؟ والسنين مسيـّره . . والعمر بايد آه يا ملـح الليالي . . لا تصدّد أنت صدك ما تخففّه القصايد (:

ماعرف أعبّر عن غلاها . . ولا أبوح و إن ماكسبت إعجابها ما اخسرها أخاف لا أخسر حبها العف و تروح للي ما يسوى خصلة . . من شعرها

للعين دمعه وحتى القلب له دمعه احاول اصخي بها . . لا غرّد القمري من سبّة اللي لاجت عصرية الجمعه ادعي لها كل ماجيت ادعي لـ عمري !

﴿ رَبِّ اجْعَلْ هَذَا الْبَلَدَ آمِنًا ﴾ 🇰🇼 #صافرات_الانذار

الله معك وإن حداك الوقت لـ الطيحه تحّـد كل الظروف . . وطـحّ على قلبي !

هواي العذب انا مالي وطن غير العيون السود خذني في كنفها لين رمشك . . يبسط ظلاله ملامح يوسفية زينها . . راهي ولا محدود آجل من القمر واجل من عشرة من أمثاله (: ليا قالوا لك انك فارق . . قول عليكم زود عليكم زود وازينكم وجه مشروب فنجاله (: يا سبحان العظيم اللي فرق وجهك عن الموجود يجي والناس حوله . . جالسين وكنه لحاله ! انا ما ودي اشكر في حياتي غير ابوك العود مسوي له جمايل بعد ما جاب اجمل سلاله حلفت ان الحزن ما يدخل بقلبك وانا موجود انا موجود لـ اجل أزيّـنه . . و ازيّـن احواله ❤️

يا جعلني فدوة قـوام هش . . وعلـوّه بدر مع مضحك يطغى به الفوشي على لون الآل عقالي المرعز . . مقاس الخصر لامنه انهصر وماله مجال يطيح تحت الخصر لو فل العقال سرحت مع سود العيون اللي تكحل بـ السحر والرمش يقنص للخدود . . وتاق طلعه للهلال وغديت مع زين المحاسن تيه . . والله يغفر آمنت بـ اللي صورك بـ الحسن رهبه وابتهال

يـ اللي تجون الغضي لا يختلف نوّه ماهو بـ حق يزيد الجرح بـ جروحي جرح . . محيل وجرح . . يبعثه تـوّه ماله من احيا محيل الجرح مصلوحي كانه يهـمّه علاج . . الجرح وبـروّه ! يرخص من السلسبيل العذب قرطوحي العام . . للقلب يمّه . . شف وجروّه ومعيفه . . في محبة كل مملوحي ): يوم ان حبه بـ قلبي . . تشتعل ضوّه وانا اسبق من المدعي على اللّوحي واليوم صار الغلا . . مشبوه ومشوّه وانا تنازلت والمجمول مسموحي ): 🧑🏻‍🦯

لا يحسب إنّي نسيته ورب أم القرا ما تناسى طلع تينه . . ونفحة عنبره ايـتداركني قبل . . ضيـعتي والا ترا ضعت ضيعة دم رجال اهدرته مره لايفكر في برا الجرح . . والا ما برا ): واضح اللي في النعش رايح للمقبره ويحفظ قدر المحبه ويبقى في حرا جيّة منّي وغصن . . الغلا لا يكسره ! ويخبر اللي في التمادي تطاول وافترا يكسب المعروف بالعفو عند المقدره لا يجـاور وردة . . في ظـلال وفي ذرا ما سقاها دمع عينه ولا دم نحـره !

والله اني كل ما نسنس هبيّب كن قلبي فوق متن النود هوّى ضايق صدري وفاقد لي حبيّب واحد قفى ولا ادري ويش سوّى ما ذبحني غير قبل . . انه يغيّب غير يوم انه على صدري تلـوّى اتوجد من فراقه . . ومتصيّب كل ما اصبح صبح ولا ليل ضوّى لجتي لـ مواجهه قدام اشيّب لجة حيام على عد مطـوّى ): بين سعِـد وبين جيان القليّب ارزمت والقيض منه النبت ذوّى يـ الله انك من وصاله لا تخيّب واحد حبه مع المشتاق خوّى ): مسّني حبه على الضلع القريّب لين قلبي من غلاه ارقب وعوّى كل ما اذكر شطر بن جدلان اغيّب واتوجد . . من كلامـه . . واتزوّى ): من هوى بكر بعد ما جات ثيّب وافطمتني من بنات ادم وحوّى !

الهجر ما يرضي حبيب من حبيب لكن حبيبك . . والله ان عذره معاه انا المجرب فالمحبه . . والطبيب عندي شهاده من وفاك ومن وفاه كلش يهون الا . . غيابـه لا يغيب ! وان صمم انه يغيب ياخذني معاه نعيش وظنون المحبه . . ما تخيب ويجرح على كيفه عسى جرحي فداه كل الجروح اتطيب والجرح العطيب من واحد غلا جـروحه . . من غـلاه مابي الجروح اللي تجي منه تطيب ابي جروحه باقيه . . مدى الحياه (:

يا مرحبا يا حفيدة . . ناقلين السيوف يا ذخر من ترتع الابل في ذرى سيفها يوم المعارك ودقلات السرايا تطوف ترعى الخطر بـ المشوّك في رها ريفها انتي هوى البال يا منوة بعاد الشفوف يا بنت قـوم على العليا . . مشاريفها عيطاً تخطرف ليا منها مشت ما تشوف تقول ما خذة الدنيا . . على كيفها (:

ولا خذيت السوالف . . لبّ ومقارح أصغي مع السالفه من حبّ راعيها 💘

طاح في حب بدويه وراح مع الجموع حبها . . لـ الموت الاحمر تقول يسيّره كنها مع كل خطوه وممشاها طلوع بكرة على عسيف . . الرحول مضيّره لا تذكر نوع حسن ماهو بـ ايات نوع قام يومي به زمانه . . وقام يصيّـره بين نص ما يجوع ونص فيه جوع كن ربي في تفاصييل جسمه خيّـره (:

قالو علامك غادي . . اليوم شيبه توك شباب وماليا وجهك الشيب ان كان شيبك . . فاقد لك حبيبه ياما فقدنا و الليالي . . تجاريب قلت الهوى كبيت خبثه و طيبه لو الهوى ما هو حرام ولا عيب شيبي فراق اهل العلوم العجيبه اهل النخاوي عند عوج العراقيب غابو و وغيبتهم عليّه . . مصيبه و فارقتهم مافيه شك ولا ريب ): والموت خصم . . ما لقينا طبيبه علّـة نحر ما تنعرض للأطابيب ! والفقر غلقها عسى . . الله حسيبه واللي ما شاب بوقتنا اليوم ما يشيب لا صار تقدير الرجل . . غير جيبه من وين لك تقدير يا فارغ الجيب حي يجيب اله المكاسب . . نصيبه وحي نصيـبه لا يودي ولا يجيب ! وتخلّي الاصـحاب ماهي غريبه لكن الغريبه لا كرهوك المعازيب والرزق غير الله . . محد يجيبه اللي يجيبه عالم السر والغيب والا لو أن الرزق يوخذ غصيـبه ما الفقر هان مفتلين الأشانيب ! ولا كان حدتهم . . ظروف صعيبه على خدوش ما تعرف المواجيب القل قطّاع . . القريب وقريـبه ورجل بليا مال كله . . عذاريب ! والمال يعطي الرجل طنخه وهيبه ويقال له ذيبان وهـو ولا ذيب (: