Lama

لا جيت أنا بسامحك تبكي الجراح ماودها مشتاق ودي أصافحك وعيّت يدي لا أمدها آه يا الجراح راح اللي راح وراحتي من ياترى بيردها؟

وبي عبرة محبوسة تمتحني وفي عيني وحلقي وصدري شكاوي أن قلت زانت خالف الوقت ظنّي وأن قلت هانت عاجلتني بلاوي أجامل أيامي ولا جاملنّي هامت بي الدنيا هيام الخلاوي الوقت جاير والليالي أسهرني والحزن مابين الضلوع متلاوي

أعرف إنك صعب ـــــــ وبعيد المنالي ليت رب الكون حطك من نصيبي

ودعتك النسناس ياورد الأشواق كرامتي تحكم علي بأنصرافي قطفت منّك ماتهيّا ومالاق ورميت باقي ذكرياتك خلافي لا دمعة طاحت ولا خاطر ضاق ما اقول غير اللي على البال كافي يكفي ثلاث سنين مرّت على ساق عين فراش لك وعين لحافي

لو صدق ، لو وفى ، لو ماخذلني؟ لو وفيت وجيت يومٍ زرتني لو صدق أفنيت روحي في هواك لو سمحت بنظرتك وأمهلتني أحضن عيونك وقلبي مانساك لو لمست الوجد بي ولعتني واهتديت بنور قلبي وافتداك لو نظرت بعين قلبك شفتني مامعي مخلوق يستاهل غلاك ليتك من الحب ماخوفتني

لا من غديتي شمس انا كيف اعذلك؟ لا بد مايظهر مع طلّتك نور تلطفي وان كحّل الزين نِجلك وتواضعي لو بك غدى الحسن مغرور ما الومهم ان لدت عيونهم لك من ناظرك ياربة الحسن معذور وإن سطّرو عذب المعاني من أجلك

وما للرجا في بعض الأحوال قيمة ومال العمى صبحٍ ولو بات سهران لو للزمن عن نية الغدر شيمه مافرق أحبابٍ ولا بعد أوطان كلٍ خصيم وذاق لوعة خصيمة واللي خصيم الوقت يابنت خسران

«لو تقتحمني عاصفه وتزلزل أركاني رياح - صوت الأمل فيني يقول إن العواصف بتهدأ»

مابقى لي قلب يشفع لك خطيّه ذوبته جروح صدّك والخطايا صاحبي بالله لا تعتب عليّه العَتب ماعاد تاسَعه الحنايا كلّ جرحٍ فات لي منك هديّه وش بلاك تخاف من ردّ الهدايا

أجلس تربّع ب الحشى حط مركاك وأشرب من عروق الغلا لين تروى وأمر وتدلّل وأطلب الروح تفداك وشلون أفرط بك وأنا حي وأقوى؟

فداك اللي مضى واللي بقى يفداك ترا لولا غلاك وضحكتك مابعت خلاني ولا جيت اتدارك مابقى من فرحتي والقاك وابيع العمر كله لأبتسم ثغرك على شاني وأنا اللي لأجل عينك بعت ذاك وذاك وتناسيت السنين المجدبه واحرقت عنواني

ولا لي بالبشر غايه ولا لي بالثرى أوتاد خفوقي حُر وأتبع مايعز النفس وأرضيها

قُل لِلرياح أَن تَأْتي كَما تَشاء فَما عادت سُفنَنا تَشْتهي شَيئًا

صعب أنك تنساني وأنا غيدٍ لعوب عندي قلوب الأوادم مثل خاتم بيدي وأنت لو أنك تبي تسج عني أو تتوب ماعاد فالثنتين حيله مايمدي تهتدي لا أستمالت يمّ قلبك ذعاذيع الهبوب بـ تتذكّر حسن وجهي على وردٍ ندي

كل ما اقفيت ناداني تعال وكل ما اقبلت عزّم بالرحيل كل ما اجنبت واعدني شمال يا أهل الحب ضيعت الدليل الحقيقة غدت مثل الخيال هو عدوّي وهو اغلى خليل

أرفق ، ترا النفس العزيزة عيوفه ماكل عذرً بأقبله منك لا أخطيت

دعيت لك تلقى كل شي تحبه ورجيت الله اكون اكثر من اللي تبيه -بدر عبدالمحسن

من باع عشرتي لأجل ناس تسليه تحرم عليه رجعتي لو كان غالي ماني من اللي يلحق الطير لا طار من راح عني مايلحقه غير ظله.

«صدقني مايفيد العتاب وصدقني مايكفي الندم تبغاني أحبك للعذاب ولا أحبك للألم أنا حتى مدري وش تقول عالي السكوت ما أسمعك»

عطيتك لين استحى مني العطى ولا استحى وجهك ولا قدّر عطاي.